பக்தி கீதம் இசைத்தலின் சக்தி

Songs of My heart: Chants, Poems and Prayers

“அறிமுகம்: அமைதி கோவிலில், அருளியவர் பரமஹம்ஸ யோகானந்தர்

“அமைதிக் கோவிலில்” பரமஹம்ஸ யோகானந்தரால் பாடப்பட்டது

பரமஹம்ஸ யோகானந்தரின் நூல்களிலிருந்து சில பகுதிகள்

[பல கலாச்சாரங்களில் இருந்து கிடைக்கப்பெறும் பண்டையகால கீதமரபுகள் இன்று அவற்றின் உள்ளார்ந்த அழகிற்கு மட்டுமின்றி அவற்றின் ஆன்மீக சக்திக்காகவும் அங்கீகரிக்கப்படுகின்றன. இந்தியாவின் பக்தி கீதம் இசைத்தல் கலையை மேற்கிற்கு அறிமுகப்படுத்தியதில் பரமஹம்ஸ யோகானந்தர் முன்னோடியாக இருந்தார். அவரது நூல் பிரபஞ்ச கீதங்கள் 1930-களில் எழுதப்பட்டது. அதில் அவர் இயற்றிய 50 கீதங்களுக்கு எழுத்தும் இசையும் அவரால் அளிக்கப்பட்டது அல்லது இந்தியாவின் சில மரபு கீதங்கள் தழுவப்பட்டன. அந்தப் புத்தகத்தில் அவரது முன்னுரையில் இருந்தும் மற்றும் அவரது பிற நூல்களிலிருந்தும் எடுக்கப்பட்டு கீழே கொடுக்கப்பட்டுள்ள சில பகுதிகளில் அவர் “ஆன்மீகமயமாக்கப்பட்ட” கீதங்கள் தியானத்திற்கான முன்னேற்பாடுகளில் எவ்வாறு மனத்தை அமைதிப்படுத்தவும், ஒருமுகப்படுத்தவும் உதவி புரிகின்றன என்று விளக்குகிறார்]

பிரபலமான பாடல்கள் பொதுவாக உணர்ச்சிபூர்வமான கருத்து அல்லது தற்காலிக ஆர்வம் வாயிலாக எழுச்சியூட்டுவதாக உள்ளன. ஆனால், இறைவனுக்கான உண்மையான பக்தியின் ஆழங்களில் உதித்து, கேட்கும் படியாகவோ அல்லது மானசீகமாகவோ, எல்லையற்ற ஆனந்த வடிவில் இறைவனிடமிருந்து உணர்வுபூர்வமாக மறுமொழி பெறப்படும் வரை இடைவிடாது பாடப்படும் பாடல் ஆன்மீகமாக்கப்பட்ட பாடல் ஆகும்.

அத்தகைய பாடல்கள் தீக்குச்சிபோல், இறை உணர்வு நிலை எனும் தீயை, பக்தி எனும் அடித்தளக்கல்லின் மேல் மோதும் போது உண்டாக்குகிறது. சாதாரண பாடல்கள் ஈரமான தீக்குச்சிகள் போல் இறை ஞானத்தின் எந்த பொறியையும் ஏற்படுத்துவதில்லை.

இந்தப் புத்தகத்திலுள்ள ஒவ்வொரு பிரபஞ்ச கீதமும் ஆன்மீகமயமாக்கப்பட்டது; அதாவது வெவ்வேறு சமயக் கூட்டங்களில் ஒவ்வொரு பாடலும் உரக்கவும், மானசீகமாகவும், பாடுபவர்கள் இறைவனிடத்தில் இந்த உண்மையான மறுமொழியை உணரும் வரை, பாடப்பட்டுள்ளது. ஒவ்வொரு வாசகரும் இந்த கீதங்களை செவிக்கோ அல்லது உணர்ச்சிகளுக்கு இனிமை தரும் சாதாரண இசை போலன்றி தெய்வீக தொடர்புக்காகப் பயன்படுத்தப்பட வேண்டிய ஆன்மா – செறிவூட்டப்பட்ட கீதங்களாகப் பாடுபவர்கள் என நம்புகிறோம்.

Man with a Sitar — Silhouette.

ஒலிதான் பிரபஞ்சத்தில் மிகவும் ஆற்றல்மிக்க சக்தியாகும்.

இக்கீதங்களைப் பாடுபவர்கள் மிக உயரிய பலன்களை விரும்புபவர்கள் இவற்றை தனியாகவோ அல்லது உண்மையான இறை பக்தர்களுடன் சேர்ந்து மட்டுமே, என்றும் அதிகரிக்கும் பக்தியுடனும் உற்சாகத்துடனும் பாடவேண்டும். ராகங்களைக் கற்ற பிறகு, ஒருவரது முழுமையான கவனம், பாடல்களை மேலும் மேலும் ஆழ்ந்த பக்தியுடன், பாடலில் உள்ள வார்த்தைகளின் பொருளை முழுவதுமாகப் புரிந்து கொள்ள முயற்சித்துக்கொண்டு, பாடுவதிலுள்ள பேரின்பத்தில் மூழ்கும்வரை திரும்பத்திரும்ப பாடுவதில் இருக்க வேண்டும். இந்த ஆனந்தமய உணர்வுதான் இறைவனைப் பற்றிய முதல் அனுபவமாகும்.

சங்கீர்த்தனங்கள் அல்லது இசைக்கூட்டங்கள், யோகம் அல்லது ஆன்மீக ஒழுங்கின் ஒரு பயன்மிக்க வடிவம்: மேலும் இதற்கு தீவிரமான ஒருமுகப்பாடல் (பாட்டின்) மையக்கருத்து மற்றும் இசையில் முழு ஈடுபாடு ஆகியவை அவசியமாகின்றன. மனிதனே படைப்புத்திறன் மிக்க வார்த்தைகளின் வெளிப்பாடு ஆதலால், ஒலி அவன் மீது ஒரு சக்திமிக்க மற்றும் உடனடித்தாக்கத்தை ஏற்படுத்துகிறது. கீழை மற்றும் மேலை நாடுகளின் உயர் சமய இசை ஒரு மனிதனுக்கு ஆனந்தத்தை வழங்குகிறது. ஏனெனில் அது அவனது தெய்வீகமான முதுகுத்தண்டு மையங்கள் ஒன்றின் தாற்காலிக அதிர்வுறும் விழிப்புணர்வை விளைவிக்கிறது. பேரின்பமய கணங்களில், அவனது தெய்வீக மூலத்தைப் பற்றிய மங்கலான நினைவு அவனுக்கு வருகிறது.

பைபிளில் உள்ள பத்து கட்டளைகளில் ஒன்று:” உன் தேவனாகிய கர்த்தருடைய நாமத்தை வீணாக எடுத்துக் கொள்ளாதே ” ஒருவர், எப்பொழுதெல்லாம் ஒரு கீதத்தையோ அல்லது பிரார்த்தனையையோ கவனக்குறைவாக, இறைவன் மேல் முழு கவனம் செலுத்தாமல் திரும்பத் திரும்பக் கூறினால் அது இறைவன் திருநாமத்தை வீணாக உச்சரிப்பதற்கு சமம்; அதாவது, பலனின்றி, அந்த திருநாமத்தின் சர்வ வியாபகத்தை பயன்படுத்தாமல் மற்றும் இறைவனின் மறுமொழியை பெறாமல் இருப்பதாகும். இறைவன் அத்தகைய கிளிப்பிள்ளைத்தனமான பிரார்த்தனைகளுக்கு மறுமொழி அளிப்பதில்லை. ஒரு கீதத்தை திரும்பத் திரும்ப என்றும் அதிகரிக்கும் புரிதலுடனும் பக்தியுடனும் பாடுவது, இறைவனின் திருநாமத்தை வீணாக உச்சரிப்பதற்கு மாறாக மிகவும் பயன்படும் வகையில் உச்சரிப்பதாகும்.

இந்த ஆன்மீகமாக்கப்பட்ட பிரபஞ்ச கீதங்களை உண்மையான பக்தியுடன் பாடும் ஒருவர் இறைத் தொடர்பையும் பரவச ஆனந்தத்தையும் அடைவர். பின் அதன் வாயிலாக உடல், மனம் மற்றும் ஆன்மாவின் நலத்தைப் பெறுவர்.

இறைவன் மறுமொழி அளித்துள்ளான் என்பதற்கு ஆனந்தம்தான் சான்று.

Devi Saraswati with her Veena.

இந்த கீதங்கள் ஒவ்வொன்றும், ஒரு தடவை மட்டுமல்ல பல தடவைகள், திரும்பத் திரும்ப பாடுதலால் திரளாகச் சேரும் சக்தியினை பயன்படுத்திய வண்ணம், பாடகர் அவர் இதயமெனும் வானொலியின் வாயிலாக உயர் பேரின்பம் தென்றலாக மிதந்து செல்வதாக உணரும்வரை, பாடப்பட வேண்டும். இந்த ஆனந்தம் உணரப்படும் போது, அது இறைவன், பாடகருக்கு மறுமொழி அளித்துள்ளான் என்பதற்கும், அவரது பக்தி முறையாக இணக்கமுற்றுள்ளது என்பதற்கும் சான்று; பாடும் போது அவர் ஒலிபரப்பும் அவரது ஆர்வமுனைப்பு உண்மையானதாகவும் ஆழமாகவும் இருந்துள்ளது.

இணக்கமான இசையும் அழகிய வார்த்தைகளும் ஆன்ம விழிப்புணர்வாக மாற்றப்பட முடியுமென்றால் அவை ஒருவரது முக்திக்கான நோக்கத்திற்காக பங்களிக்கின்றன….. ஒரு சிறிய பாட்டு, உயர்ந்த அல்லது புனித அதிர்வுகளைப் பெற்றிருக்கவில்லை என்றால் அது அற்பமான, அச்சமூட்டும் அல்லது இழிவான உணர்ச்சிகளைத் தூண்டுகிறது. துதிப்பாடல்கள் மற்றும் பக்தி கீதங்கள் போன்ற ஆன்மீக இசை கேட்பவர்களின் உணர்வு நிலையை உயர்த்தி பண்பாடற்ற அதிர்வுகளில் நீக்குகிறது.

Mirabai: A Devotee of Krishna.

ஆன்ம சக்தியுடன் செறிவூட்டப்பட்ட இசைதான் அனைத்து இதயங்களாலும் புரிந்து கொள்ளக் கூடிய உண்மையான உலகளாவிய இசை. இந்த உண்மையின் கண்கூடான நீருபணங்களை நான் அமெரிக்க அவையினரின் முன் சொற்பொழிவாற்றிய வருடங்களில் பலமுறை பெற்றுள்ளேன்.1926-ம் வருடம் ஏப்ரல் மாதத்தில், நியூயார்க் நகர காமேகி அரங்கில் தொடர் சொற்பொழிவுகள் ஆற்றிக்கொண்டிருந்தேன்; அந்த சமயத்தில் நான், எனது சில இசை நண்பர்களிடம் இந்தகீதங்களில் ஒன்றை பாடி அவையினரையும் எந்த ஒத்திகையும் இல்லாமல் இந்தப்பாட்டில் கலந்து கொள்ளுமாறு கேட்கலாமென்ற என் யோசனையைத் தெரிவித்தேன். என் நண்பர்கள், அமெரிக்கர்களின் இசை ரசனையோடு இந்த கீதங்கள் ஒத்துப் போகாது என்று நினைத்தனர்.

இசை என்பது இறைவனுக்கான ஆன்ம பக்தியின் உலகளாவிய மொழி மற்றும் அனைத்து பக்தியுள்ள மனிதர்கள், நான் பாடும்போது என் இதயத்தின் தெய்வீக ஏக்கத்தை, அவர்களுக்கு கிழக்கத்திய அல்லது மேற்கத்திய இசையுடன் பரிச்சயம் இருந்தாலும் அல்லது இல்லாவிட்டாலும் சரி, புரிந்து கொள்வார்கள் என்று எதிர்வாதம் புரிந்தேன்.

ஒரு மாலை, “ஏ, அழகிறைவா” என்ற பாடலை நான் பாட ஆரம்பித்து, இந்தப்பாடலை முன்பு எப்போதும் கேட்டிராத அவையினரை என்னுடன் இணைந்து பாடும்படி கேட்டுக் கொண்டேன். ஒருமணி நேரம் மற்றும் இருபத்தைந்து நிமிடங்களுக்கு முழு அவையினரின் ஆயிரக்கணக்கான குரல்கள் பரவச தோத்திர தெய்வீக சூழ்நிலையில் “ஏ அழகிறைவா” வைப் பாடினர். நான் மேடையைவிட்டு வெளியேறிய பின்கூட, அவையினர் அந்தப்பாடலை அமர்ந்து பாடிக் கொண்டே இருந்தனர். மறுநாள் அநேக ஆண்களும் பெண்களும், அந்தப்புனிதப் பாடல் நேரத்தில் அனுபவித்த இறைப்புரிதலுக்கும், உடல், மனம் மற்றும் ஆன்மா ஆகியவற்றின் குணமடைதலுக்கும் சான்றளித்தனர். அத்துடன் அந்தக் கீதத்தை மற்ற சொற்பொழிவுகளின் போது மீண்டும் பாடுமாறு வேண்டுகோள் விடுத்தனர்.

அமெரிக்காவின் இசை ஆலயம் மற்றும் சிறந்த பாடகர்கள் மற்றும் இசை வல்லுநர்களது வெற்றிகளின் பிறப்பிடமான காமெகி அரங்கில் ஏற்பட்ட இந்த அனுபவம், ஆன்ம இசையின் உலகளாவிய தன்மைக்கும், கீழைநாட்டு கீதங்களை பற்றிய மேலை நாட்டவர்களின் பயிற்றுவிக்கப்படாத புரிதலுக்கும் ஒரு தன்னிச்சையான பாராட்டுரைகள் திகழ்ந்தது.

அந்த மாலையிலிருந்து இந்த கீதங்களை ஆயிரக்கணக்கான முறைகள் கீழை மற்றும் மேலை நாட்டு அவையினருக்கு பாடியுள்ளேன் அத்துடன் இறைவனுடைய அருளளாசிமிக்க திருநாமத்தை அன்புடன் பாடும் பக்தர்கள் மீது புரியப்படும் தெய்வீக நன்மைகளையும் கண்ணுற்டுள்ளேன்.

கீதங்களைக் கேளுங்கள்

இப்போதே வாங்குவீர்

இதைப் பகிர

Share on facebook
Share on twitter
Share on whatsapp