मनःपूर्वक कृतज्ञता – तुमची मदत अनेकांना जीवन रक्षक आणि हजारोंना दिलासादायक ठरली

द्वारहाट जवळ मदत कार्याचे समन्वयन करणाऱ्या भक्तांपैकी एकाचे उद्गार

“द्वारहाट व आसपासच्या खेड्ययांमध्ये जेथे कुणीही येण्याची तयारी दाखवली नाही तेथे स्वयंसेवकांची व भक्त डॉक्टरची निष्ठापूर्वक सेवा खरोखरीच प्रेरणादायक आहे. सल्ला व औषधे देऊन आणि साथीचा प्रसार थांबवण्यासाठी घेण्याच्या आवश्यक सावधगिरीबद्दल खेडूतांना प्रशिक्षित करून आपल्या गटाने अनेक जिवने वाचवली आहेत. ’’ टी. एम. द्वारहाट

दूरच्या कन्नूर जिल्हा केरळ मधील जमातीच्या पुनर्वसनाच्या कार्यात मदत करणाऱ्या एका सरकारी कर्मचारी भक्ताचे उद्गार –

“ ह्या भागात सार्वजनिक वाहतुकीची सोया नाही आणि रहिवाश्यांचे उत्पन्न शेतीद्वारे थोडेसे आहे.
साथीच्या आघातानंतर कोविड ग्रस्त झालेल्याना, त्यांची सुश्रुषा करणार्यांना आवश्यक असा अन्नपुरवठा किंवा मास्क, ग्लोवज् इ. पुरेसा वैद्यकीय पुरवठा उपलब्ध नव्हता. वाय एस एस च्या तत्पर मदतीमुळे आम्ही रेशन धान्य कुटुंबांना पुरवू शकलो. ऑक्सिजन कॉन्सन्ट्रेटर्स आणि संरक्षणासाठी पुरेशी आरोग्य रक्षणाची व वैद्यकीय सामुग्री पुरवू शकलो. या उदात्त कार्याचा एक भाग असल्यामुळे माझे हृदय हर्षाने भरभरून आले आहे.” – जे. टी.वी. कन्नूर.

आम्ही आर्थिक साहाय्य पुरवलेल्यांच्या जवळच्या नातलगांकडून आणि अनेक एन. जी. ओ. आणि रुग्णालयांतून ज्यांना आम्ही जीवनरक्षक वैद्यकीय साधने आणि औषधे पुरवली त्यांच्याकडून आम्हाला अनेक हृदयस्पर्शी पोचपावती व फोन आले. देशातील अनेक इलेक्ट्रॉनिक आणि छापील माध्यमांनी संस्थानाने केलेल्या धर्मार्थ कार्याबद्दल माहिती प्रसिद्ध केली आहे.

मदत कार्यात निःस्वार्थ सेवा देणाऱ्या व समन्वयन करणाऱ्या सर्व स्वयंसेवकांप्रती आम्ही अत्यंत कृतज्ञ व अंतःकरणपूर्वक आभारी आहोत. ज्यांनी उदारहस्ते ह्या महान मानव हितकारी कार्यासाठी हातभार लावला, त्यांच्या सत्कार्याचे शब्दांत वर्णन करणे शक्य नाही. सर्वाधिक महत्वाचे आमच्या ज्या दैनंदिन स्वास्थ्यकारी प्रार्थना सत्रात आणि जागतिक प्रार्थनासभेत सहभाग घेतलेल्यांचे आणि सहभागी होत राहणाऱ्यांचे आम्ही ऋणी आहोत व मनःपूर्वक आभारी आहोत. गरजवंतांसाठी सामूहिक प्रार्थना करणे आणि त्यांच्यासाठी स्वास्थ्यकारक स्पंदने व प्रेरणेचे आणि शक्तीचे प्रेमळ विचार पाठवणे आपण सुरूच ठेऊया.

आपले गुरुदेव परमहंस योगानंद म्हणत, “ मी आत्म्याने कार्यरत असतो. कुठलाही पैशाचा विचार न करता केवळ मानवजातीची सेवा हाच विचार घेऊन आणि त्यामुळेच देवाने माझ्या व सेल्फ रियलायझेशन फेलोशिपच्या [योगदा सत्संग सोसायटी ऑफ इंडिया] अस्तित्वाला आधार देण्याचे सर्व मार्ग खुले केले आहेत. जसे आपल्यापैकी प्रत्येकजण आपल्या बांधवांची सेवा करीत आहे. प्रत्येक मार्गाने – भौतिक अथवा आध्यात्मिक – देव आणि आपले गुरु तुमचे मार्गदर्शन करतील. तुम्हाला प्रेरणा देतील आणि त्यांचे प्रेम तुमच्यामधून प्रवाहित होऊन गरजूंपर्यंत पोहोचेल.

तुम्ही देवाच्या सान्निध्याच्या कवेत राहो आणि त्याचे प्रेम व चांगुलपणा इतरांपर्यंत प्रवाहित करो.

दैवी मैत्रीत,

योगदा सत्संग सोसायटी ऑफ इंडिया