ವೈಎಸ್ಎಸ್/ಎಸ್ಆರ್ಎಫ್ ನ ಅಧ್ಯಕ್ಷರು ಹಾಗೂ ಆಧ್ಯಾತ್ಮಿಕ ಮುಖ್ಯಸ್ಥರಾದ ಶ್ರೀ ಶ್ರೀ ಸ್ವಾಮಿ ಚಿದಾನಂದ ಗಿರಿ ಅವರು, ಮಾರ್ಚ್ 15, ಭಾನುವಾರದಂದು ವೈಎಸ್ಎಸ್ ಸಾಧನಾ ಸಂಗಮದ ಸಮಾರೋಪ ಸಮಾರಂಭದಲ್ಲಿ “ಪರಮಹಂಸ ಯೋಗಾನಂದರ ಸಮತೋಲಿತ ಜೀವನದ ಆದರ್ಶಗಳು” ಎಂಬ ವಿಷಯದ ಮೇಲೆ ವಿಶೇಷ ಪ್ರವಚನವನ್ನು ನೀಡಲಿದ್ದಾರೆ ಎಂದು ತಿಳಿಸಲು ನಮಗೆ ಅಪಾರ ಆನಂದವಾಗುತ್ತಿದೆ. ಅಮೇರಿಕಾದ ಲಾಸ್ ಏಂಜಲೀಸ್ನಲ್ಲಿರುವ ಎಸ್ಆರ್ಎಫ್ ನ ಅಂತರರಾಷ್ಟ್ರೀಯ ಪ್ರಧಾನ ಕಛೇರಿಯಿಂದ ನೇರ ಪ್ರಸಾರವಾಗುವ ಈ ಪ್ರವಚನಕ್ಕೆ ಹಾಜರಾಗಲು ನಾವು ನಿಮ್ಮನ್ನು ಆಹ್ವಾನಿಸುತ್ತಿದ್ದೇವೆ.
ಇಂದಿನ ವೇಗದ ಮತ್ತು ಸವಾಲಿನ ಜಗತ್ತಿನಲ್ಲಿ, ಅನೇಕರು ಆಂತರಿಕ ಶಾಂತಿ ಮತ್ತು ಆಧ್ಯಾತ್ಮಿಕ ಪರಿಪೂರ್ಣತೆಯೊಂದಿಗೆ ಬಾಹ್ಯ ಜವಾಬ್ದಾರಿಗಳನ್ನು ಪೂರೈಸಲು ಬಯಸುತ್ತಾರೆ. ಈ ಪ್ರವಚನದಲ್ಲಿ, ಸ್ವಾಮಿ ಚಿದಾನಂದಜಿ ಅವರು ಪರಮಹಂಸ ಯೋಗಾನಂದರ ಸಮತೋಲಿತ ಜೀವನದ ಪ್ರಾಯೋಗಿಕ ಆದರ್ಶಗಳನ್ನು ಹಂಚಿಕೊಳ್ಳುತ್ತಾ — ದೇವರಲ್ಲಿ ನಮ್ಮ ನಂಬಿಕೆಯನ್ನು ಸ್ಥಿರವಾಗಿಟ್ಟುಕೊಂಡು ಜಗತ್ತಿನಲ್ಲಿ ಹೇಗೆ ಬದುಕಬೇಕು ಎಂಬುದನ್ನು ವಿವರಿಸುವರು. ದೇಹ, ಮನಸ್ಸು ಮತ್ತು ಆತ್ಮದ ಸಾಮರಸ್ಯದ ಬೆಳವಣಿಗೆಯ ಯೋಗಿಕ ತತ್ವಗಳನ್ನು ಆಧರಿಸಿ, ಪ್ರತಿದಿನದ ಧ್ಯಾನ, ಸರಿಯಾದ ಕಾರ್ಯ ಮತ್ತು ಸಮಚಿತ್ತತೆಗಳು ಶಾಂತಿ, ಆನಂದ ಮತ್ತು ಆಧ್ಯಾತ್ಮಿಕ ಸ್ಥಿರತೆಯೊಂದಿಗೆ ಜೀವನದ ಕರ್ತವ್ಯಗಳನ್ನು ನಿರ್ವಹಿಸಲು ಹೇಗೆ ಶಕ್ತಗೊಳಿಸುತ್ತವೆ ಎಂಬುದು ಈ ಪ್ರವಚನದ ಪ್ರಮುಖಾಂಶವಾಗಿದೆ. ವೃತ್ತಿ ಜೀವನ, ಸಂಬಂಧಗಳು ಮತ್ತು ಸೇವೆಗೆ ದೈವೀ-ಸಂಪರ್ಕದ ಶಾಂತಿಯನ್ನು ಹೇಗೆ ತರುವುದು ಎಂಬುದನ್ನು ಕಲಿಯಿರಿ.
ಈ ಪ್ರವಚನವು ನೇರ ಪ್ರಸಾರ ಮುಗಿದ ನಂತರವೂ ಲಭ್ಯವಿರಲಿದೆ.
ಈ ಕಾರ್ಯಕ್ರಮವು ಇಂಗ್ಲಿಷ್ನಲ್ಲಿ ನಡೆಯಲಿದೆ. ಹಿಂದಿ ಭಾಷೆಯಲ್ಲಿ ಏಕಕಾಲಿಕ ಭಾಷಾಂತರದ ಸೌಲಭ್ಯವಿರುತ್ತದೆ (ನೇರ ಕಾರ್ಯಕ್ರಮದ ಸಮಯದಲ್ಲಿ ಮಾತ್ರ, ಝೂಮ್ ಮೂಲಕ).
ಹಿಂದಿ ಭಾಷೆಯಲ್ಲಿ ಏಕಕಾಲಿಕ ಭಾಷಾಂತರವನ್ನು ಪಡೆಯಲು:
- ಝೂಮ್ ಮೂಲಕ ಸೇರಿ (ನೇರ ಕಾರ್ಯಕ್ರಮದ ಸಮಯದಲ್ಲಿ). ಕಾರ್ಯಕ್ರಮ ಪ್ರಾರಂಭವಾಗುವ ಕೆಲವು ನಿಮಿಷಗಳ ಮುನ್ನವೇ ಸೇರಿಕೊಳ್ಳುವಂತೆ ಸೂಚಿಸಲಾಗಿದೆ.
- ನಿಮ್ಮ ಝೂಮ್ ವೀಕ್ಷಣೆಯ ಕೆಳಭಾಗದಲ್ಲಿರುವ ಟೂಲ್ಬಾರ್ನಲ್ಲಿರುವ “Interpretation” ಗುಂಡಿಯನ್ನು ಒತ್ತಿ. (ನಿಮಗೆ ಆ ಆಯ್ಕೆ ಕಾಣದಿದ್ದರೆ, “More” ಗುಂಡಿಯನ್ನು ಒತ್ತಿ ಮತ್ತು ಕಾಣಿಸಿಕೊಳ್ಳುವ ಮೆನುವಿನಿಂದ “Interpretation” ಅನ್ನು ಆಯ್ಕೆ ಮಾಡಿ.)
- ಪಟ್ಟಿಯಿಂದ “ಹಿಂದಿ” ಯನ್ನು ಆಯ್ಕೆ ಮಾಡಿ.
- ಕಾರ್ಯಕ್ರಮ ಪ್ರಾರಂಭವಾದ ನಂತರ, ನೀವು ಹಿಂದಿಯಲ್ಲಿ ಏಕಕಾಲಿಕ ವ್ಯಾಖ್ಯಾನವನ್ನು ಕೇಳುವಿರಿ.
ನಿಮಗೆ ತಾಂತ್ರಿಕ ಸಹಾಯದ ಅಗತ್ಯವಿದ್ದರೆ, ದಯವಿಟ್ಟು (0651) 6655 555 ಸಂಖ್ಯೆಗೆ ಕರೆ ಮಾಡುವ ಮೂಲಕ ಅಥವಾ [email protected] ಗೆ ಇಮೇಲ್ ಕಳುಹಿಸುವ ಮೂಲಕ ವೈಎಸ್ಎಸ್ ಸಹಾಯವಾಣಿಯನ್ನು ಸಂಪರ್ಕಿಸಿ.
ಇವುಗಳನ್ನೂ ನೀವು ಅನ್ವೇಷಿಸಬಹುದು:
ಪರಮಹಂಸ ಯೋಗಾನಂದರ ಜೀವನ ಕಲೆಯ ಬೋಧನೆಗಳು ಮತ್ತು ಧ್ಯಾನ ತಂತ್ರಗಳನ್ನು ಆಧರಿಸಿದ ಸ್ವಾಮಿ ಚಿದಾನಂದ ಗಿರಿ ಅವರ ಇನ್ನಷ್ಟು ಪ್ರೋತ್ಸಾಹಕ ಪ್ರವಚನಗಳು ಇಲ್ಲಿವೆ. ಇವುಗಳನ್ನೂ ವೀಕ್ಷಿಸಲು ನಾವು ನಿಮ್ಮನ್ನು ಆಹ್ವಾನಿಸುತ್ತೇವೆ.
