ಯುವಜನರ ಸತ್ಸಂಗಗಳು

ವೈಎಸ್‌ಎಸ್‌ ಯುವ ಕಾರ್ಯಕ್ರಮವು 13ರಿಂದ 19ವರ್ಷದ ಮಕ್ಕಳಿಗಾಗಿರುತ್ತದೆ. ಇದರ ಉದ್ದೇಶ, ಪರಮಹಂಸ ಯೋಗಾನಂದರ ಬದುಕುವುದು-ಹೇಗೆ ಬೋಧನೆಗಳ ಅಭ್ಯಾಸದಿಂದ ಮಕ್ಕಳಿಗೆ ಅವರ ಬದುಕಿಗೆ ಒಂದು ಆಧ್ಯಾತ್ಮಿಕ ತಳಹದಿಯನ್ನು ರೂಪಿಸಿಕೊಳ್ಳಲು ಸಹಾಯ ಮಾಡುವುದಾಗಿದೆ—ಇದರಲ್ಲಿ ವೈಜ್ಞಾನಿಕ ಧ್ಯಾನದ ಜೊತೆಗೂಡಿದ ಸೃಜನಾತ್ಮಕ ಕ್ರಿಯೆಗಳ ಒಂದು ಸಮತೋಲಿತ ವ್ಯವಸ್ಥೆ ಸೇರಿದೆ. 

ಯೌವ್ವನದ ಕಾಲವು ಬಾಲ್ಯಾವಸ್ಥೆ ಮತ್ತು ಪ್ರೌಢವಯಸ್ಸಿನ ನಡುವೆಯ ಸಂಕ್ರಮಣದ ಕಾಲವಾಗಿದೆ. ಯುವ ವಯಸ್ಕನು ಈ ಅವಧಿಯಲ್ಲಿ ಬೃಹತ್‌ ಶಾರೀರಿಕ ಮತ್ತು ಮಾನಸಿಕ ಬದಲಾವಣೆಯನ್ನು ಹಾದುಹೋಗುತ್ತಾನೆ. ಅದೇ ಸಮಯದಲ್ಲಿ, ಅವರು ತಮ್ಮ ಉದ್ಯೋಗ ಹಾಗೂ ಬದುಕಿನ ಆಯ್ಕೆಗಳ ಒತ್ತಡದ ಬಗ್ಗೆ ನೋಡಿಕೊಳ್ಳಬೇಕಾಗುತ್ತದೆ. ಅಂತಹ ಒಂದು ನಿರ್ಧಾರಕ ಹಂತದಲ್ಲಿ, ಮಕ್ಕಳು ಆಧ್ಯಾತ್ಮಿಕ ಸ್ನೇಹಿತರ ಒಂದು ಸಮಾನ ದರ್ಜೆಯ ವಿಶ್ವಸನೀಯ ತಂಡದ ಮತ್ತು ಸಲಹೆಗಾರರ ಬೆಂಬಲದಿಂದ ಬಹಳವಾಗಿ ಪ್ರಯೋಜನವನ್ನು ಪಡೆಯುತ್ತಾರೆ. 

ಯೋಗದಾ ಯುವ ಕಾರ್ಯಕ್ರಮದಲ್ಲಿ, ಯುವಜನರು ಅಂತಹದೇ ಒಂದು ವಿಶ್ವಸನೀಯ ತಂಡವನ್ನು ಕಂಡುಕೊಳ್ಳುತ್ತಾರೆ. ವಾರಾಂತ್ಯದ ಕಾರ್ಯಕ್ರಮಗಳು, ಬೇಸಿಗೆಯ ಶಿಬಿರಗಳು ಮತ್ತು ಆಧ್ಯಾತ್ಮಿಕ ಧ್ಯಾನ ಶಿಬಿರಗಳ ಜೊತೆಗೂಡಿದ ವ್ಯಕ್ತಿತ್ವ ವಿಕಸನದ ಅಂತರ್‌ದೃಷ್ಟಿಯ ಚರ್ಚೆಗಳು, ಸ್ವ-ಅರಿವಿನ ಆನ್‌ಲೈನ್‌ ಮತ್ತು ವೈಯಕ್ತಿಕ ಕಾರ್ಯಗಾರಗಳು ಮತ್ತು ಘೋಷ್ಠಿಗಳ ಮೂಲಕ ಈ ಯುವಕರನ್ನು ಬೆಂಬಲಿಸಲು ವೈಎಸ್‌ಎಸ್‌ ಬಯಸುತ್ತದೆ.

ಇತ್ತೀಚಿನ ಕಾರ್ಯಕ್ರಮಗಳು

2024ರ ಬೇಸಿಗೆಯಲ್ಲಿ ವೈಎಸ್‌ಎಸ್‌ ಒಂದು ಪ್ರಾರಂಭಿಕ ಆನ್‌ಲೈನ್‌ ಯುವ ಪ್ರಾಯೋಗಿಕ ಕಾರ್ಯಕ್ರಮವನ್ನು ನಡೆಸಿತು—2024ರ ಜುಲೈ-ಸೆಪ್ಟಂಬರ್‌ನಲ್ಲಿ ಹತ್ತು ವಾರಗಳ ಕಾಲ ಯುವಕರಿಗಾಗಿ ನಡೆದ ಪ್ರತಿ ವಾರದ ಸತ್ಸಂಗ. ಈ ಆನ್‌ಲೈನ್‌ ಕಾರ್ಯಕ್ರಮವನ್ನು ಹೆಚ್ಚಿಸಿ ಭಾರತದಾದ್ಯಂತದ ಎಲ್ಲ ಯುವಕರೂ ಇದರಲ್ಲಿ ಭಾಗವಹಿಸುವಂತೆ ಮಾಡುತ್ತೇವೆಂದು ನಮಗೆ ಭರವಸೆಯಿದೆ. 2024ರ ಶರತ್ಕಾಲದಲ್ಲಿ ವೈಎಸ್‌ಎಸ್‌ ರಾಂಚಿಯಲ್ಲಿ ಉತ್ತೇಜಕರ ಫಲಿತವನ್ನು ನೀಡಿದ ಒಂದು ವೈಯಕ್ತಿಕ ಭಾನುವಾರದ ಯುವ ಸತ್ಸಂಗವನ್ನು ಆರಂಭಿಸಲಾಯಿತು. ಇಲ್ಲಿ ಮತ್ತಷ್ಟು ಓದಿ. ಇತರ ಸ್ಥಳಗಳಲ್ಲೂ ಇಂತಹದೇ ಕಾರ್ಯಕ್ರಮಗಳನ್ನು ಪ್ರಾರಂಭಿಸಲು ನಾವು ಉದ್ದೇಶಿಸಿದ್ದೇವೆ. 

ವೈಎಸ್‌ಎಸ್‌ ಯುವಜನ ಸೇವೆಗಳ ವಿಭಾಗದಲ್ಲಿ ಲಭ್ಯವಿರುವ ಸೇವೆಯ ಅವಕಾಶಗಳಿಗಾಗಿ ಹಾಗೂ ಸಾಮಾನ್ಯ ವಿಚಾರಣೆಗಳಿಗಾಗಿ, ದಯಮಾಡಿ [email protected] ಗೆ ಭೇಟಿ ನೀಡಿ.

ಆನ್‌ಲೈನ್‌ ಎಸ್‌ಆರ್‌ಎಫ್‌ ಕಾರ್ಯಕ್ರಮಗಳು

ಅಮೆರಿಕದಲ್ಲಿ ಸ್ಥಿತವಾಗಿರುವ ಸೆಲ್ಫ್‌-ರಿಯಲೈಝೇಷನ್‌ ಫೆಲೋಷಿಪ್‌ನ ಯುವಜನ ಸೇವಾ ವಿಭಾಗವು, ಎಸ್‌ಆರ್‌ಎಫ್‌ ಮಂದಿರಗಳು ಹಾಗೂ ಕೇಂದ್ರಗಳಲ್ಲಿ ಹಲವಾರು ದಶಕಗಳಿಂದ “ಬದುಕುವುದು-ಹೇಗೆ” (ಭಾನುವಾರದ ಶಾಲೆ) ತರಗತಿಗಳನ್ನು ನಡೆಸುತ್ತಿದೆ. ಹಿಂದಿನ ಕೆಲವು ವರ್ಷಗಳಲ್ಲಿ, ಎಸ್‌ಆರ್‌ಎಫ್‌ ಯುವಜನ ಸೇವಾ ವಿಭಾಗವು ಜಗದಾದ್ಯಂತದ ಮಕ್ಕಳಿಗಾಗಿ ಆನ್‌ಲೈನ್‌ ತರಗತಿಗಳನ್ನು ನಡೆಸಲು ಪ್ರಾರಂಭಿಸಿದೆ. ಭಾರತದಲ್ಲಿರುವ ಮಕ್ಕಳು ಕೂಡ ಈ ತರಗತಿಗಳಿಗೆ ಅವರಿಗೆ ಅನುಕೂಲವಾಗುವಂತಹ ಸಮಯದಲ್ಲಿ ನೋಂದಣಿ ಮಾಡಿಕೊಳ್ಳಲು ಅವರನ್ನು ಸ್ವಾಗತಿಸುತ್ತಿದ್ದೇವೆ.

ಮಕ್ಕಳು ಹಾಗೂ ಹದಿಹರೆಯದವರಿಗೆ ಸದ್ಯದಲ್ಲಿರುವ ಎಲ್ಲ ಕಾರ್ಯಕ್ರಮಗಳನ್ನು ನೋಡಲು ಮತ್ತು ಆ ಕಾರ್ಯಕ್ರಮಗಳಿಗೆ ನೋಂದಣಿ ಮಾಡಿಕೊಳ್ಳಲು ದಯಮಾಡಿ ಎಸ್‌ಆರ್‌ಎಫ್‌ ಯುವಜನ ಸೇವೆಗಳ ಕಾರ್ಯಕ್ರಮಗಳ ಪುಟಕ್ಕೆ ಭೇಟಿ ನೀಡಿ.