ಯೋಗದಾ ಸತ್ಸಂಗ ಶಾಖಾ ಆಶ್ರಮ – ನೊಯ್ಡಾ

ಯೋಗದಾ ಸತ್ಸಂಗ ಶಾಖಾ ಆಶ್ರಮ – ನೊಯ್ಡಾವನ್ನು ಪ್ರಥಮ ಹಂತದ ನಿರ್ಮಾಣವಾದ ನಂತರ ಜನವರಿ 2010ರಲ್ಲಿ ಉದ್ಘಾಟಿಸಲಾಯಿತು. ದೆಹಲಿ-ಉತ್ತರ ಪ್ರದೇಶ ರಾಜ್ಯದ ಗಡಿ ಪ್ರದೇಶದಿಂದ ಕೇವಲ 4 ಕಿ.ಮೀ. ದೂರದಲ್ಲಿ 5 ಎಕರೆ ಜಾಗದಲ್ಲಿ ಈ ಆಶ್ರಮವನ್ನು ನಿರ್ಮಿಸಲಾಗಿದೆ. ಆಡಳಿತ ಕಛೇರಿಯಿರುವ ಒಂದು ವಿಭಾಗ ಹಾಗೂ ಆಶ್ರಯಧಾಮಗಳಿರುವ ಎರಡು ಕಟ್ಟಡಗಳ ವಿಭಾಗಗಳನ್ನು ಆಶ್ರಮವು ಹೊಂದಿದೆ. ಆಡಳಿತ ವಿಭಾಗವು ಒಂದು ಸಂಪೂರ್ಣ ನೆಲಮಾಳಿಗೆಯಿರುವ 3 ಅಂತಸ್ತುಗಳ ಕಟ್ಟಡವನ್ನು ಹೊಂದಿದೆ. ಇದು ಧ್ಯಾನ ಮಂದಿರ, ಸ್ವಾಗತ ಕೇಂದ್ರ, ಪುಸ್ತಕಗಳು/ಗ್ರಂಥಾಲಯ, ಸಮಾಲೋಚನಾ ಕೊಠಡಿಗಳು, ಅಡುಗೆ ಕೋಣೆ/ಭೋಜನಾಲಯ, ಕಛೇರಿಗಳನ್ನು ಒಳಗೊಂಡಿದೆ. ರಾಷ್ಟ್ರದ ರಾಜಧಾನಿಯ ಪ್ರದೇಶದ ಮೂಲಕ ಪ್ರವಾಸ ಕೈಗೊಳ್ಳುವ ಸನ್ಯಾಸಿಗಳು ಮತ್ತು ಭಕ್ತರು ಮುಂಚಿತವಾಗಿ ಕಾಯ್ದಿರಿಸಿದಲ್ಲಿ ಗರಿಷ್ಠ 3 ದಿನಗಳವರೆಗೆ ತಂಗಲು ಕೊಠಡಿಗಳ ಲಭ್ಯತೆಯಿದೆ.

ಪುರುಷರು ಮತ್ತು ಮಹಿಳೆಯರಿಗೆ ಪ್ರತ್ಯೇಕವಾದ ಆಶ್ರಯಧಾಮಗಳಿವೆ, ಮತ್ತು ಪ್ರತಿ ಆಶ್ರಯಧಾಮದಲ್ಲಿ 30 ಕೊಠಡಿಗಳಿವೆ. ವ್ಯಕ್ತಿಗಳು ಗಮನ ಕೇಂದ್ರೀಕರಿಸಲು ಅನುಕೂಲವಾಗುವಂತೆ ಈ ಕೊಠಡಿಗಳನ್ನು ನಿರ್ಮಾಣ ಮಾಡಲಾಗಿದೆ ಮತ್ತು ಇಲ್ಲಿ ಆಧ್ಯಾತ್ಮಿಕ ಧ್ಯಾನ ಶಿಬಿರಗಳನ್ನು ಆಯೋಜಿಸಲಾಗುತ್ತದೆ. ವೈಯಕ್ತಿಕ ಧ್ಯಾನವನ್ನು ಕೈಗೊಳ್ಳಲು ಭಕ್ತರು ಇಲ್ಲಿ 3 ರಿಂದ 5 ದಿವಸಗಳವರೆಗೆ ಉಳಿದುಕೊಂಡು ಮೌನ ಧ್ಯಾನ, ಅಧ್ಯಯನ ಮತ್ತು ಸಾಧನೆಗಳನ್ನು ಮಾಡಲು ಮತ್ತು ಆಶ್ರಮದ ಸನ್ಯಾಸಿಗಳ ಜೊತೆ ಸಮಾಲೋಚನಾ ಭೇಟಿಗೆ ಆಹ್ವಾನ ನೀಡಲಾಗುತ್ತದೆ. ಇದರ ಜೊತೆ, ವಾರಾಂತ್ಯದಲ್ಲಿ ಸನ್ಯಾಸಿಗಳಿಂದ ನಿಯಮಿತವಾಗಿ ಆಧ್ಯಾತ್ಮಿಕ ಶಿಬಿರಗಳನ್ನು ನಡೆಸಲಾಗುತ್ತದೆ. ಈ ಶಿಬಿರಗಳು ಸಾಮಾನ್ಯವಾಗಿ 3 ರಿಂದ 5 ದಿನಗಳ ಅವಧಿಯವಾಗಿರುತ್ತವೆ. ನಮ್ಮ ದಿವ್ಯ ಗುರುಗಳ ಬೋಧನೆಗಳು, ಬದುಕುವುದು-ಹೇಗೆ ಕುರಿತ ತತ್ವಗಳು, ಮತ್ತು ಏಕಾಗ್ರತೆ ಮತ್ತು ಧ್ಯಾನದ ತಂತ್ರಗಳ ಕುರಿತಾದ ನಿರ್ದಿಷ್ಟ ವಿಷಯಗಳನ್ನು ಈ ಶಿಬಿರಗಳು ಹೊಂದಿರುತ್ತವೆ. ಈ ಎರಡು ಸಂದರ್ಭಗಳಲ್ಲಿ ಮುಂಗಡ ಕಾಯ್ದಿರಿಸುವುದು ಅವಶ್ಯಕವಾಗಿದೆ.

ಆಶ್ರಮದಲ್ಲಿ ಚಿಕ್ಕ ಮತ್ತು ದೊಡ್ಡ ಪ್ರಮಾಣದ ಸಂಗಮಗಳನ್ನು ಆಯೋಜಿಸಲಾಗುತ್ತದೆ.