ಕಳೆದ ಎರಡು-ಮೂರು ದಶಕಗಳಲ್ಲಿ ನಮ್ಮ ಜಗತ್ತು ವಿಶ್ವಾದ್ಯಂತದ ಓದುಗರಿಗೆ ನೀಡುವ ಮಾಹಿತಿ ಹಾಗೂ ಸೂಚನೆಗಳ ಪ್ರಕಟಣೆ ಮತ್ತು ವಿತರಣೆಯಲ್ಲಿ ಒಂದು ದೊಡ್ಡ ಬದಲಾವಣೆಯನ್ನು ಕಂಡಿದೆ. ಯೋಗದಾ ಸತ್ಸಂಗ ಸೊಸೈಟಿ ಆಫ್ ಇಂಡಿಯಾವು ಇದರಿಂದ ಅನೇಕ ರೀತಿಯಲ್ಲಿ ವಿಕಸನಗೊಂಡಿದೆ ಮತ್ತು ಪ್ರಯೋಜನವನ್ನು ಪಡೆದುಕೊಂಡಿದೆ, ವೈಎಸ್ಎಸ್ ವಿದ್ಯಾರ್ಥಿಗಳಿಗೆ ಮತ್ತು ವೈಎಸ್ಎಸ್ ಅನ್ನು ಮೊದಲ ಬಾರಿಗೆ ಕಂಡುಕೊಂಡವರಿಗೆ — ಪರಮಹಂಸ ಯೋಗಾನಂದರು ವೈಎಸ್‌ಎಸ್/ಎಸ್‌ಆರ್‌ಎಫ್‌ಗಾಗಿ ಕಲ್ಪಿಸಿಕೊಂಡಂತಹ ಜಾಗತಿಕ ಆಧ್ಯಾತ್ಮಿಕ ಸಾಮರಸ್ಯ ಮತ್ತು ಫೆಲೋಶಿಪ್ ಅನ್ನು ಹೆಚ್ಚಿನ ರೀತಿಯಲ್ಲಿ ಅನುಭವಿಸಲು ಸಹಾಯ ಮಾಡಲು ಆನ್‌ಲೈನ್‌ನಲ್ಲಿ ಮಲ್ಟಿಮೀಡಿಯಾ ಕೊಡುಗೆಗಳ ವ್ಯಾಪಕ ಶ್ರೇಣಿಯನ್ನು ಹೆಚ್ಚು ಹೆಚ್ಚಾಗಿ ಒದಗಿಸುತ್ತಿದೆ.

ಜೊತೆಗೆ, ಪರಮಹಂಸ ಯೋಗಾನಂದರ ಕ್ರಿಯಾ ಯೋಗ ಬೋಧನೆಗಳ ಪ್ರಸರಣದಲ್ಲಿ ಇತ್ತೀಚೆಗೆ ಒಂದು ಮೈಲಿಗಲ್ಲು ನಿರ್ಮಾಣವಾಗಿದೆ. 2019ರಲ್ಲಿ ಯೋಗದಾ ಸತ್ಸಂಗ ಸೊಸೈಟಿ ಆಫ್‌ ಇಂಡಿಯಾ ಯೋಗದಾ ಸತ್ಸಂಗ ಪಾಠಮಾಲಿಕೆಗಳ ಸಂಪೂರ್ಣ ಹಾಗೂ ವಿಸ್ತೃತ ಆವೃತ್ತಿಯನ್ನು ಹೊರತಂದಿತು. ಇದರಲ್ಲಿ ಭಕ್ತಾದಿಗಳಿಗಾಗಿ ಮೂವತ್ತಕ್ಕಿಂತ ಹೆಚ್ಚು ವರ್ಷಗಳಲ್ಲಿ ಪರಮಹಂಸಜಿಯವರು ಬರೆದ ಬರಹಗಳು, ನೀಡಿದ ಪ್ರವಚನಗಳು ಮತ್ತು ಸೂಚನೆಗಳಿಂದ ವಿಸ್ತೃತವಾಗಿ ತೆಗೆದುಕೊಂಡ, ಇದುವರೆಗೂ ಪ್ರಕಟವಾಗದ ಬೋಧನೆಗಳು ಮತ್ತು ತಂತ್ರಗಳ ಅತ್ಯಂತ ಆಳವಾದ ಪ್ರಸ್ತುತಿಯೂ ಸೇರಿದೆ.

ಈ ಎಲ್ಲಾ ಕಾರ್ಯಕ್ರಮಗಳ ಮೂಲಕ, 1925 ರಲ್ಲಿ ಸೆಲ್ಫ್‌-ರಿಯಲೈಝೇಷನ್‌ (ಯೋಗದಾ ಸತ್ಸಂಗ) ನಿಯತಕಾಲಿಕೆಯ ಮೊದಲ ಸಂಚಿಕೆಯನ್ನು ಪ್ರಕಟಿಸುವುದರೊಂದಿಗೆ ನಿರಾಡಂಬರವಾಗಿ ಪ್ರಾರಂಭವಾದ ಸ್ಫೂರ್ತಿಯ ಹರಿವು ಶೀಘ್ರತರವಾಗಿ ವಿಸ್ತರಿಸಿದೆ, ಅದರಿಂದಾಗಿ, ಪರಮಹಂಸಜಿಯವರ ಬೋಧನೆಗಳಲ್ಲಿರುವ ಜ್ಞಾನವು ಅಭೂತಪೂರ್ವ ಪ್ರಮಾಣದಲ್ಲಿ ಅನ್ವೇಷಕರಿಗೆ ತಲುಪುವಂತಾಯಿತು, ಅದು ಅವರು ನಿಯತಕಾಲಿಕೆಯನ್ನು ಉದ್ಘಾಟಿಸಿದಾಗ ಸಾಧ್ಯವಾದುದಕ್ಕಿಂತ ಬಹಳ ಬಹಳ ಹೆಚ್ಚಾಗಿತ್ತು.

ನಮ್ಮ ವೆಬ್‌ಸೈಟ್‌ನಲ್ಲಿ ಈ ಮಾದರಿ ಕೊಡುಗೆಗಳ ಲಿಂಕ್‌ ನೋಡಲು ಮತ್ತು ಹೆಚ್ಚಿನ ಮಾಹಿತಿಗಾಗಿ ಸ್ಕ್ರೋಲ್‌ ಮಾಡಿ.