ಯೋಗದಾ ಸತ್ಸಂಗ ಶಾಖಾ ಆಶ್ರಮ — ಚೆನ್ನೈ

ವೈಎಸ್‌ಎಸ್‌/ಎಸ್‌ಆರ್‌ಎಫ್‌ನ ಸಂಘಮಾತಾ ಹಾಗೂ ಮೂರನೆಯ ಅಧ್ಯಕ್ಷರಾಗಿದ್ದ ಶ್ರೀ ಶ್ರೀ ದಯಾ ಮಾತಾರವರು 2010ರಲ್ಲಿ ಚೆನ್ನೈನ ಏಕಾಂತಧಾಮವನ್ನು ಲೋಕಾರ್ಪಣೆ ಮಾಡುವ ಸಂದರ್ಭದಲ್ಲಿ ಆಶೀವರ್ದಿಸಿ ಹೇಳಿದ ಈ ದೈವ ನಿಯಾಮಕದ ನುಡಿಗಳು, ಯೋಗದಾ ಸತ್ಸಂಗ ಶಾಖಾ ಆಶ್ರಮ, ಚೆನ್ನೈನ ವಿಕಾಸವನ್ನು ತಿಳಿಸಿ ಹೇಳುತ್ತವೆ.

ಆಶ್ರಮವು ಪ್ರೀತಿಯಿಂದ ಮಾಡಿದ ಕೆಲಸದ ಪರಾಕಾಷ್ಠೆ–ಭಗವಂತ ಹಾಗೂ ಗುರುಗಳಿಗೆ ಸಲ್ಲಿಸಿದ ದಣಿವರಿಯದ ಸೇವೆಯ ಚೇತನಕ್ಕೊಂದು ಮಧುರ ಸಾಕ್ಷ್ಯ. ಕಾನನದಲ್ಲಿ ಒಂದು ಪುಟ್ಟ ಧ್ಯಾನದ ಗುಡಿಸಲಾಗಿ ಆರಂಭವಾದದ್ದು, ನಗರ ಜೀವನದ ನೂಕುನುಗ್ಗಲು ಗಲಿಬಿಲಿಗಳ ಮಧ್ಯೆ ಭಕ್ತಾದಿಗಳು ನವಚೈತನ್ಯವನ್ನು ಅರಸುವ ಒಂದು ಆಧ್ಯಾತ್ಮಿಕ ಓಯಸಿಸ್‌ ಆಗಿ ನಿರಂತರವಾಗಿ ಬೆಳೆದಿದೆ.

ಚೆನ್ನೈನಿಂದ ಒಂದು ಘಂಟೆಗಳ ಕಾಲದ ಮೋಟಾರ್‌ ಪ್ರಯಾಣದ ದೂರದಲ್ಲಿರುವ ಶ್ರೀಪೆರುಂಬುದೂರ್‌ ಬಳಿಯಿರುವ ಮಣ್ಣೂರ್‌ ಗ್ರಾಮದಲ್ಲಿ ಸ್ಥಿತವಾಗಿರುವ ಆಶ್ರಮದ ಜಾಗವನ್ನು 1973ರಲ್ಲಿ ವೈಎಸ್‌ಎಸ್‌ನ ದೀರ್ಘಕಾಲದ ಭಕ್ತರಾದ ಶ್ರೀ ಗಾಯ್‌ತೊಂಡೆ ಖರೀದಿಸಿ ಕೊನೆಗೆ 1998ರಲ್ಲಿ ವೈಎಸ್‌ಎಸ್‌ಗೆ ದಾನ ಮಾಡಿದರು. ಡಿಸೆಂಬರ್‌ 31, 2006 ರಂದು ಸ್ವಾಮಿ ಶಾಂತಾನಂದರು ಮುಖ್ಯ ಕಟ್ಟಡದ ಶಂಕುಸ್ಥಾಪನೆ ಮಾಡಿದರು. ಜುಲೈ 25, 2010ರಂದು ಸ್ವಾಮಿ ಶುದ್ಧಾನಂದರು ಏಕಾಂತಧಾಮವನ್ನು ಲೋಕಾರ್ಪಣೆ ಮಾಡಿ ಅದರ ಮೊಟ್ಟ ಮೊದಲ ಸಂನ್ಯಾಸಿಗಳ ಕಾರ್ಯಕ್ರಮವನ್ನು ನೆರವೇರಿಸಿಕೊಟ್ಟರು. ಕಾರ್ಯಕ್ರಮದಲ್ಲಿ 1,000ಕ್ಕೂ ಹೆಚ್ಚು ಭಕ್ತಾದಿಗಳು ಭಾಗಿಯಾಗಿದ್ದರು.

ಭಕ್ತಾದಿಗಳು ತಮ್ಮ ಸಾಧನೆ, ಅಧ್ಯಯನದ ನವಚೈತನ್ಯ ಪಡೆಯುವುದಕ್ಕೆ ಮತ್ತು ಪರಮಹಂಸ ಯೋಗಾನಂದರ ರಾಜ ಯೋಗ ಬೋಧನೆಗಳನ್ನು ಮನಗಾಣುವುದಕ್ಕೆ ಚೆನ್ನೈನ ಯೋಗದಾ ಸತ್ಸಂಗ ಶಾಖಾ ಆಶ್ರಮವು ಪವಿತ್ರ ಸ್ಥಳಗಳಿಂದ ಆವೃತವಾಗಿದೆ. ಭಾನುವಾರದ ಸತ್ಸಂಗ ಹಾಗೂ ಪ್ರತಿ ದಿನದ ಧ್ಯಾನದ ಕಾರ್ಯಕ್ರಮಗಳಲ್ಲಿ ಭಾಗವಹಿಸುವುದರ ಜೊತೆಗೆ ಭಕ್ತಾದಿಗಳು ಪರಮಹಂಸ ಯೋಗಾನಂದರು ನೀಡಿರುವ ಧ್ಯಾನ ತಂತ್ರಗಳಿಗೆ ಸಂಬಂಧಪಟ್ಟಂತೆ ವೈಎಸ್‌ಎಸ್‌ ಸನ್ಯಾಸಿಗಳಿಂದ ಆಧ್ಯಾತ್ಮಿಕ ಸಲಹೆಯನ್ನು ಮತ್ತು ಮಾರ್ಗದರ್ಶನವನ್ನು ಕೇಳುವುದಕ್ಕೆ ಅವರನ್ನು ಸ್ವಾಗತಿಸುತ್ತೇವೆ.