ಪ್ರಾರ್ಥನೆ

ಭಾರತದ ಪುರಾತನ ವೈಜ್ಞಾನಿಕ ಋಷಿಗಳು, ಒಬ್ಬ ಪ್ರೇಮಪೂರ್ಣ ಭಗವಂತನೊಂದಿಗೆ ಆನಂದದ ಅದ್ವಿತೀಯ ಸಂಸರ್ಗವನ್ನು ಮನಗಾಣುವುದು ಹೇಗೆ ಎಂದು ಮನಗಂಡಿದ್ದರು. ಧ್ಯಾನದ ಯೋಗ ವಿಜ್ಞಾನದ ಮೂಲಕ ಹಾಗೂ ಒಂದು ಹೊಸ ಬಗೆಯಲ್ಲಿ ಪ್ರಾರ್ಥಿಸುವುದರ ಮೂಲಕ ನಾವು ಕೂಡ ಅದೇ ರೀತಿಯ ಪ್ರತ್ಯಕ್ಷಾನುಭವವನ್ನು ಪಡೆಯಬಹುದು ಎಂದು ಪರಮಹಂಸ ಯೋಗಾನಂದರು ನಮಗೆ ಕಲಿಸುತ್ತಾರೆ. ಅವರು ಬರೆದಿದ್ದಾರೆ:

“ʼಪ್ರಾರ್ಥನೆʼಗೆ ಬದಲಾಗಿ ನಾನು ʼಹಕ್ಕೊತ್ತಾಯʼ ಶಬ್ದವನ್ನು ಇಷ್ಟಪಡುತ್ತೇನೆ, ಏಕೆಂದರೆ ಎರಡನೆಯದರಲ್ಲಿ, ನಾವು ಭಿಕ್ಷುಕರಂತೆ ದೇವರನ್ನು ಒಬ್ಬ ಕ್ರೂರರಾಜ ಎಂಬಂತೆ ಯಾಚಿಸಬೇಕು ಮತ್ತು ಮುಖಸ್ತುತಿ ಮಾಡಬೇಕು ಎಂಬ ಪುರಾತನ ಮತ್ತು ಓಬಿರಾಯನ ಕಾಲದ ಕಲ್ಪನೆಯು ಇರುವುದಿಲ್ಲ. ಸಾಧಾರಣ ಪ್ರಾರ್ಥನೆಯಲ್ಲಿ ದಟ್ಟ ದಾರಿದ್ರ್ಯ ಹಾಗೂ ಅಜ್ಞಾನವಿರುತ್ತದೆ…ಬಹಳ ಕೆಲವೇ ಮಂದಿ ಮಾತ್ರ ಪ್ರಾರ್ಥಿಸಿ ಭಗವಂತನನ್ನು ಹೇಗೆ ಮುಟ್ಟಬಹುದು ಎಂಬುದನ್ನು ಅರಿತಿರುತ್ತಾರೆ.”

“ಭಗವಂತನಿಂದ ಹಕ್ಕೊತ್ತಾಯವನ್ನು ಮಾಡಲು ನೀವು ಅವನಿಂದ ಸರ್ವೋತ್ಕೃಷ್ಟವಾದ ಹಕ್ಕನ್ನು ಉತ್ತರಾಧಿಕಾರದಿಂದ ಪಡೆದಿದ್ದೀರಿ; ಮತ್ತು ನೀವು ಅವನ ಸ್ವಂತದವರಾಗಿರುವುದರಿಂದ ಅವನು ನಿಮಗೆ ಪ್ರತಿಸ್ಪಂದಿಸುತ್ತಾನೆ. ನೀವು ನಿರಂತರವಾಗಿ ಅವನಿಗೆ ಕರೆ ನೀಡಿದರೆ, ಅವನು ನಿಮ್ಮ ಭಕ್ತಿಯ ಬಲೆಯಿಂದ ತಪ್ಪಿಸಿಕೊಳ್ಳಲಾರ. ಆಕಾಶವು ನಿಮ್ಮ ಪ್ರಾರ್ಥನೆಯ ಬೆಳಕಿನಿಂದ ಮಥಿಸುವವರೆಗೂ ನೀವು ಪ್ರಾರ್ಥಿಸಿದಲ್ಲಿ, ನೀವು ಭಗವಂತನನ್ನು ಕಾಣುವಿರಿ.”