ಶ್ರೀ ಶ್ರೀ ಪರಮಹಂಸ ಯೋಗಾನಂದರು ಕಲಿಸಿದ ಉಪಶಮನಕಾರಕ ತಂತ್ರ

ತಮಗಾಗಿಯಾಗಲಿ ಅಥವಾ ಇತರರಿಗಾಗಿಯಾಗಲಿ ಪ್ರಾರ್ಥನೆಗಾಗಿ ವಿನಂತಿಗೆ ಯಾವಾಗಲೂ ಸ್ವಾಗತ ಮತ್ತು ವಿನಂತಿಗೆ ಪ್ರಾರ್ಥನಾ ಮಂಡಳಿಯ ಸದಸ್ಯರು ತಕ್ಷಣದ ಪ್ರೀತಿಪೂರ್ವಕ ಗಮನವನ್ನು ನೀಡುತ್ತಾರೆ. ಅವುಗಳನ್ನು ಆನ್‌ಲೈನ್‌ನಲ್ಲಿ ಸಲ್ಲಿಸಬಹುದು ಅಥವಾ ಫೋನ್ ಅಥವಾ ಪತ್ರದ ಮೂಲಕ ಯೋಗದಾ ಸತ್ಸಂಗ ಸೊಸೈಟಿ ಆಫ್ ಇಂಡಿಯಾಗೆ ಸಲ್ಲಿಸಬಹುದು. ಸಲ್ಲಿಸಿದ ಹೆಸರುಗಳನ್ನು ವಿಶೇಷ ಬೆಳಗಿನ ಮತ್ತು ಸಂಜೆಯ ಉಪಶಮನಕಾರಕ ಸೇವೆಗಳಲ್ಲಿ ಮೂರು ತಿಂಗಳ ಕಾಲ ಸೇರಿಸಲಾಗುತ್ತದೆ. ಅದರ ಗುಣಕಾರಕ ಶಕ್ತಿಯಿಂದ ಪ್ರಯೋಜನ ಪಡೆಯಲು ಅವರು ಪ್ರಾರ್ಥನಾ ಸೇವೆಯಲ್ಲಿ ಭಾಗವಹಿಸಬೇಕೆಂದಿಲ್ಲ.

ಪ್ರಾರ್ಥನಾ ವಿನಂತಿಗಳನ್ನು ಕಟ್ಟುನಿಟ್ಟಾಗಿ ಗೌಪ್ಯವಾಗಿ ಇರಿಸಲಾಗುತ್ತದೆ. ವಿನಂತಿಯಲ್ಲಿ ಸಮಸ್ಯೆಯ ವಿವರಣೆ ಬೇಕಾಗಿಲ್ಲ, ಒಬ್ಬರಿಗೆ ಅದು ಅವಶ್ಯವೆನಿಸದ ಹೊರತು. ಪ್ರಾರ್ಥನಾ ಮಂಡಳಿ ಮತ್ತು ಜಾಗತಿಕ ಪ್ರಾರ್ಥನಾ ವೃಂದಕ್ಕೆ ಬೇಕಾಗಿರುವುದು ಕೇವಲ ಉಪಶಮನ ಬಯಸುವವರ ಹೆಸರು. ಪ್ರಾರ್ಥನಾ ವೃಂದದಲ್ಲಿರುವವರಿಗೆ ಸಮಸ್ಯೆಯ ವಿವರಗಳು ತಿಳಿದಿದ್ದಲ್ಲಿ, ಅಂತಹ ವಿವರಗಳನ್ನು ಚರ್ಚಿಸಬಾರದು. ಏಕೆಂದರೆ, ನಕಾರಾತ್ಮಕ ಮಾನಸಿಕ ನಂಟುಗಳು ಪ್ರಾರ್ಥನೆಯ ಬಲವನ್ನು ದುರ್ಬಲಗೊಳಿಸಬಹುದು. ಅದರ ಬದಲು, ಸಮೂಹದ ಸದಸ್ಯರು ಭಗವಂತನ ಉಪಶಮನಕಾರಕ ಶಕ್ತಿಯ ಮೇಲೆ ಮತ್ತು ಯಾವುದೇ ಅಸಂಗತ ಸ್ಥಿತಿಯನ್ನು ಬಿಟ್ಟು ಪರಿಪೂರ್ಣತೆಯ ಸ್ಥಿತಿಯ ಮೇಲೆ ಮಾತ್ರ ಕೇಂದ್ರೀಕರಿಸಬೇಕು.