యువజన కార్యక్రమాలు

వై.ఎస్.ఎస్. యుక్తవయస్కుల కార్యక్రమం 13 నుండి 19 సంవత్సరాల వయస్సుగల యువతకు సేవలందించేందుకు ఏర్పాటయింది. పరమహంస యోగానందగారి “జీవించడం ఎలా” బోధనలపై తమ జీవితాల్లో యువజనులు ఒక ఆధ్యాత్మిక పునాదిని ఏర్పర్చుకొనేందుకు సహాయం చేయడమే దీని ఉద్దేశ్యం—నిర్మాణాత్మక కార్యాచరణతో కూడిన శాస్త్రీయ ధ్యానం యొక్క ఒక సంతులిత నియమావళిని ఇది కలిగి ఉంటుంది. 

యుక్త వయస్సు అనేది బాల్యం మరియు యవ్వనానికి మధ్య మార్పుకు ఒక సంధికాలం. ఈ కాలంలో యుక్తవయస్కులు శారీరకంగా మరియు మానసికంగా చాలా మార్పులకు లోనవుతారు. అదే సమయంలో, జీవితాన్ని తీర్చిదిద్దుకొనేందుకు మరియు జీవిత గమనానికి సంబంధించినవాటిని ఎన్నుకోవలసిన ఒత్తిడిని వారు ఎదుర్కోవలసి ఉంటుంది. అటువంటి కీలకమైన దశలో, ఆధ్యాత్మిక స్నేహితులు మరియు సలహాదారులుగల విశ్వసనీయ సహచర బృందం యొక్క మద్దతును కలిగి ఉండటం ద్వారా ఈ యువజనులు గొప్ప ప్రయోజనం పొందుతారు. 

యోగదా యువజన కార్యక్రమంలో, యువజనులు సరిగ్గా అలాంటి సహాయక బృందాన్ని కనుగొంటారు. వారాంతపు కార్యక్రమాలు, వేసవి శిబిరాలు మరియు ఆధ్యాత్మిక ఏకాంత ధ్యాన వాసాల కార్యక్రమాలతో కలిపి ఆన్‌లైన్ మరియు వ్యక్తిగతంగా నిర్వహించే వ్యక్తిత్వ వికాసానికి సంబంధించిన అంతర్దృష్టితో కూడిన చర్చలు, స్వీయ-అవగాహన వర్క్‌షాప్‌లు మరియు చర్చా సదస్సులు వంటి వాటితో వై.ఎస్.ఎస్. ఈ యువజనులను ప్రోత్సహించాలని కోరుకుంటోంది. 

ఇటీవలి కార్యక్రమాలు

2024 వేసవిలో, ప్రయోగాత్మకంగా ఒక ప్రారంభ ఆన్‌లైన్ యువజన కార్యక్రమాన్ని వై.ఎస్.ఎస్. నిర్వహించింది — 2024వ సంవత్సరం జూలై-సెప్టెంబర్ నెలల మధ్య యువజనుల కోసం సత్సంగం పది వారాల పాటు కొనసాగింది. మేము ఈ ఆన్‌లైన్ కార్యక్రమాన్ని విస్తరించి, భారతదేశమంతటి నుండి యువత పాల్గొనేలా రాబోయే ఏడాది నుండి ప్రారంభించాలని ఆశిస్తున్నాము. 2024 శరత్కాలంలో, ప్రోత్సాహకరమైన ఫలితాలతో వ్యక్తిగతంగా హాజరయ్యేలా ఆదివారం యువజన సత్సంగం వై.ఎస్.ఎస్. రాంచీ ఆశ్రమంలో క్రొత్తగా ప్రారంభించబడింది. మరింతగా ఇక్కడ చదవండి. మేము ఇతర ప్రదేశాలలో యువత కోసం ఇలాంటి కార్యక్రమాలను ప్రారంభించాలని యోచిస్తున్నాము. 

సేవా అవకాశాలు మరియు వై.ఎస్.ఎస్. యువజన సేవల విభాగం గురించి సాధారణ సందేహాల నివృత్తి కోసం, దయచేసి సంప్రదించండి: [email protected]

ఎస్.ఆర్.ఎఫ్. ఆన్‌లైన్ కార్యక్రమాలు

అమెరికాలో ఉన్న సెల్ఫ్-రియలైజేషన్ ఫెలోషిప్ యొక్క యువజన సేవల విభాగం దశాబ్దాలుగా ఎస్.ఆర్.ఎఫ్. మందిరాలు మరియు కేంద్రాలలో “జీవించడం-ఎలా” అనే అంశంపై (ఆదివారం పాఠశాల) తరగతులను నిర్వహిస్తోంది. ప్రపంచవ్యాప్తంగా ఉన్న బాలల కోసం గత కొన్ని సంవత్సరాలుగా ఎస్.ఆర్.ఎఫ్. యువజన సేవా విభాగం ఆన్‌లైన్‌ తరగతులను నిర్వహించడం ప్రారంభించింది. భారతదేశంలోని పిల్లలు, తమకు అనుకూలమైన సమయంలో (స్లాట్‌ ప్రకారం) ఈ తరగతులకు నమోదు చేసుకోవడానికి ఆహ్వానిస్తున్నాం.

పిల్లలు మరియు యుక్తవయస్కుల కోసం ప్రస్తుతం అందుబాటులో ఉన్న అవకాశాలన్నిటినీ చూడటానికి మరియు ఆ కార్యక్రమాలలో నమోదు చేసుకోవడానికి ఎస్.ఆర్.ఎఫ్. యువజన సేవా కార్యక్రమాల పేజీని దయచేసి సందర్శించండి.