ಪರಮಹಂಸ ಯೋಗಾನಂದರಿಂದ ಸ್ವಾಭಿಮಾನವನ್ನು ಬೆಳೆಸಿಕೊಳ್ಳುವ ಬಗ್ಗೆ — ಒಳಗಿನಿಂದ ಹೊರಕ್ಕೆ

ಒಂದು ಪರಿಚಯ:

ನಮ್ಮ ದೈನಂದಿನ ಚಟುವಟಿಕೆಗಳ ನಡುವೆ, ನಾವೆಲ್ಲರೂ ನಮ್ಮ ಆತ್ಮವಿಶ್ವಾಸ ಮತ್ತು ಸ್ವಾಭಿಮಾನದಲ್ಲಿ ಏಳುಬೀಳುಗಳನ್ನು ಎದುರಿಸಬೇಕಾಗಿ ಬರುತ್ತದೆ.

ನಮ್ಮ ಜೀವನದಲ್ಲಿ ನಾವು ಸುಧಾರಿಸಲು ಬಯಸುವ ವಿಷಯಗಳಿವೆ — ನಮ್ಮ ತನದ ಅತ್ಯುತ್ತಮವಾದುದನ್ನು ಚೆನ್ನಾಗಿ ವ್ಯಕ್ತಪಡಿಸಬಯಸುವ ಮಾರ್ಗಗಳು. ಆದರೆ ನಂತರ ನಾವು ಹೊರ ಜಗತ್ತಿನಿಂದ, ಭೌತಿಕ, ಮಾನಸಿಕ ಅಥವಾ ಆಧ್ಯಾತ್ಮಿಕ ಪರಿಪೂರ್ಣತೆ ಎಂದರೇನು ಅಥವಾ ಅದು ಹೇಗಿರಬೇಕು — ಅಥವಾ ಮೆಚ್ಚುಗೆ ಅಥವಾ ಅರ್ಥವನ್ನು ಕಂಡುಕೊಳ್ಳಲು ಎತ್ತ ನೋಡಬೇಕು ಎಂಬ ಬಗ್ಗೆ ತಪ್ಪು ಅಭಿಪ್ರಾಯಗಳನ್ನು ಎದುರಿಸಬಹುದು.

ನಾವು ಜೀವನದ ಸವಾಲುಗಳನ್ನು ಅಥವಾ ನಮ್ಮ ಆಧ್ಯಾತ್ಮಿಕ ಗುರಿಗಳನ್ನು ಎದುರಿಸುತ್ತಿರುವಾಗ, “ಸಾಮರ್ಥ್ಯವಿಲ್ಲ” ಎಂಬ ತಪ್ಪಾದ ಭಾವನೆಯನ್ನು ಬೆಳೆಸಿಕೊಳ್ಳುವ ಸಾಧ್ಯತೆ ಇರುತ್ತದೆ.

ಆದರೆ ಪರಮಹಂಸ ಯೋಗಾನಂದರು ನಮಗೆ ನೆನಪಿಸುತ್ತಾರೆ: “ನಿಮ್ಮನ್ನು ಸುಧಾರಿಸಿಕೊಳ್ಳಲು ಪ್ರಯತ್ನಿಸುತ್ತಿರುವಾಗಲೂ, ನಿಮ್ಮ ಸದ್ಗುಣಗಳು ಮತ್ತು ಸ್ವಾಭಿಮಾನದ ಭರವಸೆಯಲ್ಲಿ ಏಕಾಂಗಿಯಾಗಿ ನಿಲ್ಲಲು ಕಲಿಯಿರಿ.”

ಇದನ್ನು ಮಾಡುವ ಸಾಮರ್ಥ್ಯವನ್ನು, ಮಹಾನ್ ವ್ಯಕ್ತಿಗಳು ನಮಗೆ ಸಹಸ್ರಾರು ವರ್ಷಗಳಿಂದ ಹೇಳುತ್ತ ಬಂದಿದ್ದಾರೆ, ನಿಜವಾಗಿಯೂ ಒಂದೇ ಸ್ಥಳದಿಂದ ಬರುತ್ತದೆ — ಒಳಗಿನಿಂದ, ನಮ್ಮ ಉನ್ನತ ಆತ್ಮದಿಂದ. ಅಂದರೆ, ಬೆಂಬಲ, ಮಾರ್ಗದರ್ಶನ ಮತ್ತು ಪ್ರೀತಿಗಾಗಿ, ನಮ್ಮ ಅಸ್ತಿತ್ವದ ಪರಮ ಪ್ರಕೃತಿಯೇ ಆಗಿರುವ ದೈವತ್ವದೆಡೆಗೆ ನೋಡಿ, ಅದು ನಮ್ಮಿಂದ ಬೇರೆಯಾದುದಲ್ಲ.

“ನೀವು ಶಾಶ್ವತ ಜ್ವಾಲೆಯ ಒಂದು ಕಿಡಿ,” ಎಂದು ಪರಮಹಂಸಜಿ ನಮಗೆ ತಿಳಿಸುತ್ತಾರೆ. “ನೀವು ಕಿಡಿಯನ್ನು ಮರೆಮಾಡಬಹುದು, ಆದರೆ ಅದನ್ನು ನೀವು ಎಂದಿಗೂ ನಾಶಮಾಡಲು ಸಾಧ್ಯವಿಲ್ಲ.”

ಅದನ್ನು ಕೇವಲ ಕೇಳಿಸಿಕೊಳ್ಳುವುದರಿಂದಲೇ ಅದು ನಿಮ್ಮನ್ನು ಮೇಲಕ್ಕೆತ್ತುವುದಿಲ್ಲವೇ? ನಿಜವಾದ ಆತ್ಮ ವಿಶ್ವಾಸದೊಂದಿಗೆ ಜೀವನದಲ್ಲಿ ದಾಪುಗಾಲು ಹಾಕಲು ನೀವು ಹೆಚ್ಚು ಪ್ರೋತ್ಸಾಹಕರ ಜ್ಞಾನವನ್ನು ಹೀರಿಕೊಳ್ಳಲು ಬಯಸುವಿರೇ?