“ಆತ್ಮ ಶಾಂತಿಯ ಅನಾವರಣ” ಪರಮಹಂಸ ಯೋಗಾನಂದರಿಂದ

ಒಂದು ಪರಿಚಯ:

ನೀವು ಸುತ್ತಲೂ ಮತ್ತು ಆನ್‌ಲೈನ್‌ನಲ್ಲಿ ನೋಡಿದಾಗ, ನಾವು ಒಂದು ಪ್ರಪಂಚವಾಗಿ ಶಾಂತಿಯನ್ನು ಹೊಂದಲು ಸಾಧ್ಯವೆ ಎಂದು ನೀವು ಅಚ್ಚರಿ ಪಡುವಿರಾ? ನಾವು ಕೇಳುತ್ತಿರುವ ಜೀವನದ ಕಥೆಗಳು ಹೆಚ್ಚಾಗಿ ತಳಮಳ ಮತ್ತು ಕೋಪದ ಪರಿಭಾಷೆಯ ಚೌಕಟ್ಟಿನಲ್ಲಿರುವಾಗ ಕೆಲವೊಮ್ಮೆ ನಾವು ಕೆರಳುವುದು ಸಹಜ. ಆದರೆ ಇದನ್ನು ತಿಳಿದುಕೊಳ್ಳಿ: ಬೇರೆ ದಿಕ್ಕಿನಲ್ಲಿ ನೋಡುವುದರಿಂದ, ಅಂದರೆ, ಸ್ವಲ್ಪ ಸಮಯದವರೆಗಾದರೂ, ಒಳಗೆ ನೋಡುವುದರಿಂದ, ಅದು ಪ್ರಚಂಡ ಭರವಸೆಯನ್ನು ಕೊಡುತ್ತದೆ.

ಪರಮಹಂಸ ಯೋಗಾನಂದರು ಹೇಳಿದ ಈ ಕಥೆಯನ್ನು – ಈ ಗುಪ್ತ ಸತ್ಯವನ್ನು ಒಂದು ಕ್ಷಣ ಪರ್ಯಾಯವಾಗಿ ನೋಡಿ: “ಶಾಂತಿ ಎಲ್ಲೆಡೆ ಇದೆ. ನೀವು ಶಾಂತಿಯ ಸಾಗರದಲ್ಲಿ ಈಜುತ್ತಿರುವಿರಿ. ಪ್ರತಿ ಅಂಗಾಂಶದಲ್ಲಿ ರಕ್ತ ಪರಿಚಲನೆಯಾಗುವಂತೆಯೇ, ಶರೀರದ ಪ್ರತಿಯೊಂದು ಜೀವಕೋಶದ ಮೂಲಕ ಶಾಂತಿಯು ಹರಿಯುತ್ತದೆ.”

ನೀವು ಶಾಂತಿಯಲ್ಲಿ ಈಜುತ್ತಿರುವಿರಿ, ಆದರೆ ನೀವು ಅದನ್ನು ಸಾಧಿಸಿಕೊಳ್ಳುವ ಮೊದಲು ಪರಮಹಂಸಜಿ ಕಲಿಸಿದಂತಹ, ಆಧ್ಯಾತ್ಮಿಕವಾಗಿ ವೈಜ್ಞಾನಿಕವಾದ ವಿಧಾನಗಳಿಂದ “ನಿಮ್ಮ ಹೃದಯದಲ್ಲಿ ಅದನ್ನು ಭಟ್ಟಿ ಇಳಿಸಿಕೊಂಡು ” ಶಾಂತಿಯನ್ನು ಅಭ್ಯಾಸ ಮಾಡಲು ಕಲಿಯಬೇಕು.

ಮಾನವೀಯತೆಗೆ ಶಾಂತಿಯ ಆದರ್ಶವನ್ನು ಎತ್ತಿ ಹಿಡಿಯುತ್ತ, ಪ್ರತಿ ಸೆಪ್ಟೆಂಬರ್‌ನಲ್ಲಿ, ಯುಎನ್ ಅಂತರರಾಷ್ಟ್ರೀಯ ಶಾಂತಿ ದಿನವನ್ನು ವಿಶ್ವದಾದ್ಯಂತ ಗೌರವಿಸಲಾಗುತ್ತದೆ. ಆದರೆ ಆ ಗುರಿಯನ್ನು ತಲುಪಲು ನಾವು ನಮ್ಮಿಂದಲೇ ಪ್ರಾರಂಭಿಸಬೇಕು ಎಂದು ಪರಮಹಂಸಜಿ ​​ಮತ್ತು ಎಲ್ಲ ಮಹಾನ್ ಆತ್ಮಗಳು ಕಲಿಸಿದ್ದಾರೆ.

ಮತ್ತು ಅಂತಿಮವಾಗಿ ನಮಗೆ ಬೇಕಾಗಿರುವುದು ಹಾಗೂ ಆತ್ಮವಾಗಿ ನಾವು ಹಂಬಲಿಸುತ್ತಿರುವುದು, ಯಾವಾಗಲೋ ಒಮ್ಮೆ ಸಿಗುವ ಅಲ್ಪ ಶಾಂತಿಯ ಅನುಭವಕ್ಕಿಂತ ಹೆಚ್ಚಿನದು, ಯಾವಾಗಲೋ ಒಮ್ಮೆ ಸಿಗುವ ಅಲ್ಪ ಪೌಷ್ಟಿಕ ಆಹಾರಕ್ಕಿಂತ ಹೆಚ್ಚಿನದು ನಮಗೆ ಬೇಕಾಗುವಂತೆಯೇ. ನಮಗೆ ಹೆಚ್ಚು ಶಾಂತಿ ಬೇಕು — ಸಮೃದ್ಧವಾದ, ಉಪಶಮನಕಾರಕ, ಆಳವಾಗಿ ಭರವಸೆ ನೀಡುವಂತಹ, ಶಕ್ತಿ ನೀಡುವ ಮತ್ತು ತೃಪ್ತಿ ಪಡಿಸುವ ಶಾಂತಿ — ಕೇವಲ ಒಂದು ದಿನ ಅಥವಾ ಒಂದು ತಿಂಗಳಿಗಷ್ಟೇ ಅಲ್ಲ, ಆದರೆ ಪ್ರತಿ ದಿನ, ನಾವು ಹಿಡಿದಿಟ್ಟುಕೊಳ್ಳಲು ಸಾಧ್ಯವಾದಷ್ಟು ಶಾಂತಿಯು ಈ ಜಗತ್ತಿನಲ್ಲಿ ನಮ್ಮ ಅಸ್ತಿತ್ವದ ಜೀವನಕ್ರಮವಾಗುವವರೆಗೆ.