ಯುವ ಸಾಧಕರ ಆಧ್ಯಾತ್ಮಿಕ ಪಯಣವನ್ನು ಬೆಂಬಲಿಸುವ ತನ್ನ ನಿರಂತರ ಪ್ರಯತ್ನಗಳ ಭಾಗವಾಗಿ, ವೈಎಸ್ಎಸ್ ಈ ವರ್ಷದ ಯುವ ಸಾಧಕ ಸಂಗಮವನ್ನು 2026ರ ಅಕ್ಟೋಬರ್ 7ರಿಂದ 11ರವರೆಗೆ (ಬುಧವಾರದಿಂದ ಭಾನುವಾರದವರೆಗೆ) ನೋಯ್ಡಾದ ಯೋಗದಾ ಸತ್ಸಂಗ ಶಾಖಾ ಆಶ್ರಮದಲ್ಲಿ ಆಯೋಜಿಸಲು ಸಂತೋಷಪಡುತ್ತದೆ. ಭಾಗವಹಿಸುವವರು ಅಕ್ಟೋಬರ್ 6ರಂದು ಆಗಮಿಸಿ, ನೋಂದಣಿ, ಪರಿಚಯ ಕಾರ್ಯಕ್ರಮದಲ್ಲಿ ಭಾಗವಹಿಸುವುದು ಮತ್ತು ಪರಸ್ಪರ ಪರಿಚಯ ಮಾಡಿಕೊಳ್ಳುವ ಅವಕಾಶವನ್ನು ಪಡೆಯಲಿದ್ದಾರೆ.

ಕಳೆದ ವರ್ಷ ರಾಂಚಿಯಲ್ಲಿ ನಡೆದ ಪ್ರಥಮ ಯುವ ಸಾಧಕ ಸಂಗಮಕ್ಕೆ ದೊರೆತ ಉತ್ಸಾಹದಾಯಕ ಪ್ರತಿಕ್ರಿಯೆಯ ನಂತರ, ಭಾರತದಾದ್ಯಂತದ 200ಕ್ಕೂ ಹೆಚ್ಚು ಯುವ ಭಕ್ತರನ್ನು ಒಂದೆಡೆ ಸೇರಿಸಿದ ಈ ಕಾರ್ಯಕ್ರಮವು, ಆಧ್ಯಾತ್ಮಿಕ ಸಹಭಾಗಿತ್ವದ ಅವಕಾಶಗಳನ್ನು ವಿಸ್ತರಿಸುವ ನಿಟ್ಟಿನಲ್ಲಿ ವೈಎಸ್ಎಸ್‌ಗೆ ಮತ್ತಷ್ಟು ಪ್ರೋತ್ಸಾಹ ನೀಡಿದೆ. ಈ ಪ್ರಯತ್ನಗಳ ಭಾಗವಾಗಿ, 2025ರ ಕೊನೆಯಲ್ಲಿ ‘ಯುವ ಸಾಧಕ ಫೆಲೋಶಿಪ್’ ಎಂಬ ಆನ್‌ಲೈನ್ ಕಾರ್ಯಕ್ರಮವನ್ನು ಪ್ರಾರಂಭಿಸಲಾಗಿದ್ದು, ಅದರ ಮಾಸಿಕ ಆನ್‌ಲೈನ್ ಸಭೆಗಳನ್ನೂ ನಡೆಸಲಾಗುತ್ತಿದೆ. ಅಲ್ಲದೆ, ಈ ವರ್ಷದ ಆರಂಭದಲ್ಲಿ ಬೆಂಗಳೂರಿನಲ್ಲಿ ಮತ್ತು ಚಂಡೀಗಢದಲ್ಲಿ ಪ್ರಾದೇಶಿಕ ‘ಯುವ ಸಾಧಕ ವಾರಾಂತ್ಯ ಶಿಬಿರಗಳನ್ನು’ ಆಯೋಜಿಸಲಾಯಿತು. ಈ ಉಪಕ್ರಮಗಳನ್ನು ಮುಂದುವರಿಸಿಕೊಂಡು, ಈ ವರ್ಷದ ಸಂಗಮವು ನೋಯ್ಡಾ ಆಶ್ರಮದಲ್ಲಿ ನಡೆಯಲಿದೆ.

“ಭಾವನೆಗಳ ಆಧ್ಯಾತ್ಮೀಕರಣ – ಸಂಬಂಧಗಳ ಸಾಮರಸ್ಯ” ಎಂಬ ವಿಷಯವನ್ನು ಕೇಂದ್ರವಾಗಿಟ್ಟುಕೊಂಡು, ಈ ಸಂಗಮವನ್ನು ವೈಎಸ್ಎಸ್‌ನ ಯುವ ವಯಸ್ಕ ಭಕ್ತರಿಗಾಗಿ ವಿಶೇಷವಾಗಿ ವಿನ್ಯಾಸಗೊಳಿಸಲಾಗಿದೆ. ಪರಮಹಂಸಜಿಯವರ ಬದುಕುವುದು ಹೇಗೆ ಬೋಧನೆಗಳ ಮೂಲಕ ಮತ್ತು ಸಹ ಸಾಧಕರೊಂದಿಗೆ ಕೂಡಿ ಬಾಳುವ ಮೂಲಕ, ಪಾಲ್ಗೊಳ್ಳುವವರು ಭಾವನಾತ್ಮಕ ಸಮತೋಲನವನ್ನು ಬೆಳೆಸಿಕೊಳ್ಳಲು ಮತ್ತು ತಮ್ಮ ಸಂಬಂಧಗಳಲ್ಲಿ ಶಾಂತಿ ಹಾಗೂ ಸಾಮರಸ್ಯವನ್ನು ಪೋಷಿಸಲು ಪ್ರಾಯೋಗಿಕ ಮಾರ್ಗಗಳನ್ನು ಅನ್ವೇಷಿಸಲಿದ್ದಾರೆ.

ಈ ಸ್ಫೂರ್ತಿದಾಯಕ ಕಾರ್ಯಕ್ರಮದಲ್ಲಿ ಭಾಗವಹಿಸಲು ನಾವು ಯುವ ಭಕ್ತರನ್ನು ಆತ್ಮೀಯವಾಗಿ ಆಹ್ವಾನಿಸುತ್ತೇವೆ. ಈ ಸಂಗಮವು ಆಧ್ಯಾತ್ಮಿಕ ಜೀವನವನ್ನು ಮತ್ತಷ್ಟು ಆಳವಾಗಿಸಿಕೊಳ್ಳಲು, ಸಹ ಸಾಧಕರೊಂದಿಗೆ ಶಾಶ್ವತವಾದ ಸ್ನೇಹವನ್ನು ಬೆಳೆಸಿಕೊಳ್ಳಲು ಮತ್ತು ದೇವರು ಹಾಗೂ ಗುರುಗಳ ಸಾನ್ನಿಧ್ಯದಲ್ಲಿ ಜೀವಿಸುವ ಆನಂದವನ್ನು ಅನುಭವಿಸಲು ಅವಕಾಶವನ್ನು ಕಲ್ಪಿಸಲಿ ಎಂದು ನಾವು ಪ್ರಾರ್ಥಿಸುತ್ತೇವೆ.