యువభక్తులకు వారి ఆధ్యాత్మిక ప్రయాణంలో సహాయాన్నందించడానికి చేసే నిరంతర ప్రయత్నాలలో భాగంగా, ఈ సంవత్సరపు యువసాధక సంగమాన్ని ప్రకటించడం వై.ఎస్.ఎస్. కు ఎంతో సంతోషదాయకమైనది. ఈ కార్యక్రమం యోగదా సత్సంగ శాఖా ఆశ్రమం, నోయిడాలో, అక్టోబరు 7-11 (బుధవారం – ఆదివారం) తేదీలలో జరుగుతుంది. పాల్గొనేవారు కార్యక్రమ ప్రవేశం (చెక్-ఇన్), కార్యక్రమ పరిచయం (ఓరియెంటేషన్) మరియు ఒకరినొకరు పరిచయం చేసుకోవడానికి అక్టోబరు 6న విచ్చేస్తారు.

గత సంవత్సరం రాంచీలో జరిగిన తొలి యువసాధక సంగమానికి భారతదేశం నలుమూలల నుండి 200 మందికిపైగా యువభక్తులు హాజరయ్యారు. దీనికి లభించిన ప్రోత్సాహకరమైన స్పందనను అనుసరించి, వై.ఎస్.ఎస్, ఆధ్యాత్మిక సహవాసం కోసం అవకాశాలను విస్తరిస్తూనే ఉంది. ఈ ప్రయత్నాలలో భాగంగా, నెలవారీ ఆన్-లైన్ సమావేశాలతో కూడిన యువసాధక సాంగత్యం (యంగ్ సాధక్ ఫెలోషిప్)అనే కార్యక్రమం 2025 సంవత్సరం చివరలో ప్రారంభించడం జరిగింది. అలాగే, ఈ సంవత్సరం ప్రారంభంలో బెంగళూరు, చండీగఢ్‌లలో ప్రాంతీయ యువసాధక వారాంతపు శిబిరాలను (యంగ్ సాధక్ వీకెండ్ క్యాంపులను)నిర్వహించడం కూడా జరిగింది. ఈ కార్యక్రమాలను కొనసాగిస్తూ, ఈ సంవత్సరపు సంగమం నోయిడా ఆశ్రమంలో నిర్వహించబడుతుంది.

“భావోద్వేగాలను ఆధ్యాత్మీకరించడం — సంబంధబాంధవ్యాలను సామరస్యపరచుకోవడం” అనే ఇతివృత్తంపై కేంద్రీకృతమైన ఈ సంగమం, వై.ఎస్.ఎస్. యువభక్తుల కోసం ప్రత్యేకంగా రూపొందించబడింది. పరమహంసగారి జీవించడం ఎలా బోధనల ద్వారా మరియు తోటిసాధకులతో సహవాసం ద్వారా, ఇందులో పాల్గొనేవారు భావోద్వేగ సమతుల్యతను పెంపొందించుకోవడానికి మరియు వారి సంబంధబాంధవ్యాలలో శాంతి, సామరస్యాలను వృద్ధి చేసుకోవడానికి ఆచరణాత్మకమైన మార్గాలను అన్వేషిస్తారు.

ఈ స్ఫూర్తిదాయకమైన కార్యక్రమంలో పాల్గొనమని యువభక్తులను మేము హృదయపూర్వకంగా ఆహ్వానిస్తున్నాం. ఇందులో పాల్గొనే ప్రతి ఒక్కరూ వారి ఆధ్యాత్మిక జీవితాలను వృద్ధి చేసుకోవడానికి, తోటి సాధకులతో శాశ్వతమైన మైత్రిని ఏర్పరుచుకోవడానికి, అలాగే భగవంతుడు మరియు సద్గురువుల సాన్నిధ్యంలో జీవించడంలోని ఆనందాన్ని అనుభవించడానికి, ఈ సంగమం అవకాశాన్ని కల్పించాలన్నదే మా ప్రార్థన.