ಶ್ರೀ ಶ್ರೀ ಸ್ವಾಮಿ ಚಿದಾನಂದ ಗಿರಿಯವರಿಂದ ಒಂದು ಸಂದೇಶ

ಆ ಮೊದಲ ಓದಿನಿಂದ ಆರಂಭವಾದ ಅಸಂಖ್ಯಾತ ಬದುಕು-ಬದಲಾಯಿಸುವ ಪರಿಣಾಮಗಳಲ್ಲಿ, ಖಂಡಿತವಾಗಿಯೂ ಅತ್ಯಂತ ಹೃದಯಸ್ಪರ್ಶಿಯಾದದ್ದೆಂದರೆ, ಇದೇ ರೀತಿಯಲ್ಲಿ ಪರಿವರ್ತನೆಗೊಂಡ ಜಗದಾದ್ಯಂತದ ಸಾವಿರಾರು ಜನರೊಡನೆಯ – ನಿಮ್ಮೆಲ್ಲರೊಡನೆಯ – ಸತ್ಸಂಗದ ಆನಂದ! (ದಿವ್ಯ ಸಹಭಾಗಿತ್ವ) ಈ ಮಾರ್ಗದ ಭಕ್ತಾದಿಗಳನ್ನು ಭೇಟಿ ಮಾಡುವ ಪ್ರತಿಯೊಂದು ಸುವರ್ಣಾವಕಾಶದಲ್ಲೂ, ಈ ಪುಸ್ತಕದ ಮೂಲಕ ಹಾಗೂ ಆ ಪ್ರಥಮ ಪರಿಚಯದ ನಂತರ ನಾವು ಕಂಡುಕೊಳ್ಳುವ ಕೊನೆಯಿಲ್ಲದ ಸ್ಫೂರ್ತಿ ಮತ್ತು ಬೋಧನೆಯ — ದಿವ್ಯ ಮೂಲದಿಂದ ಅವರ ಮೂಲಕ ವರ್ಷಿಸಿದ ಸಾವಿರಾರು ಪುಟಗಳ ಉಪನ್ಯಾಸಗಳು ಮತ್ತು ಬರಹಗಳು ಹಾಗೂ ಅವರ ಎಸ್‌ಆರ್‌ಎಫ್‌/ವೈಎಸ್‌ಎಸ್‌ ಪಾಠಗಳ ಮೂಲಕ ಬೋಧಿಸಿದ ಕ್ರಿಯಾ ಯೋಗ ವಿಜ್ಞಾನದ ಮುಕ್ತಿದಾಯಕ ತಂತ್ರಗಳು — ಇವುಗಳ ಹರಿವಿನ ಮೂಲಕ ಅಸಂಖ್ಯಾತ ಜನರ ಜೀವನದಲ್ಲಿ ಗುರುಗಳು ತಂದು ಕೊಟ್ಟಂತಹ ಶಕ್ತಿಯಿಂದ ನಾನು ಪುನಃ ಪುನಃ ವಿಸ್ಮಯಗೊಳ್ಳುತ್ತೇನೆ. ಇದನ್ನು ಕಾಣಲು, ಒಬ್ಬರು ಕ್ರಿಯಾ ಯೋಗ ಮಾರ್ಗದ ನಿಷ್ಠಾವಂತ ಭಕ್ತಾದಿಗಳ ಕಣ್ಣುಗಳು ಮತ್ತು ಮುಖಗಳತ್ತ ನೋಡಿದರೆ ಸಾಕು — ಯಾರು ಧ್ಯಾನವನ್ನು ಅಭ್ಯಾಸ ಮಾಡುತ್ತಾರೋ ಅವರನ್ನು; ಯಾರು ಬೋಧನೆಗಳ ಸೈದ್ಧಾಂತಿಕ ಅಥವಾ ಸ್ಫೂರ್ತಿದಾಯಕ ಮಾರ್ಗಗಳಿಂದಾಚೆಗೆ ಹೋಗುತ್ತಾರೋ ಮತ್ತು ಭಗವಂತನನ್ನು ಅರಿಯಲು ಗುರುಗಳು ನೀಡಿದ್ದನ್ನು ಒಂದು ದೈನಿಕ ಶಿಸ್ತು ಎಂದು ನಿಜವಾಗಿ ಉಪಯೋಗಿಸುತ್ತಾರೋ ಅವರು, ಅಂದರೆ ಪ್ರತಿದಿನವೂ ಸಾಧನೆಯನ್ನು ಮಾಡುವವರು. ಅದೇ ಕ್ರಿಯಾ ಯೋಗ ವಿಜ್ಞಾನದ ಶಕ್ತಿ. ನಮ್ಮ ಗುರುದೇವರು ನಮಗೆ ಎಂತಹ ನಿಧಿ, ಜೀವನ ಪರ್ಯಂತದ ಆಶೀರ್ವಾದ ಮತ್ತು ಶಕ್ತಿಯ ಮೂಲ, ಉದ್ಧರಣೆ ಮತ್ತು ಭಗವಂತನೊಡನೆಯ ಸಂಪರ್ಕವನ್ನು ನೀಡಿದ್ದಾರೆ!

ಇಲ್ಲಿಯ ಪರಮಹಂಸಜಿಯವರ ಅಮೆರಿಕದ ಆಶ್ರಮಗಳಲ್ಲಿ, ನಾವು ಸದ್ಯದಲ್ಲೇ ಕೃತಜ್ಞತಾ ಸಮರ್ಪಣೆಯ ದಿನಾಚರಣೆಯನ್ನು ಆಚರಿಸಲಿದ್ದೇವೆ. ಈ ಸಂಭ್ರಮಾಚರಣೆಯ ಹಿಂದಿರುವ ಆಧ್ಯಾತ್ಮಿಕ ಉದ್ದೇಶವನ್ನು, ವಿಶೇಷವಾಗಿ ನಮ್ಮ ಜೀವನದಲ್ಲಿ ಅಭಿವ್ಯಕ್ತಿಯಾದ ಎಲ್ಲ ಒಳಿತುಗಳನ್ನು ಪ್ರಜ್ಞಾಪೂರ್ವಕವಾಗಿ ಸ್ಮರಿಸಿಕೊಂಡು ಭಗವಂತನಿಗೆ ವಂದನೆಗಳನ್ನು ಸಲ್ಲಿಸಲು ಸಮಯವನ್ನು ನಿಗದಿಪಡಿಸಿಕೊಳ್ಳುವ ಸಂಪ್ರದಾಯವನ್ನು ಗುರುಗಳು ಬಹಳ ಮೆಚ್ಚಿಕೊಂಡಿದ್ದರು. ಯಾರು ತಮ್ಮ ಸೃಷ್ಟಿಕರ್ತನೊಂದಿಗೆ ಒಂದು ವೈಯಕ್ತಿಕ ಬಾಂಧವ್ಯವನ್ನು ಬೆಳೆಸಿಕೊಳ್ಳುವುದಿಲ್ಲವೋ ಅವರಿಗೆ ನಿತ್ಯ ಚೇತನವು ಅಜ್ಞಾತ ಹಾಗೂ ನಿಗೂಢವಾಗಿರುತ್ತದೆ; ಆದರೆ ಯಾರು ಭಗವಂತನ ಉಪಸ್ಥಿತಿಯನ್ನು ಆಚರಿಸುತ್ತಾರೋ ಅವರಿಗೆ – ಕೇವಲ ವಿಶೇಷ ರಜಾದಿನಗಳಲ್ಲಿ ಮಾತ್ರವಲ್ಲ, ಅನುದಿನವೂ, ಪ್ರತಿವರ್ಷವೂ ಒಂದು ನಿರಂತರ ಭಕ್ತಿಪೂರ್ಣ ಜಾಗೃತಿಯಲ್ಲಿ – ಪ್ರೀತಿಪಾತ್ರನು ಬೇರೆ ಯಾವುದೂ ನೀಡದಂತಹದ್ದನ್ನು ಅಂದರೆ ನಮ್ಮ ಆತ್ಮಗಳನ್ನು ತಪ್ಪದೆ ಪೋಷಿಸುವಂತಹ ರಕ್ಷಣೆ, ಮಾರ್ಗದರ್ಶನ, ಪ್ರೇಮ ಮತ್ತು ಸ್ಫೂರ್ತಿಯನ್ನು ನೀಡುವ ಮೂರ್ತರೂಪನಾಗುತ್ತಾನೆ.

ವರ್ಷಗಳ ಹಿಂದೆ, ಕೃತಜ್ಞತಾ ಸಮರ್ಪಣೆಯ ಸಮಯದಲ್ಲಿ ನಮ್ಮ ಪೂಜ್ಯ ಸಂಘಮಾತಾ, ದಿವಂಗತ ಶ್ರೀ ದಯಾ ಮಾತಾರವರು, ಪರಮಹಂಸ ಯೋಗಾನಂದರ ಅನುಯಾಯಿಗಳನ್ನುದ್ದೇಶಿಸಿ ಈ ಮಾತುಗಳನ್ನು ಹೇಳಿದರು. ವಿಶೇಷವಾಗಿ ಈ ಸಂದರ್ಭದಲ್ಲಿ ಅವನ್ನು ನೀವು ಬಹಳ ಅರ್ಥಗರ್ಭಿತವಾದದ್ದು ಎಂದು ಭಾವಿಸುತ್ತೀರಿ ಎಂದು ನಾನು ಭಾವಿಸುತ್ತೇನೆ: