ಆನ್‌ಲೈನ್ ಪ್ರಾರ್ಥನಾ ಅವಧಿಗಳು

ಯೋಗೋದ ಸತ್ಸಂಗ ಸೊಸೈಟಿ ಆಫ್ ಇಂಡಿಯಾ ಪ್ರತೀ ಬುಧವಾರ ರಾತ್ರಿ 9:00 ಗಂಟೆಗೆ (ಅಧಿಕೃತ ಭಾರತೀಯ ಕಾಲಮಾನ) 20 ನಿಮಿಷಗಳ ಅವಧಿಯ ಸಾಪ್ತಾಹಿಕ ಆನ್‌ಲೈನ್ ಪ್ರಾರ್ಥನಾ ಅವಧಿಯನ್ನು ನಡೆಸಲಿದೆ. ಮೊದಲ ಗೋಷ್ಠಿಯನ್ನು ಮೇ 27 ರಂದು ವೈಎಸ್ಎಸ್ ಸನ್ಯಾಸಿಯೊಬ್ಬರು ನಡೆಸಲಿದ್ದಾರೆ, ಮತ್ತು ನಂತರದ ಅವಧಿಗಳನ್ನು(ಜೂನ್ 3 ರಿಂದ) ವೈಎಸ್ಎಸ್ ಭಕ್ತರು ಮುನ್ನಡೆಸಲಿದ್ದಾರೆ.

ಪ್ರಾರ್ಥನಾ ಅವಧಿಯು ಆರಂಭಿಕ ಪ್ರಾರ್ಥನೆಯೊಂದಿಗೆ ಪ್ರಾರಂಭವಾಗುವುದು, ಅನಂತರ ಸ್ಫೂರ್ತಿದಾಯಕ ವಾಚನ ಅಥವಾ ಪರಮಹಂಸ ಯೋಗಾನಂದರ ದೃಢೀಕರಣ ವಾಕ್ಯದ ಅಭ್ಯಾಸ, ಮತ್ತು ಸಂಕ್ಷಿಪ್ತ ಧ್ಯಾನಾವಧಿಯನ್ನು ಒಳಗೊಂಡಿರುತ್ತದೆ. ಅನಂತರ ನಾವು ವೈಎಸ್ಎಸ್‌/ಎಸ್‌ಆರ್‌ಎಫ್‌ ಜಾಗತಿಕ ಪ್ರಾರ್ಥನಾ ಸಮೂಹಕ್ಕೆ ಸೇರಿಕೊಂಡು, ಭಾರತದಲ್ಲಿ ಮತ್ತು ವಿಶ್ವದಾದ್ಯಂತ ಇರುವ ಇತರರಿಗಾಗಿ, ವಿಶ್ವಶಾಂತಿಗಾಗಿ, ಮತ್ತು ಆರೋಗ್ಯಕ್ಕಾಗಿ ಪ್ರಾರ್ಥನೆಯನ್ನು ವಿನಂತಿಸಿದವರಿಗಾಗಿ ಪ್ರಾರ್ಥಿಸುವೆವು. ಈ ಅವಧಿಯು ಯೋಗಾನಂದಜಿಯವರು ಕಲಿಸಿದ ಉಪಶಮನಕಾರಿ ತಂತ್ರದ ಅಭ್ಯಾಸದೊಂದಿಗೆ, ಮತ್ತು ಸಮಾರೋಪ ಪ್ರಾರ್ಥನೆಯೊಂದಿಗೆ ಮುಕ್ತಾಯವಾಗುವುದು.

ಈ ಸತ್ಸಂಗಗಳಿಗೆ ಹಾಜರಾಗಲು ಎಲ್ಲರಿಗೂ ಸ್ವಾಗತ.

ದಯವಿಟ್ಟು ಗಮನಿಸಿ: ಈ ಆನ್‌ಲೈನ್ ಪ್ರಾರ್ಥನಾ ಅವಧಿಗಳು ಕೇವಲ ಜೂಮ್ ಮೂಲಕ ಲಭ್ಯವಿರುತ್ತವೆ.