ಸ್ವಾಮಿ ಚಿದಾನಂದ ಗಿರಿಯವರಿಂದ “ಜನಾಂಗ, ವರ್ಣ ಅಥವಾ ಪಂಥಗಳನ್ನು ಮೀರಿ ಆಳವಾದ ಏಕತೆಯನ್ನು ಕಂಡುಕೊಳ್ಳುವ ಮಾರ್ಗ”

ಸ್ವಾಮಿ ಚಿದಾನಂದರ ಸಂದೇಶವನ್ನು ಈ ಕೆಳಗೆ ನೀಡಲಾಗಿದೆ:

ಅಧ್ಯಾತ್ಮದ ಹಾದಿಯಲ್ಲಿರುವ ದೈವೀ ಸ್ನೇಹಿತರಿಗೆ ಶುಭಾಶಯಗಳು ಮತ್ತು ಪ್ರಣಾಮಗಳು.

ಅಮೇರಿಕದಲ್ಲಿ ಮತ್ತು ಪ್ರಪಂಚದಾದ್ಯಂತ ಅನೇಕ ನಗರಗಳಲ್ಲಿ ಉದ್ಭವಿಸಿರುವ ಜನಾಂಗೀಯ ಪ್ರಕ್ಷುಬ್ಧತೆಯ ಬಿರುಗಾಳಿಯ ಬಗ್ಗೆ ನನ್ನಂತೆಯೇ ನೀವೂ ಸಹ ಆಳವಾಗಿ ಚಿಂತಿಸುತ್ತಿದ್ದೀರಿ ಎಂದು ನನಗೆ ತಿಳಿದಿದೆ. ಈ ವಿಚಾರದ ಕುರಿತು ನಿಮ್ಮೊಡನೆ ಕೆಲವು ವಿಚಾರಗಳನ್ನು ಹಂಚಿಕೊಳ್ಳಲು ಇಚ್ಛಿಸುತ್ತೇನೆ.

ಮೊದಲನೆಯದಾಗಿ ಸಮಸ್ಯೆಯ ಬಗ್ಗೆ ಸ್ಪಷ್ಟವಾಗಿ ತಿಳಿದುಕೊಳ್ಳೋಣ. ಜನಾಂಗೀಯ ಪೂರ್ವಗ್ರಹ ಮತ್ತು ಅನ್ಯಾಯವು ಮಾನವ ಹೃದಯಗಳ ಮತ್ತು ಮನಸ್ಸಿನ ಒಂದು ಪಿಡುಗಾಗಿದೆ — ನಮ್ಮ ಮನಸ್ಸು ಮತ್ತು ಹೃದಯದಲ್ಲಿ ಭಗವಂತನು ನೆಲೆಯಾಗಲು ನಾವು ಅವಕಾಶ ನೀಡದಿದ್ದಾಗ. ಇತ್ತೀಚಿನ ದಿನಗಳಲ್ಲಿ ಅಮೆರಿಕದಾದ್ಯಂತ ಈ ಖಾಯಿಲೆಯು ಏಕಾಏಕಿ ಹರಡಿರುವುದನ್ನು ನಾವು ನೋಡಿದ್ದೇವೆ. ಮತ್ತು ಕೇವಲ ಅಮೇರಿಕದಲ್ಲಿ ಮಾತ್ರವಲ್ಲ, ಜಗತ್ತಿನಾದ್ಯಂತ ಹಲವು ದೇಶಗಳು ದ್ವೇಷ, ಪಂಥ, ವರ್ಣ ಮತ್ತು ಹಲವೆಡೆ ಧರ್ಮದ ಹೆಸರಿನಲ್ಲಿ ಯಾವುದೋ ಒಂದು ರೀತಿಯ ತಾರತಮ್ಯದ ಪಿಡುಗಿನ ಸೋಂಕಿನಿಂದ ನರಳುತ್ತಿವೆ.

ಯಾವುದೇ ದೀರ್ಘಕಾಲದ ಖಾಯಿಲೆಯಂತೆ ನಾವು ರೋಗಲಕ್ಷಣಗಳಿಗೆ ಚಿಕಿತ್ಸೆ ನೀಡಬಹುದು — ಮತ್ತು ಅದು ನಿಸ್ಸಂಶಯವಾಗಿ ಸಹಾಯಕ – ಆದರೆ, ಇದರ ಮೂಲ ಕಾರಣವನ್ನೂ ಸಹ ನಾವು ಪರಿಹರಿಸಬೇಕಾಗಿದೆ.
ಇಂತಹ ಸಮಯದಲ್ಲಿ, ಆಧ್ಯಾತ್ಮಿಕದೆಡೆಗೆ ಒಲವು ಹೊಂದಿರುವ ಪ್ರತಿಯೊಂದು ಹೃದಯ ಮತ್ತು ಮನಸ್ಸು ಸಹಾಯ ಮಾಡಲು ತಾವು ಏನು ಮಾಡಬಹುದು ಎಂದು ತಮ್ಮನ್ನು ತಾವು ಕೇಳಿಕೊಳ್ಳುತ್ತಿವೆ. ಈ ಜಗತ್ತಿನಲ್ಲಿ ನಾವೆಲ್ಲರೂ ವಿಭಿನ್ನ ಪಾತ್ರಗಳನ್ನು ವಹಿಸಬೇಕಾಗಿದೆ, ವಿಭಿನ್ನ ಪ್ರತಿಭೆ ಮತ್ತು ಸಾಮರ್ಥ್ಯಗಳನ್ನು ಪ್ರದರ್ಶಿಸಬೇಕಾಗಿದೆ. ಅದರ ಅರ್ಥ, ಯಾವುದೇ ಸಮಯದಲ್ಲಿ ನಮ್ಮ ಮಾನವ ಕುಟುಂಬ ಯಾವ ನಿರ್ದಿಷ್ಟ ಬಿಕ್ಕಟ್ಟು ಅಥವಾ ಸಮಸ್ಯೆಯನ್ನು ಎದುರಿಸುತ್ತದೋ ಅದಕ್ಕನುಗುಣವಾಗಿ ಇತರರಿಗೆ ಸೇವೆ ಸಲ್ಲಿಸಲು ನಾವು ವಿಭಿನ್ನ ರೀತಿಗಳಲ್ಲಿ ಅರ್ಹರಾಗಿದ್ದೇವೆ.

ಎಸ್ ಆರ್ ಎಫ್/ವೈ ಎಸ್ ಎಸ್‌ನ ಹಲವು ಸದಸ್ಯರಲ್ಲಿ ತಮ್ಮ ವೃತ್ತಿಪರ ಮತ್ತು ವ್ಯಾವಹಾರಿಕ ಪ್ರತಿಭೆಯಿಂದ ಬೇರೆಯವರ ಜೀವನ ಮತ್ತು ಸಮಾಜ ಮತ್ತು ನಮ್ಮ ಜಗತ್ತನ್ನು ಸುಧಾರಿಸಲು ತಮ್ಮಿಂದಾದ ಪ್ರಯತ್ನ ಮಾಡುವವರು ಅನೇಕರಿದ್ದಾರೆ ಎಂದು ನನಗೆ ತಿಳಿದಿದೆ. ಭಗವಂತನ ಆಶೀರ್ವಾದ ಅವರೆಲ್ಲರ ಮೇಲೆ ಇರಲಿ! ಬಡತನ, ಜನಾಂಗೀಯ ಅನ್ಯಾಯ ಮತ್ತು ಮನುಷ್ಯನ ಅಜ್ಞಾನದಿಂದ ಉದಿಸುವ ಯಾವುದೇ ಸಮಸ್ಯೆಗಳ ನಿರ್ಮೂಲನೆಗೆ ಸಕ್ರಿಯವಾಗಿ ಪ್ರಪಂಚದಾದ್ಯಂತ ಕೊಡುಗೆ ನೀಡುತ್ತಿರುವ ಪ್ರತಿಯೊಬ್ಬ ವ್ಯಕ್ತಿಯನ್ನೂ ದೇವರು ಆಶೀರ್ವದಿಸುತ್ತಾನೆ.

ಆದರೆ ಪರಮಹಂಸ ಯೋಗಾನಂದರ ಎಲ್ಲಾ ಅನುಯಾಯಿಗಳು, ಧ್ಯಾನ-ಆಧಾರಿತ ಆಧ್ಯಾತ್ಮಿಕ ಬೋಧನೆಗಳ ಎಲ್ಲಾ ಅನುಯಾಯಿಗಳು ಸೇವೆ ಸಲ್ಲಿಸಲು ನಿರ್ದಿಷ್ಟವಾದ ಮತ್ತು ಮಾಡಲೇ ಬೇಕಾದ ಒಂದು ಮಾರ್ಗವಿದೆ. ಅದು ಶಾಂತಿಯ ಹರಿಕಾರರಾಗುವ ಮೂಲಕ. ಧ್ಯಾನಾಭ್ಯಾಸದ ಮೂಲಕ ನಮ್ಮೊಳಗಿನ ಶಾಂತಿಯನ್ನು ಕಂಡುಕೊಂಡು, ನಾವು ಹೊರಸೂಸುವ ಶಾಂತಿ, ಸಾಮರಸ್ಯ, ಪ್ರಾರ್ಥನೆ ಮತ್ತು ಭಗವಂತನೆಡೆಗಿನ ಪ್ರೀತಿಯ ಕಂಪನಗಳಿಂದ ನಿಮ್ಮ ಸುತ್ತಲಿನ ಎಲ್ಲರಿಗೂ ಸಹಾಯ ಮಾಡಿ.

ನಮ್ಮ ಗುರುಗಳು ಮತ್ತೆ ಮತ್ತೆ ಒತ್ತಿ ಹೇಳಿದಂತೆ, ಮಾನವತೆಯ ಹೃದಯಕ್ಕೆ ಆಘಾತ ತರುವ ನಿರಂತರ ಸಾಮಾಜಿಕ ಸಮಸ್ಯೆಗಳಿಗೆ ಶಾಶ್ವತವಾದ ಪರಿಹಾರವೆಂದರೆ, ನಮ್ಮನ್ನು ನಾವು ಬದಲಾಯಿಸಿಕೊಳ್ಳುವುದು. ನಮ್ಮನ್ನು ನಾವು ಹೆಚ್ಚು ಶಾಂತಿಯಿಂದ, ಪ್ರೀತಿಯಿಂದ, ಭಗವಂತನಲ್ಲೇ ನಮ್ಮ ಬದುಕನ್ನು ಕೇಂದ್ರೀಕರಿಸುವ ಮೂಲಕ. ಈ ದಿಕ್ಕಿನಲ್ಲಿ ಕೆಲಸ ಮಾಡಿದಾಗ ಇದರ ಮೂಲ ಕಾರಣವನ್ನು ಪರಿಹರಿಸಲು ಸಾಧ್ಯ. ಇಲ್ಲವಾದಲ್ಲಿ, ಮೌಲ್ಯಯುತವಾದರೂ ರೋಗಲಕ್ಷಣಗಳನ್ನು ಮಾತ್ರ ಪರಿಹರಿಸಲು ಸಾಧ್ಯ.

ಆದುದರಿಂದ ನಾವು ಪ್ರಸ್ತುತವಾಗಿ ಶಾಂತಿಯನ್ನು ಬೆಳೆಸಿಕೊಂಡು ಸ್ವಲ್ಪ ಸಮಯವನ್ನು ಒಟ್ಟಿಗೆ ಕಳೆಯೋಣ. ಮತ್ತು ನಾವು ಹಾದುಹೋಗುತ್ತಿರುವ ತೊಂದರೆಯ ಸಮಯವನ್ನು ನಿಭಾಯಿಸಲು ನಮ್ಮ ಕೊಡುಗೆಯಾಗಿ ಆ ಶಾಂತಿಯನ್ನು ಬಾಹ್ಯವಾಗಿ ಪ್ರಸಾರ ಮಾಡೋಣ.

ಏಕೆಂದರೆ ಕೇವಲ ಪದಗಳು ಸಾಕಾಗುವುದಿಲ್ಲ. ಇಂತಹ ಸಮಯದಲ್ಲಿ ತಪ್ಪು ತಿಳುವಳಿಕೆಗಳು, ಭಯ ಮತ್ತು ಕೋಪದ ಭರದಲ್ಲಿ ನೀವು ಪರಸ್ಪರ ಆಡುವ ಪದಗಳು ಸೀಮಿತ ಪರಿಣಾಮವನ್ನು ಬೀರುತ್ತವೆ. ಸಾಮಾನ್ಯವಾಗಿ ಅವು ನಕಾರಾತ್ಮಕ ಪರಿಣಾಮವನ್ನು ಬೀರುತ್ತವೆ. ಏಕೆಂದರೆ, ನಾವು ಇತರ ಮನುಷ್ಯರೊಂದಿಗೆ ಮಾತನಾಡುವ ಪದಗಳು ತುಂಬಾ ಸುಲಭವಾಗಿ ತಪ್ಪಾಗಿ ಗ್ರಹಿಸಲ್ಪಡುತ್ತವೆ. ಆದರೆ ಪ್ರಾರ್ಥನೆ, ಧ್ಯಾನ ಮತ್ತು ದೈವೀ ಸಹಭಾಗಿತ್ವದಲ್ಲಿ, ನಮ್ಮ ಹೃದಯಾಂತರಾಳದ ಹಂಬಲದಿಂದ ಉದ್ಭವಿಸಿದ ಆ ಭಗವಂತನೆಡೆಗಿನ ಪ್ರೀತಿಯ ಪದಗಳು, ಎಲ್ಲಾ ರೀತಿಯ ಮಾನವ ಭಾಷೆಗೆ ಮೀರಿದ ಶಕ್ತಿಯನ್ನು ಹೊಂದಿವೆ.

ಆದ್ದರಿಂದ ನನ್ನದು ದುಪ್ಪಟ್ಟು ಪ್ರಾರ್ಥನೆ: ನಾವೆಲ್ಲರೂ ಸಾಮಾಜಿಕ, ರಾಜಕೀಯ ಐಕ್ಯತೆಗಾಗಿ ದುಡಿದ ಎಲ್ಲಾ ಜನಾಂಗ ಹಾಗೂ ಧರ್ಮಗಳ, ಸಾಮಾಜಿಕ ಮತ್ತು ರಾಜಕೀಯ ಐಕ್ಯತೆಗಾಗಿ ದುಡಿದ ಎಲ್ಲ ಜನಾಂಗ ಹಾಗೂ ಧರ್ಮಗಳ ಸಹೃದಯೀ ಸುಧಾರಕರ ಮಾತುಗಳನ್ನು ನಾವೆಲ್ಲರೂ ಗೌರವದಿಂದ ಮತ್ತು ತುರ್ತಾಗಿ ಕೇಳಬೇಕು. ಮತ್ತು ಒಬ್ಬರನ್ನೊಬ್ಬರು ಆಲಿಸುವ ಆ ಆಳವಾದ ಆಧ್ಯಾತ್ಮಿಕ ಕ್ರಿಯೆಯಿಂದ, ಉದಾತ್ತ ವಿಚಾರಗಳನ್ನು ಪದಗಳಿಂದ ಗುಣಪಡಿಸುವಿಕೆಯನ್ನು ಉತ್ತೇಜಿಸುವ ಸ್ಪಷ್ಟವಾದ ಕ್ರಿಯೆಗಳಾಗಿ ಭಾಷಾಂತರಿಸಲು ಉತ್ತಮ ಮಾರ್ಗವನ್ನು ವಿವೇಚಿಸಲು ಪ್ರಯತ್ನಿಸೋಣ.
ಎಲ್ಲಕ್ಕಿಂತ ಮಿಗಿಲಾಗಿ ಈ ವಿಭಜಿತ ಸಮಯದಲ್ಲಿ ನಮ್ಮ ಹೃದಯಾಂತರಾಳದ ಮಾತುಗಳು ಎಲ್ಲದರ ಮೂಲವಾದ, ಸದ್ಭಾವನೆಯ ಕಾರಂಜಿಯ ಸೆಲೆಯಾದ ಆ ಭಗವಂತನನ್ನು ತಲುಪಲಿ.

ಅಗತ್ಯವಾದ ಸಮಯವನ್ನು ತೆಗೆದುಕೊಂಡು, ಧ್ಯಾನದ ಆಂತರೀಕರಣಗೊಂಡ ಮೌನದಲ್ಲಿ ಕಂಡ ಶಾಂತಿ ಮತ್ತು ಅರಿವಿನ ಶಕ್ತಿಗೆ ನಾವು ಮಾತನಾಡುವ ಮತ್ತು ನಾವು ಕೇಳುವ ನುಡಿಗಳನ್ನು ತಿಳಿಸುವಂತೆ ಹೇಳಿ ನಮ್ಮ ಆತ್ಮಗಳಲ್ಲಿರುವ ವಿಧಿವಿಹಿತವಾದ ಸಮಗ್ರತೆಯನ್ನು ಕಂಡುಕೊಳ್ಳೋಣ. ನಾವು ಒಬ್ಬರಿಗೊಬ್ಬರು ನುಡಿಯುವ ನುಡಿಗಳೊಂದಿಗೆ ಭಗವಂತನಿಗೆ ನುಡಿಯುವ ನಮ್ಮ ನುಡಿಗಳು ಮತ್ತು ಪ್ರಾರ್ಥನೆಗಳು, ಒಬ್ಬರಿಗೊಬ್ಬರು ಬಡಿದಾಡಿಕೊಳ್ಳುವ ಸ್ಥಿತಿಗೆ ತಂದಿರುವ ಪ್ರಸ್ತುತ ಬಡಿದಾಟಗಳು ಮತ್ತು ಅಸಾಮರಸ್ಯಗಳಿಗೆ ನಮ್ಮ ಪ್ರತಿಸ್ಪಂದನದ ನಿರೂಪಕ ಮತ್ತು ಸೃಷ್ಟಿಕಾರನಾಗಲಿ.