“జాతి, వర్ణం లేదా మతం కన్నా మరింత గాఢమైన ఐక్యతను కనుగొనడం” గురించి స్వామి చిదానంద గిరి

స్వామి చిదానందగారి సందేశం ఈ క్రింద ఇవ్వబడింది:

ఆధ్యాత్మిక మార్గంలోని దివ్యమిత్రులకు ప్రణామాలు మరియు అభినందనలు.

అమెరికాలోను మరియు ప్రపంచవ్యాప్తంగా ఉన్న అనేక నగరాల్లో తలెత్తిన జాతి-ఆధారిత కల్లోల పరిస్థితుల గురించి మీరు కూడా నాలాగే ఎంతో ఆందోళన చెందుతున్నారని నాకు తెలుసు. దీని గురించి కొన్ని ఆలోచనలను మీతో పంచుకుంటాను.

అన్నింటి కన్నా ముందుగా, సమస్య గురించి స్పష్టంగా తెలుసుకుందాం. మనలో ఎవరి హృదయాలు మరియు మనస్సులలో దేవునికి స్థానం ఉండదో, అటువంటివారికి జాతి పక్షపాతం మరియు అన్యాయం అనేది ఒక రుగ్మతలా వ్యాపించి ఉంటుంది. ఇటీవలి రోజుల్లో, అమెరికా అంతటా, ఆ రుగ్మత కొత్తగా వ్యాపించడాన్ని మనం చూశాం. అమెరికాలో మాత్రమే కాదు: ప్రపంచంలోని చాలా దేశాలలో జాతి, వర్ణం మరియు ఖచ్చితంగా చాలా ప్రాంతాలలో మతం ఆధారంగా భేదభావాలు, విద్వేషం ఏదో ఒక స్థాయిలో వ్యాపిస్తున్నాయి.

ఏదేనా దీర్ఘకాలిక వ్యాధి మాదిరిగానే, మనం ఆ లక్షణాలకు చికిత్స చేయవచ్చు — అది సహాయకారిగా ఉంటుంది, ఎటువంటి సందేహం లేదు — కాని మనం దాని మూలకారణాన్ని కూడా పరిష్కరించాలి.
ఇలాంటి సమయాల్లో, ఆధ్యాత్మికత వైపు మొగ్గు చూపే అన్ని హృదయాలు మరియు మనస్సులు, సహాయం చేయడానికి నేను ఏం చేయగలను? అని తమను తాము ప్రశ్నించుకుంటాయి. ఈ ప్రపంచంలో మనందరికీ విభిన్నమైన ప్రతిభ, సామర్థ్యాలు కలిగి వేర్వేరు పాత్రలు నిర్వహించవలసి ఉంటుంది; అంటే ఏ సమయంలోనైనా మన మానవ కుటుంబానికి ఎదురయ్యే నిర్దిష్ట సంక్షోభం లేదా సమస్యపై ఆధారపడి వివిధ మార్గాల్లో మనం ఇతరులకు సేవ చేయడానికి అర్హత పొందుతాము.

మన ప్రపంచం, మన సమాజంలోని ఇతరుల జీవితాలను మెరుగుపరచడానికి మన ఎస్.ఆర్.ఎఫ్. మరియు వై.ఎస్.ఎస్. సభ్యులలో చాలామంది, నైపుణ్యం కలిగిన మరియు వృత్తిపరమైన తమ ప్రతిభను వినియోగించడం ద్వారా, లేదా కేవలం ధార్మిక సేవ ద్వారా లేదా తోడ్పాటును అందించడం ద్వారా సహాయపడతున్నారని నాకు తెలుసు. భగవంతుడు వారందరినీ ఆశీర్వదిస్తాడు! ప్రపంచవ్యాప్తంగా పేదరికం, జాతి వివక్ష మరియు మానవ అజ్ఞానానికి సంబంధించిన అన్ని ఇతర పర్యవసానాల నిర్మూలనకు చురుగ్గా సహకరిస్తున్న ప్రతి వ్యక్తిని దేవుడు ఆశీర్వదిస్తాడు.

కాని పరమహంస యోగానందగారి అనుచరులందరూ, ధ్యాన ఆధారిత ఆధ్యాత్మిక బోధనలను అనుసరించే వారందరూ సేవ చేయగల మరియు సేవ చేయదగిన ప్రత్యేక మార్గం ఒకటి ఉంది – అది శాంతిసంధాతగా ఉండటం. ధ్యానసాధన ద్వారా మనలో ప్రశాంతతను నెలకొల్పుకొని, మన నుండి ప్రసరింపజేసే శాంతి, సామరస్యం, ప్రార్థన, మరియు దైవప్రేమ యొక్క ప్రకంపనల ద్వారా మన చుట్టూ ఉన్న ప్రతి ఒక్కరికి సేవ చేయండి.

మన గురువుగారు పదే పదే నొక్కి చెప్పినట్లుగా, మానవులకు హృదయ వేదనను కలిగించే నిరంతర సామాజిక సమస్యలకు శాశ్వత నివారణ – మనల్ని మనం మరింత శాంతియుతంగా, ప్రేమగా, దైవ-కేంద్రీకృత వ్యక్తులుగా మనల్ని మనం మార్చుకోవడంలోనే ఉంది. దానిపై పని చేయడమంటే మూల కారణాన్ని పరిష్కరించడమే. మిగిలినవన్నీ, విలువైనవైనప్పటికీ, లక్షణాలను మాత్రమే పరిష్కరిస్తున్నాయి.

కాబట్టి, ప్రస్తుతం మనమందరం కలిసి కొంత సమయం గడుపుదాం. ప్రశాంతతను పెంపొందించుకొని, మనం గడుపుతున్న సమస్యాత్మక కాలాన్ని అధిగమించడం కోసం మనవంతు సహకారంగా దానిని బాహ్యంగా ప్రసారం చేద్దాం.

ఎందుకంటే కేవలం మాటలు మాత్రమే సరిపోవు, అపార్థం, భయం మరియు కోపం కలిగించే ఇలాంటి సమయాల్లో — మనం ఒకరికొకరం చెప్పుకొనే మాటలు ఒక పరిమితమైన ప్రభావాన్ని కలిగి ఉంటాయి. తరచుగా అవి ప్రతికూల ప్రభావాన్ని కలిగి ఉంటాయి, ఎందుకంటే మనం ఇతర మానవులతో మాట్లాడే పదాలు చాలా సులభంగా తప్పుగా అర్థం చేసుకోబడతాయి. కాని ప్రార్థనలో, ధ్యానంలో మరియు దేవునితో అనుసంధానంలో మన గాఢమైన పరితాపం నుండి దేవునికి ప్రవహించే పదాలు — మానవ సంభాషణ యొక్క రూపాలన్నిటినీ మించిన ఒక శక్తిని కలిగి ఉంటాయి.

కాబట్టి నా ప్రార్థన రెండు భాగాలు: మన కాలంలోని సహృదయంగల సంస్కర్తల — అన్ని జాతులు, మతాల యొక్క సామాజిక మరియు రాజకీయ ఐక్యతలను పెంపొందించేవారి — మాటలను మనమందరం గౌరవంగా మరియు అత్యవసరంగా వినాలని నేను ప్రార్థిస్తున్నాను. ఒకరి మాటలను ఒకరు వినే ఆ గాఢమైన ఆధ్యాత్మిక చర్య ద్వారా, గొప్ప ఆదర్శాలను పదాల నుండి నయం చేసే స్పష్టమైన చర్యలలోకి పరివర్తనకారక ఉత్తమ మార్గాన్ని గుర్తించేందుకు ప్రయత్నిద్దాం.
కాని అంతకంటే ఎక్కువగా, ఈ విభజిత సమయంలో మన అత్యంత హృదయపూర్వకమైన మాటలు, మన స్వభావంలోని మంచితనానికి, నిజాయితీకి మరియు ఉన్నతి కలిగించే వాటన్నిటికీ మూలభాండాగారమైన ఆ దైవానికి చేరుకోవాలని నేను ప్రార్థిస్తున్నాను.

మనం సంభాషించే పదాలు నివేదించేందుకు మరియు మనం ఆలకించేందుకు, ధ్యానం యొక్క నిశ్శబ్ద అంతర్ముఖత్వంలో లభించే శాంతి మరియు అవగాహన యొక్క శక్తిని అనుమతించేందుకు అవసరమైన సమయాన్ని కేటాయించి, మన ఆత్మలలోని అవసరమైన గాఢతను కనుగొందాం. మరియు మనం పరస్పరం సంభాషించే పదాలతోపాటు, ప్రస్తుత సంఘర్షణలు మరియు అసమానతలతో మనకు పరస్పరం ఎదురయ్యే ఆపదలకు, భగవంతుడితో మనం పలికే పదాలు మరియు ప్రార్థనలు, మన ప్రతిస్పందనను నిర్వచించే విధంగాను, ఒక రూపమిచ్చే విధంగాను ఉండనివ్వండి.