ಚೈತನ್ಯದ ಸುಪ್ತ ಮೂಲದೊಡನೆ ಸಂಪರ್ಕ ಸಾಧಿಸುವುದರ ಕುರಿತು ಪರಮಹಂಸ ಯೋಗಾನಂದರು

ಒಂದು ಪರಿಚಯ:

ನೀವು ಅಧಿಕ ಚೈತನ್ಯವನ್ನು ಮನಗಾಣಲು ಬಯಸುತ್ತೀರೇನು? ಅದು ನಮಗೆಲ್ಲರಿಗೂ ಬೇಕಾಗಿದೆ. ಹಾಗೆ ಮಾಡಲು, ನಾವು ಹೇಗೆ ತಿನ್ನುತ್ತೇವೆ, ನಮಗೆಷ್ಟು ವಿಶ್ರಾಂತಿಯು ಸಿಗುತ್ತದೆ, ಅಥವಾ ವಿಭಿನ್ನ ಕಾರ್ಯಗಳನ್ನು ನಾವು ಹೇಗೆ ಮಾಡುತ್ತೇವೆ ಮತ್ತು ಅತಿಯಾದ ಉತ್ಸಾಹ ಮತ್ತು ದೃಢನಿರ್ಧಾರದಿಂದ ನಮ್ಮ ಕನಸುಗಳನ್ನು ಹೇಗೆ ಹಿಂಬಾಲಿಸುತ್ತೇವೆ ಎಂಬುದರ ಬಗ್ಗೆ ನಾವು ಹೊಂದಾಣಿಕೆ ಮಾಡಿಕೊಳ್ಳಬೇಕು. ಆಗ ನಾವು ಇವುಗಳ ಪ್ರಯೋಜನಗಳನ್ನು ನಮ್ಮ ಚೈತನ್ಯ ಮತ್ತು ದೃಷ್ಟಿಕೋನದಲ್ಲಿ ಕಾಣುತ್ತೇವೆ.

ಆದರೆ ಪರಮಹಂಸ ಯೋಗಾನಂದರ ಬೋಧನೆಗಳು ನಾವು ಪ್ರಜ್ಞಾಪೂರ್ವಕವಾಗಿ ಜೀವನ್ನಾಟಕದ ದೃಶ್ಯಗಳ ಹಿಂದೆ ಅಡಗಿರುವ ಚೈತನ್ಯದ ಮೂಲದೊಡನೆ ಸಂಪರ್ಕ ಸಾಧಿಸಿದಾಗ ನಮ್ಮ ದಿನಗಳು ಹೇಗೆ ಮಹತ್ತರವಾಗಿ ಹೆಚ್ಚು ಜೀವಂತ ಹಾಗೂ ಚೈತನ್ಯಪೂರ್ಣವಾಗುತ್ತದೆ ಎಂಬುದರ ಮೇಲೆ ಹೆಚ್ಚು ಒತ್ತು ನೀಡುತ್ತವೆ.

ವೈಎಸ್‌ಎಸ್/ಎಸ್‌ಆರ್‌ಎಫ್‌ನ ಸಂಘಮಾತಾ ಹಾಗೂ ಮೂರನೆಯ ಅಧ್ಯಕ್ಷರಾದ ಶ್ರೀ ದಯಾ ಮಾತಾ ಒಮ್ಮೆ ಹೇಳಿದರು, “ಮನುಷ್ಯನು ಭಗವಂತನನ್ನು ಒಪ್ಪಿಕೊಳ್ಳುತ್ತಾನೋ ಇಲ್ಲವೋ, ಸತ್ಯವೇನೆಂದರೆ ನಮ್ಮ ನಿಜ ಅಸ್ತಿತ್ವವೇ ಕ್ಷಣ ಕ್ಷಣಕ್ಕೂ ಅವ್ಯಕ್ತ ದಿವ್ಯ ಮೂಲದಿಂದ ನಿರಂತರವಾಗಿ ಹರಿಯುವ ಪ್ರಾಣ ಮತ್ತು ಚೈತನ್ಯ ಮತ್ತು ಬುದ್ಧಿಶಕ್ತಿಯನ್ನು ಅವಲಂಬಿಸಿದೆ.”

ಅವರು ಬೊಟ್ಟು ಮಾಡಿ ತೋರಿಸಿದ ಹಾಗೆ ತಾರುಣ್ಯವು, ಯಾವುದನ್ನು ಬಹಳಷ್ಟು ಸಲ ಒಂದು ಕ್ಷಣಿಕವಾದ ಮತ್ತು ಬಾಹ್ಯ ಸ್ಥಿತಿ ಎಂದು ಪರಿಗಣಿಸಲ್ಪಡಲಾಗುವುದೋ ಅದು, “ಆಂತರ್ಯದೊಳಗಿನಿಂದ ಪ್ರಸರಿಸುವ ಮನಸ್ಸು ಮತ್ತು ಚೈತನ್ಯದ ಒಂದು ಜೀವಂತಿಕೆ – ಭಗವಂತನ ನಿತ್ಯ ಶಕ್ತಿ ಮತ್ತು ಆನಂದದೊಂದಿಗೆ ನಮ್ಮ ಆಳವಾದ ಆಂತರಿಕ ಸಂಬಂಧದ ಅನುಭವದಿಂದ ಜನಿಸಿದ ಆನಂದ.”

ಆದ್ದರಿಂದ ಹೆಚ್ಚು ಹೆಚ್ಚಾಗಿ ಚೈತನ್ಯವನ್ನು ಅನುಭವಿಸಲು ಈ ಸ್ಫೂರ್ತಿಯನ್ನು ನೀವು ಉಪಯೋಗಿಸಬಹದು ಎಂದು ನಾವು ಭಾವಿಸುತ್ತೇವೆ — ಎಲ್ಲ ಜೀವಿಗಳ ಮೂಲದೊಡನೆ ಸಂಬಂಧವನ್ನು ಹೊಂದಲು ಪರಮಹಂಸಜಿ ಅವರ ಸರಳವಾದ ಆದರೆ ಶಕ್ತಿಶಾಲಿಯಾದ ತಂತ್ರಗಳ ಜ್ಞಾನವನ್ನು ಹೀರಿಕೊಂಡು ಅಭ್ಯಾಸ ಮಾಡುವುದರಿಂದ.