பிரார்த்தனை

இந்தியாவின் புராதன விஞ்ஞானி-ஞானிகள், நேசிக்கும் இறைவனுடன் ஆனந்தத்தில் ஆழ்த்தும் தொடர்பை எவ்வாறு அனுபவிப்பது என்பதைக் கண்டறிந்தனர். பரமஹம்ஸ யோகானந்தர், தியானத்தின் யோக அறிவியல் மற்றும் பிரார்த்தனை செய்வதற்கான ஒரு புதிய வழி மூலம், இறைவனின் அதே நேரடி அனுபவத்தை நாம் எப்படிப் பெற முடியும் என்பதை நமக்குக் கற்பிக்கிறார். அவர் எழுதினார்:

“பிரார்த்தனை” என்பதற்குப் பதிலாக நான் ‘வேண்டுதல்’ எனும் வார்த்தையை விரும்புகிறேன், ஏனென்றால் பிந்தையது, இறைவன் ஓர் அரச கொடுங்கோலன், அவனிடம் நாம் பிச்சைக்காரர்களைப் போன்று கெஞ்சி கேட்டு, முகஸ்துதி செய்ய வேண்டும் என்ற பழமையான மற்றும் இடைக்கால கருத்து இல்லாதது. சாதாரண பிரார்த்தனையில் ஒரு பெரும் பிச்சைக்காரத்தனமும் அறியாமையும் உள்ளது…எவ்வாறு பிரார்த்தனை செய்வது மற்றும் தங்கள் பிரார்த்தனையால் இறைவனைத் தொடுவது என்பதை வெகு சிலரே அறிவர்.”

“அவனிடம் கோருவதற்கு இறைவனிடமிருந்து மரபுரிமையாகப் பெற்ற தெய்வீக உரிமை உங்களுக்கு உள்ளது; நீங்கள் அவனுக்கே சொந்தமானதால் அவன் உங்களுக்கு பதிலளிப்பான். நீங்கள் அவனை இடையறாது அழைத்தால், அவன் உங்கள் பக்தியின் வலையிலிருந்து தப்ப முடியாது. உங்கள் பிரார்த்தனையின் ஒளியுடன் ஆகாயம் கடையப்படும் வரை நீங்கள் பிரார்த்தனை செய்தால், நீங்கள் கடவுளைக் காண்பீர்கள்.”