ಅವರ್ಣನೀಯ ದಿವ್ಯ ಸತ್ಸಂಗ: ಯುವ ಸಾಧಕ ಸಂಗಮ ಸೆಪ್ಟೆಂಬರ್ 2025

ಸಂಗಮವು ಸತ್ಸಂಗ ಮತ್ತು ಸೇವೆಗೆ ಸಮತೋಲಿತ ಪ್ರಾಮುಖ್ಯತೆಯನ್ನು ನೀಡಿತು, ಯುವ ಸಾಧಕರು ಗುರುಗಳ ಹೆಸರಿನಲ್ಲಿ ಆಶ್ರಮಕ್ಕೆ ಸೇವೆ ಸಲ್ಲಿಸಲು ಪರಸ್ಪರ ಒಟ್ಟಾಗಿ ಕಾರ್ಯನಿರ್ವಹಿಸುವ ಆನಂದವನ್ನು ಕಂಡುಕೊಂಡರು. ಸಹ ಸಾಧಕರನ್ನು ಸ್ವಾಗತಿಸುವುದರಿಂದ ಹಿಡಿದು ವಸತಿ ನಿರ್ವಹಣೆ, ಅಡುಗೆಮನೆಯಲ್ಲಿ ಸಹಾಯ, ಪುಸ್ತಕ ವಿಭಾಗಕ್ಕೆ ನೆರವು, ಹಾಗೂ ಆಶ್ರಮದ ಆವರಣಗಳನ್ನು ನಿರ್ವಹಿಸುವವರೆಗೆ ನಡೆಸಿದ ಸೇವಾಕಾರ್ಯವು ಕೃತಜ್ಞತೆಯ ಸಹಜ ಅಭಿವ್ಯಕ್ತಿಯಾಯಿತು. ಅನೌಪಚಾರಿಕ ಸಂಜೆ ಕೂಟಗಳು ಆತ್ಮೀಯ ಗೆಳೆತನಗಳನ್ನು ಬೆಳೆಸಿದವು. ವಿಶೇಷ ಅಧಿವೇಶನಗಳು ಯುವಕರಿಗೆ ವೈಎಸ್‌ಎಸ್‌ ನಲ್ಲಿ ಸ್ವಯಂಸೇವೆ ಮಾಡಲು ಮತ್ತು ಸಂನ್ಯಾಸ ಜೀವನ ಶೈಲಿಯೊಂದಿಗೆ ಪರಿಚಿತರಾಗಲು ಸಹ ಮಾರ್ಗದರ್ಶನ ನೀಡಿದವು. ಪೂರ್ಣಾವಧಿ ಸೇವೆಗೆ ಮತ್ತು ಸಂನ್ಯಾಸ ಜೀವನವನ್ನು ಸೇರಲು ಇರುವ ಅವಕಾಶಗಳನ್ನು, ಸೇವೆಗೆ ಹಾಗೂ ಆಧ್ಯಾತ್ಮಿಕ ಜೀವನಕ್ಕೆ ತಮ್ಮನ್ನು ಹೆಚ್ಚು ಆಳವಾಗಿ ಸಮರ್ಪಿಸಿಕೊಳ್ಳಲು ಬಯಸುವವರಿಗಾಗಿ ತಿಳಿಸಲಾಯಿತು.