ಯೋಗಿಯ ಆತ್ಮಕಥೆಯ 75ನೇ ವರ್ಷದ ಸಂಭ್ರಮಾಚರಣೆಯನ್ನು ಆಚರಿಸಲಾಗುತ್ತಿದೆ

1946ರ ಚಳಿಗಾಲದಲ್ಲಿ ಯೋಗಿಯ ಆತ್ಮಕಥೆ ಯು ಮೊದಲ ಬಾರಿಗೆ ಪ್ರಕಟವಾದಾಗ, ಅದು ಓದುಗರು ಮತ್ತು ವಿಶ್ವಾದ್ಯಂತ ಪತ್ರಿಕೆಗಳಿಂದ ಪ್ರಶಂಸೆಯ ಸುರಿಮಳೆಯನ್ನು ಪಡೆಯಿತು.

ಕೊಲಂಬಿಯಾ ಯೂನಿವರ್ಸಿಟಿ ಪ್ರೆಸ್ ಹೀಗೆ ಬರೆದಿದೆ, “ಇಂಗ್ಲಿಷಿನಲ್ಲಿ ಅಥವಾ ಬೇರಿನ್ನಾವುದೇ ಭಾಷೆಯಲ್ಲಿ ಯೋಗವನ್ನು ಕುರಿತು ಇಂತಹ ನಿರೂಪಣೆಯನ್ನು ಇದುವರೆಗೆ ಬರೆಯಲಾಗಿಲ್ಲ,” ನ್ಯೂಸ್ ವೀಕ್ ವರದಿ ಮಾಡಿದೆ, “ಯೋಗಾನಂದರ ಪುಸ್ತಕವನ್ನು ಒಬ್ಬ ವ್ಯಕ್ತಿಯ ಆತ್ಮಕಥೆ ಎನ್ನುವುದಕ್ಕಿಂತ ಒಂದು ಆತ್ಮದ ಕಥೆ ಎಂದು ಹೇಳಬಹುದು….ಮನಸೂರೆಗೊಳ್ಳುವ ಹಾಗೂ ಸ್ಪಷ್ಟ ವ್ಯಾಖ್ಯಾನಗಳಿಂದ ಕೂಡಿದ ಅಧ್ಯಯನ.” ಮತ್ತು ದಿ ನ್ಯೂಯಾರ್ಕ್ ಟೈಮ್ಸ್ ಇದನ್ನು “ಅಪೂರ್ವ ಕಥನ” ಎಂದು ಬಣ್ಣಿಸಿದೆ.

ಅಂದಿನಿಂದಲೂ, ಈ ಗ್ರಂಥದ ವ್ಯಾಪಕ ಆಕರ್ಷಣೆ ಮತ್ತು ಜನಪ್ರಿಯತೆಯು ಹಾಗೇ ಉಳಿದುಕೊಂಡಿದೆ. 1999 ರಲ್ಲಿ, ಇದನ್ನು “ಶತಮಾನದ 100 ಅತ್ಯುತ್ತಮ ಆಧ್ಯಾತ್ಮಿಕ ಗ್ರಂಥಗಳಲ್ಲಿ” ಒಂದೆಂದು ಹೆಸರಿಸಲಾಯಿತು.

ಮತ್ತು ಇತ್ತೀಚೆಗೆ ಹಣಕಾಸು ಸುದ್ದಿವಾಹಿನಿ 24/7 ವಾಲ್ ಸ್ಟ್ರೀಟ್ ಒಂದು ವಿಶೇಷ ವರದಿಯಲ್ಲಿ ಯೋಗಿಯ ಆತ್ಮಕಥೆಯನ್ನು “20 ಸಾರ್ವಕಾಲಿಕ ಅತ್ಯಂತ ಜನಪ್ರಿಯ ಆತ್ಮಚರಿತ್ರೆ” ಗಳಲ್ಲಿ ಒಂದು ಎಂದು ಉಲ್ಲೇಖಿಸಿದೆ. ಹೆಲೆನ್ ಕೆಲ್ಲರ್ ಅವರ ದಿ ಸ್ಟೋರಿ ಆಫ್ ಮೈ ಲೈಫ್ ಮತ್ತು ನೆಲ್ಸನ್ ಮಂಡೇಲಾ ಅವರ ಲಾಂಗ್ ವಾಕ್ ಟು ಫ್ರೀಡಂನಂತಹ ಕೃತಿಗಳ ಜೊತೆಗೆ ಪ್ರದರ್ಶಿಸಲಾದ ಯೋಗಿಯ ಆತ್ಮಕಥೆ ಹಾಗೂ ಇತರ ಶೀರ್ಷಿಕೆಗಳ ಪಟ್ಟಿಯನ್ನು ಸುಮಾರು 900 ಆಯ್ದ ಸಂಗ್ರಹದಿಂದ ಆಯ್ಕೆ ಮಾಡಲಾಗಿತ್ತು.

“ಮಾನವ ಆತ್ಮದ ಶಕ್ತಿಯ ಆನಂದಕರ ದೃಢೀಕರಣ” ಎಂದು ಪರಿಗಣಿಸಲ್ಪಟ್ಟ (ವೆಸ್ಟ್ ಕೋಸ್ಟ್ ರಿವ್ಯೂ ಆಫ್ ಬುಕ್ಸ್) – ಧ್ಯಾನದ ಹೆಚ್ಚುತ್ತಿರುವ ಆಕರ್ಷಣೆ ಮತ್ತು ಬಾಹ್ಯ ಬದಲಾವಣೆಯ — ಹೆಚ್ಚಾಗಿ ಪ್ರಕ್ಷುಬ್ಧ ಬದಲಾವಣೆಯ ಹೊರತಾಗಿಯೂ ಆಧ್ಯಾತ್ಮಿಕ ಸಮತೋಲನ ಮತ್ತು ಆಂತರಿಕ ಶಾಂತಿಯನ್ನು ಕಂಡುಕೊಳ್ಳುವ ಆಸಕ್ತಿ ಇರುವವರಿಗೆ ಪರಮಹಂಸಜಿಯವರ ಜೀವನವನ್ನು ಪರಿವರ್ತಿಸುವ ಬೋಧನೆಗಳ ಸಾರ್ವಕಾಲಿಕ ಪ್ರಸ್ತುತತೆಯಿಂದಾಗಿ ಯೋಗಿಯ ಆತ್ಮಕಥೆಯ ಮೇಲಿನ ಆಸಕ್ತಿಯು ಇತ್ತೀಚಿನ ವರ್ಷಗಳಲ್ಲಿ ಸ್ಥಿರ ಏರಿಕೆಯನ್ನು ಅನುಭವಿಸಿದೆ.

ಹಲವು ವರ್ಷಗಳಿಂದ, ನೊಬೆಲ್ ಪ್ರಶಸ್ತಿ ವಿಜೇತ ಥಾಮಸ್ ಮಾನ್, ಆಪಲ್ ಸಂಸ್ಥಾಪಕ ಸ್ಟೀವ್ ಜಾಬ್ಸ್ (ಅವರ ಸ್ಮರಣಾರ್ಥ ಸೇವೆಗೆ ಹಾಜರಾಗುವ ಎಲ್ಲರಿಗೂ ಪುಸ್ತಕವನ್ನು ನೀಡಲು ವ್ಯವಸ್ಥೆ ಮಾಡಿದವರು), ಜನಪ್ರಿಯ ಸಂಗೀತಗಾರರಾದ ಜಾನ್ ಕೋಲ್ಟ್ರೇನ್ ಮತ್ತು ರವಿಶಂಕರ್, ಬೀಟಲ್ ಜಾರ್ಜ್ ಹ್ಯಾರಿಸನ್ ಮತ್ತು ಅಂತರರಾಷ್ಟ್ರೀಯ ಕ್ರಿಕೆಟ್ ತಾರೆ ವಿರಾಟ್ ಕೊಹ್ಲಿ ಸೇರಿದಂತೆ ಎಲ್ಲಾ ವರ್ಗದ ಓದುಗರನ್ನು ಈ ಪುಸ್ತಕವು ಆಕರ್ಷಿಸಿದೆ.