“ಈ ಜಗತ್ತಿನಲ್ಲಿ ಒಂದು ದಿವ್ಯ ಜೀವಿಯಾಗಿ ಬದುಕಲು ಆಧ್ಯಾತ್ಮಿಕ ವಿಧಿಗಳು ನನಗೆ ಹೇಗೆ ಸಹಾಯ ಮಾಡುತ್ತವೆ?” ಸ್ವಾಮಿ ಚಿದಾನಂದ ಗಿರಿಯವರಿಂದ

ನಮ್ಮ ಗುರು ಪರಮಹಂಸ ಯೋಗಾನಂದರು ಇದನ್ನು ದಶಾನುಶಾಸನಗಳ ಕುರಿತು ಹೇಳಿದ್ದಾರೆ — ಅದು, ಮತ್ತೆ, ಈ ಸಾರ್ವತ್ರಿಕ ನಿಯಮಗಳನ್ನು ವ್ಯವಸ್ಥಿತವಾಗಿ ನಿರೂಪಿಸುವ ಇನ್ನೊಂದು ವಿಧಾನವಷ್ಟೆ:

“ದಶಾನುಶಾಸನಗಳನ್ನು ಹೆಚ್ಚು ಯೋಗ್ಯವಾಗಿ ಸಂತೋಷದ ಹತ್ತು ನಿತ್ಯ ನಿಯಮಗಳು ಎಂದು ಹೆಸರಿಸಬಹುದಾಗಿತ್ತು. ‘ದೈವಾನುಶಾಸನ’ ವೆಂಬ ಶಬ್ದ ಒಂದು ವಿಷಾದಕರ ಆಯ್ಕೆ, ಏಕೆಂದರೆ ಯಾರೂ ಆದೇಶಿಸಲ್ಪಡಲು ಇಷ್ಟಪಡುವುದಿಲ್ಲ. ನೀವು ಒಂದು ಮಗುವಿಗೆ ಒಂದು ಕೆಲಸವನ್ನು ಮಾಡಬೇಡ ಎಂದು ಹೇಳಿದಾಕ್ಷಣ, ಅದು ತಕ್ಷಣ ಅದನ್ನು ಮಾಡಲು ಬಯಸುತ್ತದೆ….ಆದರೂ ದಶಾನುಶಾಸನದ ಉಲ್ಲಂಘನೆ ಈ ಭೂಮಿಯ ಮೇಲಿನ ಎಲ್ಲ ಕಡುಸಂಕಷ್ಟದ ಮೂಲ ಕಾರಣವಾಗಿದೆ.”

ಆಧುನಿಕ, ಸಮೂಹ-ಮಾಧ್ಯಮ-ಪ್ರೇರಿತವಾದ ಪ್ರಪಂಚ ನಮ್ಮ ಮೇಲೆ ಹೇರುವ ಪರಿಸ್ಥಿತಿಯಿಂದಾಗಿ, ಬಹಳಷ್ಟು ಜನರು, ಅವರು ಪರಿಗಣಿಸುವ “ಹಳೆಯ-ಕಾಲದ” ನೈತಿಕತೆಯ ಬಗ್ಗೆ ಒಂದು ನಕಾರಾತ್ಮಕ ಮನೋಭಾವವನ್ನು ಹೊಂದಿದ್ದಾರೆ.

ಆದರೂ, ಆಧ್ಯಾತ್ಮಿಕ ಮಾರ್ಗದ ಅನೇಕ ವಿಷಯಗಳಲ್ಲಿ ನಿಜವಾಗಿರುವ ಹಾಗೆ, ನಮ್ಮ ಗುರುಗಳು ನೈತಿಕತೆ ಎಂದರೆ ಯಾವುದೆಲ್ಲದರ ಬಗ್ಗೆ ಎಂಬ ಅರಿವನ್ನು ಆಮೂಲಾಗ್ರವಾಗಿ ಬದಲಾಯಿಸಿದರು. ಅವರು ಹೇಳಿದರು, ಸಾರಭೂತವಾಗಿ, ನಮ್ಮ ದಿವ್ಯ ಸಂಪರ್ಕವನ್ನು ಉಳಿಸಿಕೊಂಡು, ನಾವು ನಿಜವಾಗಿಯೂ ಯಾರು — ದಿವ್ಯ ಜೀವಿಗಳು — ಎಂಬ ಆ ಸಂಪರ್ಕವನ್ನು ಉಳಿಸಿಕೊಂಡು ಭೂಮಿಯ ಮೇಲೆ ಜೀವಿಸುವ ರೀತಿಯೇ ನೈತಿಕತೆ.