ಬದುಕಿನ ಸರಳ ಹಾಗೂ ಕೊನೆಯಿಲ್ಲದ ಆನಂದದ ಬಗ್ಗೆ ಪರಮಹಂಸ ಯೋಗಾನಂದರು

ನಿಮ್ಮ ಮನಸ್ಸು ವಿಪರೀತ ಚಟುವಟಿಕೆಗಳಲ್ಲಿ ತೊಡಗುವಂತೆ ಮಾಡಬೇಡಿ. ಅವುಗಳಿಂದ ನಿಮಗೆ ಏನು ಸಿಗುತ್ತದೆ ಎಂಬುದನ್ನು ವಿಶ್ಲೇಷಿಸಿ. ಮತ್ತು ಅವು ನಿಮಗೆ ಬಹಳ ಮುಖ್ಯವಾದಂತವುಗಳೇ ಎಂಬುದನ್ನು ನೋಡಿ. ನಿಮ್ಮ ಸಮಯವನ್ನು ಪೋಲು ಮಾಡಬೇಡಿ…ನಾನು ಪದೇ ಪದೇ ಹೇಳುತ್ತೇನೆ, “ನೀವು ಒಂದು ಗಂಟೆ ಓದಿದರೆ, ನಿಮ್ಮ ಆಧ್ಯಾತ್ಮಿಕ ದಿನಚರಿಯಲ್ಲಿ ಎರಡು ಗಂಟೆಗಳ ಕಾಲ ಬರೆಯಿರಿ, ಎರಡು ಗಂಟೆಗಳ ಕಾಲ ಬರೆದರೆ, ಮೂರು ಗಂಟೆಗಳ ಕಾಲ ಆಲೋಚಿಸಿ, ಮೂರು ಗಂಟೆಗಳ ಕಾಲ ಆಲೋಚಿಸಿದರೆ ಎಲ್ಲ ಸಮಯದಲ್ಲೂ ಧ್ಯಾನ ಮಾಡಿ.” ನಾನು ಎಲ್ಲೇ ಹೋದರೂ ಸಹ, ನನ್ನ ಮನಸ್ಸನ್ನು ನಿರಂತರವಾಗಿ ನನ್ನ ಆತ್ಮ-ಶಾಂತಿಯ ಮೇಲೆ ಇರಿಸುತ್ತೇನೆ. ನೀವೂ ನಿಮ್ಮ ಗಮನದ ದಿಕ್ಸೂಚಿಯನ್ನು ಸದಾ ಆಧ್ಯಾತ್ಮಿಕ ಆನಂದದ ಉತ್ತರ ಧ್ರುವದ ಕಡೆಗೆ ತಿರುಗಿಸಿರಬೇಕು. ಆಗ ಯಾರೂ ಕೂಡ ನಿಮ್ಮ ಸಮತೋಲನವನ್ನು ಎಂದೂ ಭಂಗಮಾಡಲಾರರು.