“ನಾನು ಮಾಡಬಲ್ಲೆ” ಪ್ರಜ್ಞೆಯಿಂದ ತಡೆಯೊಡ್ಡುವಂಥದ್ದನ್ನು ಜಯಿಸುವುದು — ಪರಮಹಂಸ ಯೋಗಾನಂದರಿಂದ

ಪರಿಚಯ: 

ಒಂದು ಯೋಗ್ಯ ಆಧ್ಯಾತ್ಮಿಕ ಅಥವಾ ಭೌತಿಕ ಉದ್ದೇಶವನ್ನು ಸಾಧಿಸಲು ಹೋಗಿ, ನಂತರ ಸ್ವಾಭಾವಿಕವಾಗಿ ಎದುರಾಗುವ ಅಡೆತಡೆಗಳು ಎದುರಾಗಿ, ನಿರುತ್ಸಾಹ ಅಥವಾ ಎದೆಗುಂದುವಂಥ ಯಾವುದಾದರೂ ಒಂದು ಕೆಲಸವನ್ನು ಮಾಡಲು ಎಂದಾದರೂ ನೀವು ಪ್ರಯತ್ನ ಮಾಡಿದ್ದೀರಾ?   

ಸರಿ, ಅದು ಮನುಷ್ಯನಾಗಿರುವುದರ ಒಂದು ಅಂಶ, ಆದರೆ ಪರಮಹಂಸ ಯೋಗಾನಂದರ ಬೋಧನೆಗಳು ಯಾವುದೇ ಅಥವಾ ಎಲ್ಲ ತಡೆಯೊಡ್ಡುವಂಥದ್ದನ್ನು ನಮ್ಮ ಇಚ್ಛಾ ಶಕ್ತಿಯಿಂದ ಪರ್ಯಾಪ್ತವಾದ ಒಂದು ಅಸಾಧಾರಣ ಮತ್ತು ನಿರ್ಭೀತ ದೃಢನಿರ್ಧಾರದಿಂದ ಬದಲಾಯಿಸಲು ನಮಗೆ ಅನುವು ಮಾಡಿಕೊಡುತ್ತವೆ. 

“ಒಂದು ಒಳ್ಳೆಯ, ಯುಕ್ತಾಯುಕ್ತವಾದ, ಸೃಜನಶೀಲ ಉದ್ದೇಶವನ್ನು ಆಯ್ಕೆ ಮಾಡಿಕೊಳ್ಳಿ. ನಂತರ ನೀವು ಅದನ್ನು ಸಾಧಿಸಿಯೇ ಸಾಧಿಸುತ್ತೀರಿ,” ಎಂಬ ದೃಢನಿರ್ಧಾರವನ್ನು ಮಾಡಿ. “ನೀವು ಎಷ್ಟೇ ಬಾರಿ ವಿಫಲರಾದರೂ ಪರವಾಗಿಲ್ಲ, ಪ್ರಯತ್ನವನ್ನು ಮುಂದುರಿಸುತ್ತಲೇ ಇರಿ. ಏನೇ ಅಗಲಿ, ‘ಭೂಮಿಯು ಚೂರು ಚೂರಾಗಬಹುದು, ಆದರೆ ನನ್ನ ಶಕ್ತಿ ಮೀರಿ ಮಾಡಬಲ್ಲದ್ದನ್ನು ನಾನು ಮಾಡುತ್ತಲೇ ಇರುತ್ತೇನೆ’ ಎಂದು ನೀವು ಬದಲಾಯಿಸಲಾಗದಂತೆ ಸ್ಥಿರಸಂಕಲ್ಪ ಮಾಡಿದ್ದಾಗ, ನೀವು ಜಯಶಾಲಿಯಾಗುತ್ತೀರಿ” ಎಂದು ಪರಮಹಂಸಜಿ ಹೇಳಿದ್ದಾರೆ.

ವಸ್ತುತಃ, ಯಾವುದೇ ಸುಳಿದಾಡುವ ಸಂದೇಹಗಳು ಅಥವಾ ತಾತ್ಕಾಲಿಕ ಉತ್ಸಾಹದ ಕೊರತೆಯಿದ್ದರೂ ಸಹ “ಆಗುವುದಿಲ್ಲ”ವನ್ನು “ಆಗುತ್ತದೆ” ಎಂದು ಬದಲಾಯಿಸಲು ಮತ್ತು ನಮ್ಮ ಪ್ರಜ್ಞೆ ಮತ್ತು ಪರಿಸ್ಥಿತಿಗಳನ್ನು ಮರುರೂಪಿಸಲು ನಮ್ಮಲ್ಲಿ ಶಕ್ತಿಯಿದೆ.    

ನಿಮ್ಮ ಜೀವನದಲ್ಲಿಯ ಒಂದು ಉದಾತ್ತ ಮಹತ್ತ್ವಾಕಾಂಕ್ಷೆಗಾಗಿ ನಿಮ್ಮ ಉತ್ಸಾಹದ ಜ್ವಾಲೆಯನ್ನು ಬೆಳಗಲು — ವಿಶೇಷವಾಗಿ ಆತ್ಮದ ಸರ್ವಾಭೀಷ್ಟಪೂರೈಕೆಯ ದಿವ್ಯತೆಯನ್ನು ನಿಮ್ಮೊಳಗೆ ನೀವು ಅರಿಯುವ ಅತ್ಯುನ್ನತ ಗುರಿಗಾಗಿ — ಈ ತಿಂಗಳ ವಾರ್ತಾಪತ್ರಿಕೆಯನ್ನು ನೀವು ಉಪಯೋಗಿಸಬಹುದು ಎಂದು ನಾವು ಭಾವಿಸುತ್ತೇವೆ.