ಪರಮಹಂಸ ಯೋಗಾನಂದರ
ಜನ್ಮೋತ್ಸವ ಸ್ಮರಣಾರ್ಥ ಕಾರ್ಯಕ್ರಮಗಳು

ಜನವರಿ 5ರಂದು ಆಚರಿಸಲ್ಪಡುವ ಜನ್ಮೋತ್ಸವವು, ನಮ್ಮ ಪ್ರೀತಿಯ ಗುರುದೇವರಾದ ಶ್ರೀ ಶ್ರೀ ಪರಮಹಂಸ ಯೋಗಾನಂದರ ಜನನದ ಪವಿತ್ರ ಸಂದರ್ಭವನ್ನು ಸೂಚಿಸುತ್ತದೆ. 1893 ರಲ್ಲಿ ಗೋರಖ್‌ಪುರದಲ್ಲಿ, ಬಂಗಾಳಿ ಧಾರ್ಮಿಕ ಕುಟುಂಬದಲ್ಲಿ ಮುಕುಂದ ಲಾಲ್ ಘೋಷ್ ಎಂಬ ಹೆಸರಿನಲ್ಲಿ ಜನಿಸಿದ ಯೋಗಾನಂದಜಿಯವರು, 1917 ರಲ್ಲಿ ಯೋಗದಾ ಸತ್ಸಂಗ ಸೊಸೈಟಿ (ವೈಎಸ್‌ಎಸ್‌) ಯನ್ನು ಸ್ಥಾಪಿಸುವ ಮೂಲಕ ತಮ್ಮ ಜೀವನದ ಕಾರ್ಯವನ್ನು ಪ್ರಾರಂಭಿಸಿದರು. ಇದರ ಉದ್ದೇಶವು ಭಾರತ ಮತ್ತು ನೆರೆಹೊರೆಯ ದೇಶಗಳಲ್ಲಿ, ಸಾವಿರಾರು ವರ್ಷಗಳ ಹಿಂದೆಯೇ ಭಾರತದಲ್ಲಿ ಉದಯಿಸಿದ ಪವಿತ್ರ ಆಧ್ಯಾತ್ಮಿಕ ವಿಜ್ಞಾನವಾದ ಕ್ರಿಯಾ ಯೋಗದ ಸಾರ್ವತ್ರಿಕ ಬೋಧನೆಗಳನ್ನು ಪ್ರಸಾರಮಾಡುವುದಾಗಿತ್ತು.

ನಮ್ಮ ಪ್ರೀತಿಯ ಗುರುದೇವರು ಪರಮಹಂಸ ಯೋಗಾನಂದಜಿಯವರ ಜೀವನ ಪರಿವರ್ತಕ ಕ್ರಿಯಾ ಯೋಗ ಬೋಧನೆಗಳಿಗೆ ಕೃತಜ್ಞತಾಪೂರ್ವಕವಾಗಿ, ಈ ವರ್ಷ ಅವರ ಜನ್ಮೋತ್ಸವವನ್ನು ಎರಡು ವಿಶೇಷ ಆನ್‌ಲೈನ್ ಕಾರ್ಯಕ್ರಮಗಳ ಮೂಲಕ ಸ್ಮರಿಸಲಾಯಿತು.