భగవంతుడి పట్ల ప్రేమ మరియు మానవాళికి సేవ అనే ఆదర్శాలు పరమహంస యోగానందగారి జీవితంలో సంపూర్ణంగా వ్యక్తమయ్యాయి. తూర్పు మరియు పశ్చిమ దేశాలను ఆధ్యాత్మికంగా ఏకం చేసేందుకు మరియు అందరి హృదయాల్లో దైవ తృష్ణను జాగృతం చేసేందుకే ఆయన భూమిపై అవతరించారు. తమ పద్ధతుల్లో ఆయన ఆచరణాత్మకంగా ఉండేవారు; ఆయన బోధనలు మరియు జీవితం నిజమైన దైవభక్తుని జ్ఞానానికి ప్రతిబింబాలు. “ఆరోగ్యకరమైన శరీరంలో ఆరోగ్యవంతమైన మనస్సు” అనే సూత్రాన్ని ఆయన ఒక అడుగు ముందుకు తీసుకువెళ్లారు; శాశ్వతానందాన్ని పొందేందుకు పరమాత్మతో సచేతన ఆత్మ సంసర్గం యొక్క అవసరాన్ని ఆయన నొక్కి చెప్పారు.
— Paramahansa Yogananda: In Memoriam నుండి సంగ్రహించబడింది
జనవరి 5వ తేదీన జరుపుకునే జన్మోత్సవం, మన ప్రియతమ గురుదేవులు శ్రీ శ్రీ పరమహంస యోగానందగారి పవిత్ర జన్మదిన సందర్భాన్ని సూచిస్తుంది. 1893లో గోరఖ్పూర్లోని ఒక భక్తియుత బెంగాలీ కుటుంబంలో ముకుంద లాల్ ఘోష్ గా జన్మించిన యోగానందగారు, భారతదేశంలో కొన్ని యుగాల క్రితం ఉద్భవించిన పవిత్ర ఆధ్యాత్మిక శాస్త్రమైన క్రియాయోగం యొక్క సార్వజనీన బోధనలను భారతదేశంలోను మరియు పొరుగున ఉన్న దేశాలలోను అందించేందుకు 1917లో యోగదా సత్సంగ సొసైటీ ఆఫ్ ఇండియా (వై.ఎస్.ఎస్.) ను స్థాపించడంతో తన జీవిత కార్యాన్ని ప్రారంభించారు.
మన ప్రియతమ గురుదేవులు పరమహంస యోగానందగారు అందించిన జీవన-పరివర్తనకారక క్రియాయోగ బోధనలకు కృతజ్ఞతగా, వారి జన్మోత్సవాన్ని ఈ సంవత్సరం రెండు ప్రత్యేక ఆన్లైన్ కార్యక్రమాలతో జరుపుకున్నాం.
జన్మోత్సవ ఆరు-గంటల ధ్యానం
ఆదివారం, జనవరి 4, 2026
ఉదయం 9:40 – మధ్యాహ్నం 4:00 (భారతీయ కాలమానం) వరకు
జనవరి 4, ఆదివారం నాడు ఒక ప్రత్యేక స్మారకోత్సవ ఆరు-గంటల ధ్యానం వై.ఎస్.ఎస్. సన్యాసులచే నిర్వహించబడింది. ఆధ్యాత్మికోన్నతి కలిగించే ఈ కార్యక్రమం వై.ఎస్.ఎస్. రాంచీ ఆశ్రమం నుండి ప్రత్యక్ష ప్రసారం చేయబడింది; ఇందులో నియమిత సమయంపాటు కీర్తన గానం, స్ఫూర్తిదాయక పఠనాలు, మరియు ధ్యానం కూడి ఉన్నాయి.
జన్మోత్సవ స్మారక ధ్యానం మరియు ప్రసంగం
సోమవారం, జనవరి 5, 2026
ఉదయం 6:30 – ఉదయం 8:30 (భారతీయ కాలమానం) వరకు
ఈ కార్యక్రమంలో నియమిత సమయంపాటు కీర్తన గానం, మరియు ధ్యానం, ఆ తరువాత సద్గురువు యొక్క మార్గదర్శకత్వం మరియు వారి ఆత్మ-విముక్తిని కలిగించే బోధనలను పొందడం ద్వారా లభించే ఆధ్యాత్మిక ఆశీస్సుల గురించి ఒక వై.ఎస్.ఎస్. సన్యాసి స్ఫూర్తిదాయకంగా ప్రసంగించారు.
ఈ సందర్భంగా, వై.ఎస్.ఎస్. ఆశ్రమాలు, కేంద్రాలు మరియు మండళ్ళు కూడా వ్యక్తిగతంగా పాల్గొనే స్మారకోత్సవ కార్యక్రమాలను భక్తి, గౌరవభావాలతో నిర్వహించాయి. మీకు దగ్గరలోని ప్రాంతాన్ని తెలుసుకొనేందుకు దయచేసి ఇక్కడ క్లిక్ చేయండి.
భారతదేశానికి మరియు ప్రపంచానికి క్రియాయోగం యొక్క జీవిత-పరివర్తనకారక బోధనలను అందించిన మన ప్రియతమ పరమహంసగారికి హృదయపూర్వకమైన కృతజ్ఞతలు తెలియజేసే ప్రత్యేకమైన అవకాశాన్ని ఈ పవిత్రమైన రోజు గురుదేవుల భక్తులకు అందిస్తుంది.
మీరు ప్రణామి సమర్పించాలనుకుంటే, క్రింద ఉన్న లింక్ ద్వారా సమర్పించవచ్చు.
