ವೈಎಸ್ಎಸ್ ಆಶ್ರಮಗಳಲ್ಲಿ 2026ರ ಎಸ್‌ಆರ್‌ಎಫ್‌ ವಿಶ್ವ
ಮಹಾಸಮ್ಮೇಳನದ ಪ್ರದರ್ಶನ

ವಾಸ್ತವ್ಯದ ಅವಧಿ:

• ಎಲ್ಲಾ ಭಕ್ತಾದಿಗಳಿಗೆ ಮೂರು ಹೆಚ್ಚುವರಿ ದಿನಗಳು ತಂಗಲು ಅವಕಾಶವಿರುತ್ತದೆ – ಅವರು ಕಾರ್ಯಕ್ರಮಕ್ಕೆ ಎರಡು ದಿನ ಮುಂಚಿತವಾಗಿ ಬರಬಹುದು, ಮತ್ತು ಕಾರ್ಯಕ್ರಮ ಮುಗಿದ ನಂತರ ಒಂದು ಹೆಚ್ಚುವರಿ ದಿನ ಉಳಿದುಕೊಳ್ಳಬಹುದು.
• ಗುರೂಜಿಯವರ ಆಶ್ರಮದಲ್ಲಿ ನಿರಂತರವಾಗಿ ಹತ್ತು ದಿನಗಳನ್ನು ಕಳೆಯುವುದರಿಂದ, ಭಕ್ತರು ವಿಶ್ರಾಂತಿ, ಮನಸ್ಸಿನ ನೆಮ್ಮದಿ ಮತ್ತು ಆಧ್ಯಾತ್ಮಿಕ ಪುನಶ್ಚೇತನಕ್ಕಾಗಿ ಸಾಕಷ್ಟು ಸಮಯವನ್ನು ಪಡೆಯುತ್ತಾರೆ. ನಿಮ್ಮ ಆಗಮನ ಮತ್ತು ನಿರ್ಗಮನವನ್ನು ಅದಕ್ಕೆ ಅನುಗುಣವಾಗಿ ಯೋಜಿಸಬಹುದು.

ವಸತಿ:

• ಮಹಿಳೆಯರು ಮತ್ತು ಪುರುಷರಿಗೆ ಪ್ರತ್ಯೇಕ ವಸತಿಯ ವ್ಯವಸ್ಥೆ ಇರುತ್ತದೆ. ಕುಟುಂಬ ಸದಸ್ಯರು ದಯವಿಟ್ಟು ಇದಕ್ಕೆ ಅನುಗುಣವಾಗಿ ತಮ್ಮ ಯೋಜನೆಗಳನ್ನು ರೂಪಿಸಿ ಹಾಗೂ ಅಗತ್ಯ ಸಾಮಾನುಗಳನ್ನು ಸಿದ್ಧಪಡಿಸಿಕೊಳ್ಳಿ.
• ವಸತಿ ಅಥವಾ ಆಹಾರಕ್ಕೆ ವಿಶೇಷ ವ್ಯವಸ್ಥೆಗಳ ಅಗತ್ಯವಿರುವ ಭಕ್ತರು ದಯವಿಟ್ಟು ತಮ್ಮದೇ ಆದ ವ್ಯವಸ್ಥೆಗಳನ್ನು ಮಾಡಿಕೊಳ್ಳಬಹುದು.

ಮೊದಲು ಬಂದವರಿಗೆ ಮೊದಲು ಅವಕಾಶ:

• ನಾಲ್ಕೂ ಸ್ಥಳಗಳಲ್ಲಿ ವಸತಿ ಸೌಕರ್ಯಗಳು ಸೀಮಿತವಾಗಿರುವುದರಿಂದ, ಮೊದಲು ಬಂದವರಿಗೆ ಆದ್ಯತೆಯ ಮೇಲೆ ಕಾಯ್ದಿರಿಸುವಿಕೆಗಳನ್ನು ಖಚಿತಪಡಿಸಲಾಗುವುದು.
• ನಿಮ್ಮ ಕಾಯ್ದಿರಿಸುವಿಕೆ ದೃಢಪಟ್ಟಿದ್ದರೂ ಸಹ ನೀವು ಹಾಜರಾಗಲು ಸಾಧ್ಯವಾಗದಿದ್ದಲ್ಲಿ, ಕಾಯ್ದಿರಿಸುವಿಕೆ ಶುಲ್ಕವನ್ನು ಹಿಂದಿರುಗಿಸಲಾಗುವುದಿಲ್ಲ ಅಥವಾ ಮತ್ತೊಬ್ಬರಿಗೆ ವರ್ಗಾಯಿಸಲಾಗುವುದಿಲ್ಲ.

ಪ್ರತಿಬಾರಿಯಂತೆ, ಭಕ್ತ-ಸ್ವಯಂಸೇವಕರ ಸೇವೆಯು ಕಾಯ್ದಿರಿಸುವಿಕೆ ವಿಭಾಗ, ವಸತಿ, ಧ್ವನಿ-ದೃಶ್ಯ ವ್ಯವಸ್ಥೆ, ಭೋಜನ, ನೈರ್ಮಲ್ಯ, ಮಾರ್ಗದರ್ಶನ ಹಾಗೂ ಇತರ ವಿಭಾಗಗಳಲ್ಲಿ ಅಗತ್ಯವಿರುತ್ತದೆ. ಇವುಗಳಲ್ಲಿ ಕೆಲವು ವಿಭಾಗಗಳಿಗೆ ಕಾರ್ಯಕ್ರಮ ಪ್ರಾರಂಭವಾಗುವ ಒಂದು ಅಥವಾ ಎರಡು ದಿನಗಳ ಮುಂಚೆಯೇ ಕೆಲವು ಸ್ವಯಂಸೇವಕರ ಅಗತ್ಯವಿರುತ್ತದೆ. ನೀವು ಸ್ವಯಂಸೇವಕರಾಗಿ ಸೇವೆ ಸಲ್ಲಿಸಲು ಇಚ್ಛಿಸಿದರೆ, ದಯವಿಟ್ಟು ಕಾಯ್ದಿರಿಸುವಿಕೆ ಅರ್ಜಿಯಲ್ಲಿ ಅದನ್ನು ಸೂಚಿಸಿ.