ನನ್ನ ಸರ್ವಸ್ವವನ್ನು ನನ್ನ ಗುರುವಾದ ಸ್ವಾಮಿ ಶ್ರೀ ಯುಕ್ತೇಶ್ವರರಿಗೆ ಅರ್ಪಿಸಿದ್ದೇನೆ; ಅವರು ಸಕಲ ವಿಧದಲ್ಲಿಯೂ ಒಬ್ಬ ಮಹಾಗುರುಗಳಾಗಿದ್ದರು. ಅವರ ವಿವೇಕವನ್ನು ಅನುಸರಿಸಿದ ಕಾರಣದಿಂದಲೇ ನಾನು ನನ್ನ ಧ್ಯೇಯವನ್ನು ಯಶಸ್ವಿಯಾಗಿ ಪೂರೈಸಲು ಸಾಧ್ಯವಾಯಿತು….
— ಪರಮಹಂಸ ಯೋಗಾನಂದ
ಮೇ 10 ರಂದು, ನಾವು ಪರಮಹಂಸ ಯೋಗಾನಂದರ ಗುರುಗಳಾದ ಮತ್ತು ವೈಎಸ್ಎಸ್/ಎಸ್ಆರ್ಎಫ್ ಭಕ್ತರ ಪರಮಗುರುಗಳಾದ ಸ್ವಾಮಿ ಶ್ರೀ ಯುಕ್ತೇಶ್ವರರ ಆವಿರ್ಭಾವ ದಿವಸವನ್ನು (ಜನ್ಮ ವಾರ್ಷಿಕೋತ್ಸವ) ಆಚರಿಸುತ್ತೇವೆ. ಅವರನ್ನು ಜ್ಞಾನಾವತಾರ ಅಂದರೆ “ಜ್ಞಾನದ ಅವತಾರ” ಎಂದು ಪೂಜ್ಯಭಾವದಿಂದ ಕಾಣಲಾಗುತ್ತದೆ.
ಈ ಪವಿತ್ರ ಸಂದರ್ಭವನ್ನು ಸ್ಮರಿಸಲು ಮೇ ತಿಂಗಳಲ್ಲಿ ಆಯೋಜಿಸಲಾದ ಎರಡು ವಿಶೇಷ ಕಾರ್ಯಕ್ರಮಗಳಲ್ಲಿ ನಮ್ಮೊಂದಿಗೆ ಸೇರಿಕೊಳ್ಳಲು ನಿಮ್ಮನ್ನು ಆದರದಿಂದ ಸ್ವಾಗತಿಸುತ್ತೇವೆ.
- ಭಾನುವಾರ, ಮೇ 3: ಸ್ಮರಣಾರ್ಥ ಮೂರು-ಗಂಟೆಗಳ ಧ್ಯಾನ
- ಭಾನುವಾರ, ಮೇ 10: ಸ್ಮರಣಾರ್ಥ ಧ್ಯಾನ
ಪೂಜ್ಯ ಸ್ವಾಮಿ ಶ್ರೀ ಯುಕ್ತೇಶ್ವರ್ ಗಿರಿ ಅವರ ಗೌರವಾರ್ಥವಾಗಿ
ಮೂರು-ಗಂಟೆಗಳ ಸ್ಮರಣಾರ್ಥ ಧ್ಯಾನ
ಭಾನುವಾರ, ಮೇ 3, 2026
ಬೆಳಿಗ್ಗೆ 6:10 – 9:30 ರ ವರೆಗೆ (ಭಾರತೀಯ ಕಾಲಮಾನ)
ಮೇ 3 ರಂದು, ಯೋಗದಾ ಸತ್ಸಂಗದ ಸನ್ಯಾಸಿಯೊಬ್ಬರು ನಡೆಸಿಕೊಡುವ ಮೂರು ಗಂಟೆಗಳ ಆನ್ಲೈನ್ ಧ್ಯಾನದೊಂದಿಗೆ ನಾವು ಸ್ವಾಮಿ ಶ್ರೀ ಯುಕ್ತೇಶ್ವರಜಿಯವರಿಗೆ ಗೌರವ ಸಲ್ಲಿಸುವೆವು. ಈ ಕಾರ್ಯಕ್ರಮವು ಕೀರ್ತನೆ, ಧ್ಯಾನ ಮತ್ತು ಪ್ರೇರಣಾದಾಯಕ ವಾಚನಗಳ ಅವಧಿಗಳನ್ನು ಒಳಗೊಂಡಿರುತ್ತದೆ.
ದಯವಿಟ್ಟು ಗಮನಿಸಿ: ಈ ಕಾರ್ಯಕ್ರಮವು ಮಂಗಳವಾರ, ಮೇ 5, ರಾತ್ರಿ 10 ಗಂಟೆಯವರೆಗೆ (ಭಾರತೀಯ ಕಾಲಮಾನ) ವೀಕ್ಷಿಸಲು ಲಭ್ಯವಿರುತ್ತದೆ.
ಸ್ವಾಮಿ ಶ್ರೀ ಯುಕ್ತೇಶ್ವರ ಗಿರಿಯವರ ಆವಿರ್ಭಾವ
ದಿವಸದ ಸ್ಮರಣಾರ್ಥ ಧ್ಯಾನ
ಭಾನುವಾರ, ಮೇ 10, 2026
ಬೆಳಗ್ಗೆ 6:30 – 8:00 ರ ವರೆಗೆ (ಭಾರತೀಯ ಕಾಲಮಾನ)
ಮೇ 10 ರಂದು ಸ್ವಾಮಿ ಶ್ರೀ ಯುಕ್ತೇಶ್ವರಜಿ ಅವರ ಆವಿರ್ಭಾವ ದಿವಸದಂದು, ವೈಎಸ್ಎಸ್ ಸನ್ಯಾಸಿಯೊಬ್ಬರಿಂದ ನಡೆಸಲ್ಪಡುವ ಆನ್ಲೈನ್ ಸ್ಮರಣಾರ್ಥ ಧ್ಯಾನದೊಂದಿಗೆ ನಾವು ಆ ಮಹಾನ್ ಜ್ಞಾನಾವತಾರರನ್ನು ಗೌರವಿಸುತ್ತೇವೆ.
ದಯವಿಟ್ಟು ಗಮನಿಸಿ: ಈ ಕಾರ್ಯಕ್ರಮವು ಮೇ 11, ಸೋಮವಾರ, ರಾತ್ರಿ 10 ಗಂಟೆಯವರೆಗೆ (ಭಾರತೀಯ ಕಾಲಮಾನ) ವೀಕ್ಷಣೆಗೆ ಲಭ್ಯವಿರುತ್ತದೆ.
ಈ ಸ್ಮರಣಾರ್ಥ ಧ್ಯಾನ ಕಾರ್ಯಕ್ರಮಗಳಲ್ಲಿ ಭಾಗವಹಿಸಲು ಎಲ್ಲರನ್ನೂ ಸ್ವಾಗತಿಸುತ್ತೇವೆ.
ಈ ವಿಶೇಷ ಸಂದರ್ಭವನ್ನು ಯೋಗದಾ ಸತ್ಸಂಗ ಸೊಸೈಟಿಯ ಆಶ್ರಮಗಳು, ಕೇಂದ್ರಗಳು ಮತ್ತು ಮಂಡಳಿಗಳಾದ್ಯಂತ ವೈಯಕ್ತಿಕ ಧ್ಯಾನ ಕಾರ್ಯಕ್ರಮಗಳೊಂದಿಗೆ ಸಹ ಆಚರಿಸಲಾಗುವುದು. ಈ ಕಾರ್ಯಕ್ರಮಗಳ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ಮತ್ತು ಭಾಗವಹಿಸಲು, ದಯವಿಟ್ಟು ನಿಮ್ಮ ಸಮೀಪದ ಧ್ಯಾನ ಕೇಂದ್ರವನ್ನು ಸಂಪರ್ಕಿಸಿ.
ಈ ಪವಿತ್ರ ಸಂದರ್ಭದಲ್ಲಿ, ವೈಎಸ್ಎಸ್/ಎಸ್ಆರ್ಎಫ್ ಗುರು ಪರಂಪರೆಯಿಂದ ನಮಗೆ ತಲುಪಿದ ಕ್ರಿಯಾ ಯೋಗ ಮಾರ್ಗದ ಆಶೀರ್ವಾದಕ್ಕಾಗಿ ಭಕ್ತಾದಿಗಳು ಪ್ರಣಾಮಿ ಅರ್ಪಿಸುವ ಮೂಲಕ ತಮ್ಮ ಕೃತಜ್ಞತೆಯನ್ನು ವ್ಯಕ್ತಪಡಿಸುತ್ತಾರೆ.
ಈ ಆತ್ಮೋದ್ಧಾರಕ ಬೋಧನೆಗಳನ್ನು ಪ್ರಾಮಾಣಿಕ ಸಾಧಕರಿಗೆ ತಲುಪಿಸುವ ವೈಎಸ್ಎಸ್ನ ಕಾರ್ಯಕ್ಕೆ ನೀವು ಕೊಡುಗೆ ನೀಡಲು ಇಚ್ಛಿಸಿದರೆ, ಕೆಳಗೆ ನೀಡಿರುವ ಕೊಂಡಿಯ ಮೂಲಕ ಹಾಗೆ ಮಾಡಲು ನಾವು ನಿಮ್ಮನ್ನು ಆಹ್ವಾನಿಸುತ್ತೇವೆ.
