சேவை வாய்ப்புகள்

ஜாப் கோட்: J22
இடம்: ராஞ்சி
துறை: YSS உதவி மையம்
பொது பதவி(கள்) எண்ணிக்கை: 1
பணி: முழு நேரம்

பதவி குறித்த விளக்கம்:
உதவித் திட்ட மேலாளர் தன்னார்வலர்கள், செயல்முறைகள் மற்றும் அமைப்புகளை இணக்கத்துடன் நிர்வகிப்பதன் மூலம் “அன்பான சேவை மற்றும் சரியான தீர்வுகளை சரியான நேரத்தில்” வழங்குவதற்குப் பொறுப்பு வகிக்கிறார். சிக்கல்களைத் தீர்ப்பதற்கும், சேவை மற்றும் செயல்திறனை மேம்படுத்துவதற்கான வாய்ப்புகளை அடையாளம் காண்பதற்கும் அவர் உதவி மையத்தின் அனைத்து செயல்முறைகள் மற்றும் அமைப்புகள் (பயிற்சி அளிக்கப்படும்) பற்றிய வேலைப் புரிதலுடன் இருக்க வேண்டும்.

சிறந்த பணியாளர், வழங்கப்படும் ஆதரவின் தன்மை, தன்னார்வலர்கள், பயன்படுத்தப்படும் அமைப்புகள், சவால்கள்/முக்கிய பணிகள் மற்றும் பங்காற்றுகிறவர்கள் ஆகியவற்றை முழுமையாகப் புரிந்துகொள்வதற்குப் போதுமான நேரத்தை ஒதுக்குவார். பக்தர்களுக்கு வழங்கப்படும் சேவையின் தரத்தை தொடர்ந்து மேம்படுத்த அவர் வெளிப்படையாகவும், மற்ற தன்னார்வலர்களுடன் ஒத்துழைப்புடனும் செயல்படுவார்.

இந்த பணியின் முக்கிய செயல்பாடுகள்:

• தளத்தில் மற்றும் தொலைதூரத்திலிருந்து பணியாற்றும் தன்னார்வலர்களுக்கு சேவை மற்றும் ஆள்சேர்ப்புத் தரநிலைகளை நிர்ணயிக்க, துறைப் பொறுப்பாளருடன் இணைந்து பணியாற்றுதல்
• தேவையான தகுதி வாய்ந்த தன்னார்வலர்களைத் தேர்ந்தெடுத்தல் மற்றும் பணியமர்த்தும் பணிகளை மேற்பார்வையிடுதல்
• தன்னார்வலர்கள் “அன்பான சேவையையும், சரியான தீர்வுகளையும் உரிய நேரத்தில்” வழங்கத் தகுதியுற்றவர்களாக இருப்பதை உறுதிசெய்யும் வகையில், ஈர்ப்புமிக்க மற்றும் அனுபவபூர்வமான ஒரு பயிற்சிச் செயல்முறையை கட்டமைத்து ஒருங்கிணைத்தல்
• தொலைபேசி மற்றும் மின்னஞ்சல் தளங்களில் சேவையின் தரத்தை கண்காணித்து மேம்படுத்த வேண்டிய குறிப்பிட்ட பகுதிகளை அடையாளம் காணுதல்
• சரியான நேரத்தில் மற்றும் துரித சேவையை உறுதிசெய்ய, தொலைபேசி மற்றும் மின்னஞ்சல் பரிவர்த்தனைத் தரவுகளைப் பகுத்தறிதல்
• ஒட்டுமொத்த தரம், செயல்திறன் மற்றும் சேவைத் தரங்களை மேம்படுத்துவதற்கான வியூக ரீதியான முயற்சிகளை மேற்கொள்ளுதல்
• சன்னியாசிகளுடனும் ஆசிரமத்தின் பிற துறைகளுடனும் இணைந்து செயல்பட்டு, பக்தர்களுக்குச் சிறந்த சேவை கிடைப்பதையும், எழும் சிக்கல்கள் திறம்பட வெளிக்கொணரப்படுவதையும் உறுதிசெய்தல்
• “அன்பான சேவையையும், சரியான தீர்வுகளையும் உரிய நேரத்தில் வழங்குதல்” என்ற குறிக்கோளை எய்துவதற்கு, பணியமர்த்தல், பயிற்சி அளித்தல், திட்டமிடல் மற்றும் கண்காணித்தல் உள்ளிட்ட உள் செயல்பாடுகளை மேற்பார்வையிடும் செயல்பாட்டு நிபுணர்கள் குழுவை வழிநடத்துதல்
• ஆலோசகர்கள், உதவியாளர்கள் மற்றும் பயிற்சியாளர்கள் செயல்பாட்டுப் பொறுப்பாளர்கள் தங்களுக்குரிய பணிகளைத் திறம்பட நிர்வகிப்பதற்கான திறனை விருத்தி செய்வித்தல்
• தனிப்பட்ட மற்றும் குழு சந்திப்புகள் மூலம், துடிப்பான, ஈடுபாடுமிக்க மற்றும் அர்ப்பணிப்புள்ள தன்னார்வலர் குழுவை உருவாக்குதல், அதிக பொறுப்புக்களை ஏற்கத் தயாராக உள்ளவர்களை அடையாளம் காணுதல்
• உதவி மையத்தில் முக்கிய முடிவு எடுப்பவராக பணியாற்றுவது மற்றும் சிக்கலான வினவல்கள், தீவிர நிலைமைகள் போன்றவற்றுக்குத் தீர்வு காணுதல்

தகுதிகள்:

• கல்வி மற்றும் அனுபவம்:
  • முதுகலைப் பட்டம்
  • தொலைதூரக் குழுக்களை நிர்வகிப்பதில் நிரூபிக்கப்பட்ட அனுபவம். (YSS-க்குள் இந்த அனுபவம் பெற்றவர்களுக்கு முன்னுரிமை வழங்கப்படும்; இது தனிப்பட்ட பங்களிப்பாளர் பணி அல்ல)
  • உலகத்தரம் வாய்ந்த சேவை வழங்கலுக்குப் பெயர் பெற்ற நிறுவனங்களில் — வாடிக்கையாளர் சேவை, தொழில்நுட்ப ஆதரவு, கால் சென்டர் செயல்பாடுகள் (விற்பனை அனுபவமும் கணக்கில் கொள்ளப்படும்) போன்ற பணிகளில் — பணியாற்றிய பின்னணி
  • தரநிலைகளை நிர்ணயித்தல், பயிற்சி, பணியிட வழிகாட்டுதல் மற்றும் செயல்திறன் கண்காணிப்பு உள்ளிட்ட சேவை தரத்திற்கான பொறுப்புணர்வு
  • மற்றவர்களுக்கு மென்திறன்கள் மற்றும் தொழில்நுட்பத் துறைகள் இரண்டிலும் பயிற்சி அளித்து, திறன் மேம்படுத்துவதில் அனுபவம்
  • SOPs மற்றும் செயல்முறை ஆவணங்களை உருவாக்குவதற்கான நிரூபிக்கப்பட்ட திறன்
  • சிறந்த திட்ட மேலாண்மைத் திறன்கள் — விரும்பிய விளைவுகளை எய்தும் வகையில், செயல்பாடுகளை முன்மொழியவும், திட்டமிடவும், செயல்படுத்தவும், கண்காணிக்கவும் மற்றும் தொடர்ச்சியாக மேம்படுத்தவும் வல்லமை பெற்றிருத்தல்
• திறன்கள் மற்றும் திறமைகள்:
  • பக்தி மற்றும் பணி மேன்மையின் இணக்கமான சமநிலையுடன், கிழக்கு மற்றும் மேற்கு நாடுகளின் மிகச்சிறந்த பண்புகளைப் கொண்டிருத்தல் — வலுவான மென்திறன்கள் மற்றும் தொழில்நுட்பக் கூரறிவின் ஒருங்கிணைப்பு
  • நன்கு வடிவமைக்கப்பட்ட, திறமையான செயல்முறைகள் மூலம் (பரிபூரணவாதியாக இல்லாமல் தீர்வு சார்ந்தவராக) மிக உயர்ந்த தரமான அனுபவத்தை பக்தர்களுக்கு வழங்குவதில் கவனம் செலுத்தி சேவை மற்றும் செயல்முறை மேன்மைக்கு அர்ப்பணிப்புடன் செயல்படுதல்
  • வலுவான பகுத்தறிதல் மற்றும் சிக்கல் தீர்க்கும் மனப்பாங்கு — அவர்கள் கோணத்தில் சிந்தித்துச் செயல்படவும், அமைப்புகளிலும் மனித ஆற்றலிலும் உள்ள காரண-காரியத் தொடர்புகளை அடையாளம் காணவும், மூல காரணங்களைக் கண்டறியும் திறனையும் கொண்டிருத்தல்
  • தொழில்நுட்பத்தில் தேர்ச்சி மற்றும் ஜூம், கூகுள் வொர்க்ஸ்பேஸ் போன்ற டிஜிட்டல் கருவிகள் மற்றும் தளங்களைப் பயன்படுத்துவதில் பரிச்சயம்; அதுபோன்ற தளங்களின் அணுகல் கட்டுப்பாடுகள் மற்றும் உலகளாவிய அமைப்புகளை நிர்வகிப்பதில் அனுபவம் வாய்ந்தவராயிருத்தல்
  • EPABX போன்ற தொலைபேசி மற்றும் மின்னஞ்சல் அமைப்புகளில் அறிமுகம். (டிக்கெட்டிங் அமைப்புகளில் அனுபவம் விரும்பத்தக்கது, ஆனால் கட்டாயமில்லை)
    மனித உறவுகளை இணக்கத்துடன் கையாளுவதிலும், மற்றவர்களுக்கு ஊக்கமளிப்பதிலும், முரண்பாடுகளை மரியாதையுடன் தீர்த்து வைப்பதிலும் வல்லமை
  • சிறந்த தகவல் தொடர்பாளராகவும் – கூர்ந்து கவனிப்பவராகவும் மற்றும் தெளிவான பதில்கள் அளிப்பவராகவும்; ஆங்கிலம் மற்றும் இந்தி ஆகிய இரு மொழிகளிலும் பேசுவதிலும் எழுதுவதிலும் வல்லவராகவும் இருத்தல்
  • தனிநபர்களின் திறமையை இனங்கண்டு, மற்றவர்களிடம் உள்ள சிறந்தவற்றை வெளிக்கொணர்ந்து, வளர்ச்சிக்கு வழிகாட்டக் கூடிய திறன்
  • கற்றல், புதிய சவால்களை ஏற்றுக்கொள்ளுதல் மற்றும் தற்கால சிந்தனை மற்றும் அமைப்புகளைப் பயன்படுத்தி புதுமைகளை படைக்கும் திறன் கொண்ட ஒரு ‘உன்னதமான புதிய’ மனநிலை