ಧ್ಯಾನವು ಶಾಂತಿ, ಸಂತೋಷ ಮತ್ತು ತೃಪ್ತಿಯ ಆಧ್ಯಾತ್ಮಿಕ ಸಂಪತ್ತನ್ನು ಬಿಡುಗಡೆ ಮಾಡಿ ದಿವ್ಯಾನಂದಕ್ಕೆ ಪವಿತ್ರ ದ್ವಾರವನ್ನು ಒದಗಿಸುತ್ತದೆ. ಈ ಆಂತರಿಕ ಸಮೃದ್ಧಿಗೆ ನಾವು ಜಾಗೃತರಾದಾಗ, ಅದರ ಪರಿಣಾಮಗಳು ಸ್ವಾಭಾವಿಕವಾಗಿ ಹೊರಕ್ಕೆ ಹರಿಯುತ್ತವೆ, ಅವು ದೈಹಿಕ, ಮಾನಸಿಕ ಮತ್ತು ಲೌಕಿಕ ಯೋಗಕ್ಷೇಮಗಳೂ ಸೇರಿದಂತೆ ನಮ್ಮ ಜೀವನದ ಪ್ರತಿಯೊಂದು ಅಂಶವನ್ನು ಶ್ರೀಮಂತಗೊಳಿಸುತ್ತವೆ.

ಈ ಜ್ಞಾನದಾಯಕ ಭಾಷಣದಲ್ಲಿ, ಯೋಗದಾ ಸತ್ಸಂಗ ಸೊಸೈಟಿ ಆಫ್ ಇಂಡಿಯಾ/ಸೆಲ್ಫ್-ರಿಯಲೈಝೇಷನ್ ಫೆಲೋಶಿಪ್‌ನ ಅಧ್ಯಕ್ಷರು ಮತ್ತು ಆಧ್ಯಾತ್ಮಿಕ ಮುಖ್ಯಸ್ಥರಾದ ಶ್ರೀ ಶ್ರೀ ಸ್ವಾಮಿ ಚಿದಾನಂದ ಗಿರಿಯವರು, ಧ್ಯಾನವು ನಮ್ಮನ್ನು ಆಂತರಿಕ ಸಾಮರಸ್ಯ, ಶಕ್ತಿ ಮತ್ತು ಸುರಕ್ಷತೆಗೆ ಕಾರಣವಾಗುವಂತಹ ದಿವ್ಯಾನುಗ್ರಹ ಮತ್ತು ದಿವ್ಯ ಶಕ್ತಿಯ ಅನಂತ ಮೂಲದೊಂದಿಗೆ ಹೇಗೆ ಸಂಪರ್ಕಿಸುತ್ತದೆ ಎಂಬುದನ್ನು ಪರಿಶೋಧಿಸುತ್ತಾರೆ. ಭಗವಂತನೊಂದಿಗೆ ನಮ್ಮ ಆಂತರಿಕ ಸಂಪರ್ಕವನ್ನು ಪೋಷಿಸುವ ಮೂಲಕ, ಆಧ್ಯಾತ್ಮಿಕ ಸಂಪತ್ತು ನಮ್ಮ ಆಂತರಿಕ ಜೀವನವನ್ನು ಪರಿವರ್ತಿಸುವುದು ಮಾತ್ರವಲ್ಲದೆ, ನಮ್ಮ ಬಾಹ್ಯ ಜೀವನದಲ್ಲೂ ಸಮತೋಲನ, ಸ್ಪಷ್ಟತೆ ಮತ್ತು ಸಮೃದ್ಧಿಯಾಗಿ ಪ್ರಕಟವಾಗುತ್ತದೆ ಎಂದು ನಾವು ಕಂಡುಕೊಳ್ಳುತ್ತೇವೆ.