సేవా అవకాశాలు

ఉద్యోగ కోడ్: J22
స్థానం: రాంచీ
విభాగం: వై.ఎస్.ఎస్. సహాయ కేంద్రం
అవకాశం ఉన్న స్థానాల సంఖ్య: 1
పాత్ర: పూర్తి సమయం

పాత్ర యొక్క సారాంశం:
ప్రాజెక్ట్ నిర్వహణ సహాయ అధికారి, సహాయ కేంద్రానికి చెందిన స్వచ్ఛంద సేవకులను, ప్రక్రియలను మరియు వ్యవస్థలను సామరస్యంతో నిర్వహించడం ద్వారా, “సకాలంలో ప్రేమపూర్వకమైన సేవను మరియు సరియైన పరిష్కారాలను,” అందించే బాధ్యతను వహిస్తారు. అతడు/ఆమె సహాయ కేంద్రం యొక్క ప్రక్రియలు మరియు వ్యవస్థలపై అవసరమైన అవగాహనను కలిగియుండాలి (వీటిపై శిక్షణ ఇవ్వబడుతుంది); అలాగే, సమస్యా పరిష్కారం పట్ల మరియు సేవలను మెరుగుపరచడం, వాటిని మరింత సమర్థవంతంగా చేసే అవకాశాలను గుర్తించడం పట్ల తగిన అవగాహనను కలిగి ఉండాలి.

సహాయ కేంద్రం అందించే సేవలను, స్వచ్ఛంద సేవకులను, వినియోగంలో ఉన్న ప్రక్రియలను, సహాయ కేంద్రం యొక్క ప్రాధాన్యతలు/సమస్యలను, కీలక సంబంధిత పక్షాలను అర్థం చేసుకోవడానికి ఆదర్శ అభ్యర్ధి తగిన సమయం తీసుకుంటారు. భక్తులకు అందించే సేవల నాణ్యతను నిరంతం మెరుగుపరచడానికి అతడు/ఆమె ఇతర స్వచ్ఛంద సేవకులతో పారదర్శకంగానూ, సహకారంతోనూ పని చేస్తారు.

పాత్ర యొక్క ప్రధాన విధులు:

• విభాగాధికారితో సహకరించి, స్థానిక మరియు సమీప ప్రాంత స్వచ్ఛంద సేవకుల యొక్క నియామకాలను మరియు సేవానాణ్యతల ప్రమాణాలను నిశ్చయించడం
• కోరిన లక్షణాలు కలిగిన స్వచ్ఛంద సేవకుల ఎంపికను మరియు నియామకాలను పర్యవేక్షించడం
• స్వచ్ఛంద సేవకులు భక్తులకు “సకాలంలో ప్రేమపూర్వకమైన సేవను మరియు సరియైన పరిష్కారాలను,” అందజేసేందుకు వారిని సన్నద్ధులను చేయగలిగే ఆకర్షణీయమైన, అనుభవపూర్వకమైన శిక్షణా కార్యక్రమాన్ని రూపొందించి, సమన్వయం చేయడం
• టెలిఫోన్ మరియు ఈ-మెయిల్ ప్లాట్-ఫారాలపై సేవానాణ్యతను పర్యవేక్షించి, సేవలను మెరుగుపరిచే నిర్దిష్టమైన అవకాశాలను గుర్తించడం
• టెలిఫోన్ మరియు ఈ-మెయిల్ వ్యవహారాల (ట్రాన్సాక్షన్) డేటాను విశ్లేషించి, సమర్థవంతమైన సేవలు సకాలంలో అందేలా చేయడం
• నాణ్యత, సామర్థ్యం మరియు సేవాప్రమాణాలను సమగ్రంగా మెరుగుపరిచే వ్యూహాత్మకమైన ప్రయత్నాలను ప్రారంభించడం
• సన్యాసులతోనూ మరియు ఇతర ఆశ్రమ విభాగాలతోనూ సమన్వయంతో పని చేసి, భక్తులకు అత్యుత్తమ సేవలందేలా చూడడం మరియు సమస్యలు తగిన విధంగా వెలుగులోకి వచ్చేటట్లు చేయడం
• “ప్రేమపూర్వకమైన సేవను మరియు సరియైన పరిష్కారాలను సకాలంలో అందించడం” అన్న లక్ష్యాన్ని సాధించే నిమిత్తం – నియామకాలు, ఉద్యోగ శిక్షణ, కాలపట్టిక తయారీ (షెడ్యూలింగ్) మరియు పర్యవేక్షణ మొదలైన అంతర్గత కార్యాచరణ విభాగాలను పర్యవేక్షించే కార్యాచరణ నిపుణులను (ఫంక్షనల్ స్పెషలిస్టులు) నిర్వహించడం
• వివిధ విభాగాల అధికారులు తమ విభాగాలను సమర్థవంతంగా నిర్వహించే సామర్థ్యాన్ని పెంపొందించుకోవడానికి, వారికి సలహాలను, సహకారాన్ని మరియు శిక్షణను అందించడం
• వ్యక్తిగత మరియు సామూహిక సమావేశాల ద్వారా చురుకైన, కార్యనిమగ్నులైన, అంకితభావం గల స్వచ్ఛంద సేవక బృందాన్ని తయారు చేయడం, మరింత ఎక్కువ బాధ్యతను తీసుకోవడానికి సిద్ధంగా ఉన్న వ్యక్తులను గుర్తించడం
• సహాయ కేంద్రంలో కీలక నిర్ణయాలను తీసుకొనే అధికారిగా వ్యవహరిస్తూ, క్లిష్ట సమస్యలు మరియు తీవ్రత పెరుగుతున్న సమస్యలు, మొదలైనవాటిని పరిష్కరించడం

అర్హతలు:

• విద్యార్హతలు మరియు పూర్వానుభవం:
  • మాస్టర్స్ (పోస్ట్-గ్రాడ్యుయేట్) డిగ్రీ
  • సమీప బృందాలను పర్యవేక్షించడంలో నిరూపిత అనుభవం; వై.ఎస్.ఎస్. లో అట్టి అనుభవానికి అదనపు ప్రాధాన్యత (బృంద పర్యవేక్షణానుభవం, వ్యక్తిగతంగా పనిచేయడం కాదు)
  • ప్రపంచస్థాయి సేవలను అందించడంలో పేరుగాంచిన సంస్థలలో వినియోగదారుల సేవ (కస్టమర్ సర్వీస్), సాంకేతిక సహకారం (టెక్నికల్ సపోర్ట్), కాల్ సెంటర్ ఆపరేషన్స్ మొదలైన పాత్రలలో అనుభవం (విక్రయాల అనుభవం – సేల్స్ ఎక్స్పీరియన్స్ – కూడా గణనలోకి తీసుకోబడుతుంది)
  • సేవానాణ్యతలో (ప్రమాణాలను రూపొందించడం, శిక్షణ (ట్రైనింగ్), రోజువారీ పనిలో శిక్షణ (ఆన్-ది-జాబ్ కోచింగ్), పనితీరు పర్యవేక్షణ (పెర్ఫార్మన్స్ మానిటరింగ్) లతో సహా నిరూపించబడిన జవాబుదారీతనం
  • వ్యక్తిగత మరియు సామాజిక మృదు నైపుణ్యాలు (సాఫ్ట్ స్కిల్స్) మరియు సాంకేతిక రంగాలలో ఇతరులకు శిక్షణ ఇచ్చి, వారి నైపుణ్యాలను మెరుగుపరచడంలో పూర్వానుభవం
  • ప్రామాణిక నిర్వహణ విధానాలను (SOP – స్టాండర్డ్ ఆపరేటింగ్ ప్రొసీజర్స్) మరియు ప్రమాణపత్రాల నిర్వహణ ప్రక్రియలను (ప్రాసెస్ డాక్యుమెంటేషన్) రూపొందించడంలో నిరూపిత సామర్థ్యం
  • బలమైన ప్రాజెక్ట్ నిర్వహణ నైపుణ్యాలు – ఆశించిన ఫలితాలను అందించే విధంగా ప్రాజెక్టు ప్రతిపాదనలను చేయడం, ప్రణాళికల తయారీ, అమలు చేయడం, పర్యవేక్షించడం, కార్యాచరణను నిరంతరం మెరుగుపరచడానికి అవసరమైన సామర్ధ్యం
• నైపుణ్యాలు మరియు సామర్థ్యాలు:
  • భక్తి మరియు వృత్తిపరమైన నైపుణ్యాల సామరస్యపూర్ణమైన సమతుల్యతను కలిగి ఉండాలి, తూర్పు మరియు పశ్చిమ దేశాల యొక్క ఉత్తమ లక్షణాలను ప్రతిబింబిస్తూ, సాంకేతిక పరిజ్ఞానాన్ని బలమైన మృదు నైపుణ్యాలతో (సాఫ్ట్ స్కిల్స్) మిళితం చేయగలగాలి
  • చక్కగా రూపొందించబడిన, సమర్థవంతమైన ప్రక్రియల ద్వారా భక్తులకు అత్యుత్తమమైన సేవా నాణ్యతను అందించడంపై నిమగ్నమై, సేవాశ్రేష్ఠతకు, ప్రక్రియాశ్రేష్ఠతకు కట్టుబడి ఉండాలి (పరిపూర్ణతను సాధించడం కంటే భక్తులకు పరిష్కారాలను అందించడంపై కేంద్రీకృతమై ఉండాలి)
  • బలమైన విశ్లేషణాత్మకమైన మరియు సమస్య-పరిష్కార దృక్పథం ఉండాలి – తమంతట తాము తక్షణం ఆలోచించడం, వ్యవస్థలలోనూ మరియు మానవ వ్యవహారాలలోనూ కార్యకారణ సంబంధాలను గుర్తించడం, మూలకారణాలను నిర్ణయించడం వంటి సామర్థ్యాలు కలిగి ఉండాలి
  • సాంకేతిక సామర్థ్యం కలిగి ఉండాలి, అలాగే డిజిటల్ సాధనాలు మరియు ప్లాట్-ఫారాలపై (ఉదాహరణకు జూమ్, గూగుల్ వర్క్-స్పేస్) పని చేయడంలో సామర్థ్యం; ఇటువంటి ప్లాట్-ఫారాలపై ఎవరు ప్రవేశించగలరో, ఎవరు ఏ పని చేయగలరో నియంత్రించే వ్యవస్థలను (ఆక్సిస్ కంట్రోల్ సెట్టింగులను), సమగ్రస్థాయి వ్యవస్థలను (గ్లోబల్ సెట్టింగులను) నిర్వహించే అనుభవం కలిగి ఉండాలి
  • EPABX వంటి టెలిఫోన్ మరియు ఈ-మెయిల్ వ్యవస్థలతో పరిచయం కలిగి ఉండాలి (టికెటింగ్ వ్యవస్థలతో పరిచయం తప్పనిసరి కాకపోయినా, ఉంటే మంచిది) వ్యక్తుల మధ్య సంబంధాలను సామరస్యపూర్వకంగా నిర్వహించడంలోను, ఇతరులకు ప్రేరణను కలిగించడంలోను, విభేదాలను హుందాగా పరిష్కరించడంలోను ప్రావీణ్యత కలిగి ఉండాలి
  • మంచి భావ ప్రకటనా చాతుర్యం కలిగి ఉండాలి – శ్రద్ధగా విని, స్పష్టంగా సమాధానాలను ఇవ్వగలగాలి; ఇంగ్లీషు మరియు హిందీ భాషలలో బాగా మాట్లాడడం మరియు వ్రాయగలిగే ప్రావీణ్యత కలిగి ఉండాలి
  • వ్యక్తుల సామర్థ్యాలను గుర్తించి, ఇతరులలోని సామర్థ్యాలను వెలికి తీసి, ఇతరుల అభివృద్ధికి తగిన మార్గనిర్దేశం చేసే సామర్థ్యం కలిగి ఉండాలి
  • “ఉదాత్త నూతనత్వ” వైఖరి (“నోబుల్ న్యూ” మైండ్-సెట్) కలిగి ఉండాలి – క్రొత్త విషయాలను నేర్చుకునే సంసిద్ధత, క్రొత్త సవాళ్లను స్వీకరించడానికి సంసిద్ధత, మరియు సమకాలీన ఆలోచనలను, వ్యవస్థలను వినియోగించి నవీకరణలను (ఇన్నోవేషన్స్) చేయడానికి సంసిద్ధత