ಯುವ ಸಾಧಕರು ವಾರಾಂತ್ಯದ ಶಿಬಿರಗಳಲ್ಲಿ ಆಧ್ಯಾತ್ಮಿಕ ನವಚೈತನ್ಯವನ್ನು ಕಂಡುಕೊಳ್ಳುತ್ತಾರೆ

ಫೆಬ್ರವರಿ 2026ರಲ್ಲಿ ಜನನಿಬಿಡ ತಂತ್ರಜ್ಞಾನ ನಗರವಾದ ಬೆಂಗಳೂರಿನಲ್ಲಿ ವೈಎಸ್ಎಸ್ ಯುವ ಸೇವೆಗಳು ನಡೆಸಿದ ಮೂರು ದಿನಗಳ ಯುವ ಸಾಧಕರ ಶಿಬಿರದಲ್ಲಿ ತಾನು ಪಡೆದ ಅನುಭವವನ್ನು ಯುವ ಭಕ್ತರೊಬ್ಬರು ಈ ಮಾತುಗಳಲ್ಲಿ ಸಂಕ್ಷಿಪ್ತವಾಗಿ ವಿವರಿಸುತ್ತಾರೆ. ಇದೇ ರೀತಿಯ ಶಿಬಿರವು ಒಂದು ವಾರದ ನಂತರ ಚಂಡೀಗಢದಲ್ಲಿಯೂ ನಡೆಯಿತು. ಅಲ್ಲಿ ವೈಎಸ್ಎಸ್ ಮಾರ್ಗದಲ್ಲಿರುವ ಯುವ ಸಾಧಕರು ತಮ್ಮ ಸಮವಯಸ್ಕರ ಸಂಗದಲ್ಲಿ ಆಧ್ಯಾತ್ಮಿಕ ಪುನಶ್ಚೇತನ ಮತ್ತು ನವಚೈತನ್ಯದ ವಾರಾಂತ್ಯವನ್ನು ಅನುಭವಿಸಲು ಒಂದೆಡೆ ಸೇರಿದರು.

ಈ ಪ್ರಾದೇಶಿಕ ಯುವ ಸಾಧಕರ ಶಿಬಿರಗಳು 18ರಿಂದ 35 ವರ್ಷದೊಳಗಿನ ವೈಎಸ್ಎಸ್ ಭಕ್ತರಿಗೆ ಗುರುದೇವ ಪರಮಹಂಸ ಯೋಗಾನಂದರ ‘ಹೇಗೆ ಜೀವಿಸಬೇಕು’ ಎಂಬ ಬೋಧನೆಗಳನ್ನು ತಲುಪಿಸುವ ಉದ್ದೇಶದಿಂದ ವಿನ್ಯಾಸಗೊಳಿಸಲಾದ ಒಂದು ಹೊಸ ಉಪಕ್ರಮವಾಗಿದೆ. ಈ ಶಿಬಿರಗಳು ಆಧುನಿಕ ಜೀವನದ ನಿರಂತರ ಗಡಿಬಿಡಿಯಿಂದ ಸ್ವಲ್ಪ ದೂರ ಸರಿದು, ಪ್ರಶಾಂತವಾದ ಏಕಾಂತದ ವಾತಾವರಣದಲ್ಲಿ ತಮ್ಮನ್ನು ತಾವು ಮರುಶೋಧಿಸಿಕೊಳ್ಳಲು ಅವರಿಗೆ ಸಹಾಯ ಮಾಡುತ್ತವೆ.

ಉದ್ಯೋಗಸ್ಥರು, ವಿದ್ಯಾರ್ಥಿಗಳು, ಯುವ ಪೋಷಕರು ಮತ್ತು ಇತರರನ್ನು ಒಳಗೊಂಡಂತೆ 180ಕ್ಕೂ ಹೆಚ್ಚು ಭಕ್ತರು ಈ ವಾರಾಂತ್ಯದ ಶಿಬಿರಗಳಲ್ಲಿ ಪಾಲ್ಗೊಂಡರು — ಇವರಲ್ಲಿ ಹೆಚ್ಚಿನವರು ಸಮಯ ಮತ್ತು ದೂರದ ಮಿತಿಗಳಿಂದಾಗಿ ತಮ್ಮ ಬಿಡುವಿಲ್ಲದ ಜೀವನದಿಂದ ದೀರ್ಘಾವಧಿಯ ಸಾಧನಾ ಶಿಬಿರಗಳಿಗೆ ತೆರಳಲು ಸಾಮಾನ್ಯವಾಗಿ ಕಷ್ಟಪಡುತ್ತಿದ್ದರು.