1925-ஆம் ஆண்டு, பரமஹம்ஸ யோகானந்தர் லாஸ் ஏஞ்ஜலீஸில் உள்ள வாஷிங்டன் மலை உச்சியில், ஸெல்ஃப்-ரியலைசேஷன் ஃபெலோஷிப்-இன் சர்வதேச தலைமையகத்தை நிறுவியதன் 100வது ஆண்டு நிறைவைக் கொண்டாடும் விதமாக, யோகதா சத்சங்க சொஸைடி ஆஃப் இந்தியா/ஸெல்ஃப்-ரியலைசேஷன் ஃபெலோஷிப்-இன் தலைவர் மற்றும் ஆன்மீக முதல்வர் ஸ்வாமி சிதானந்த கிரி அவர்கள் வழங்கவிருக்கும் ஒரு சிறப்புரையில் கலந்துகொள்ளுங்கள்.
யோகானந்தரால் அன்புடன் SRF மதர் சென்டர் எனப் பெயரிடப்பட்ட இந்த இடம், அவரால் SRF சன்னியாசிகளுக்கான ஒரு பயிற்சி மையமாகவும், பண்டைய கிரியா யோக விஞ்ஞானத்தை உலகெங்கிலும் பரப்புவதற்கான நிர்வாக மையமாகவும் நிறுவப்பட்டது.
1936 ஆம் ஆண்டு மதர் சென்டர் இல் நடைபெற்ற ஒரு பக்திபூர்வ நிகழ்ச்சியின்போது, அவர் பிரார்த்தித்தார்: “தெய்வத் தந்தையே… உனக்கான எமது அன்பின் வழியே மவுண்ட் வாஷிங்டனை ஒரு பூலோக சுவர்க்கமாக மாற்ற எங்களுக்கு அருள்கூர்வாய்… உன்னைத் நாடி இங்கு வரும் ஒவ்வொருவரின் இதயத்திலும், ஒரு நடமாடும் சொர்க்கம் நிறுவப்படட்டும்.”
ஸ்வாமி சிதானந்தாஜி அவர்களுடன் நடைபெறும் இந்தச் சிறப்பு நிகழ்ச்சி, லாஸ் ஏஞ்ஜலீஸில் உள்ள SRF சர்வதேச தலைமையகத்திலிருந்து நேரடியாக ஒளிபரப்பப்படும் மற்றும் ஆங்கிலத்தில் நடத்தப்படும். இந்த நேரடி நிகழ்ச்சியின்போது, இந்தியில் உடனடி மொழிபெயர்ப்பைக் கேட்க, வீடியோவின் கீழே உள்ள வழிமுறைகளைப் பார்க்கவும்.
கவனிக்க:
- நேரடி ஒளிபரப்பிற்குப் பிறகு, வீடியோ பதிவு காண்பதற்குக் கிடைக்கும்.
- நிகழ்வுக்கு முன், கீழேயுள்ள வீடியோ உங்கள் உள்ளூர் நேர மண்டலத்திற்கேற்ப தொடங்கும் நேரத்தைக் காண்பிக்கும்.
உடனடி மொழிபெயர்ப்பை அணுக:
உட்னடி மொழிபெயர்ப்பு இந்தியில் (ஜூம் வழியாக நடைபெறும் நேரடி நிகழ்வின் போது மட்டுமே) கிடைக்கும். நிகழ்வை இந்தியில் கேட்க:
- (நேரடி நிகழ்வின் போது) ஜூம் வழியாகக் கலந்து கொள்ளுங்கள். நிகழ்ச்சி தொடங்குவதற்கு சில நிமிடங்களுக்கு முன்பே இணைந்து கொள்ளுமாறு கேட்டுக்கொள்கிறோம்.
- உங்களது ஜூம் விண்டோவின் கீழ்ப்பகுதியில் உள்ள டூல்பார் இல் “இன்டர்பிரடேஷன்” பட்டனை அழுத்தவும். (அந்த ஆப்ஷன் உங்களுக்குத் தென்படவில்லை எனில், “மோர்” பட்டனை அழுத்தி, பின்னர் தோன்றும் பட்டியலிலிருந்து “இன்டர்பிரடேஷன்” என்பதைத் தேர்ந்தெடுக்கவும்.)
- பட்டியலில் இருந்து இந்தியைத் தேர்ந்தெடுக்கவும்.
- நிகழ்ச்சி தொடங்கியவுடன், இந்தியில் உடனடி மொழிபெயர்ப்பைக் கேட்பீர்கள்.
உங்களுக்குத் தொழில்நுட்ப உதவி தேவைப்பட்டால், எங்கள் உதவி மையத்தை, மின்னஞ்சல் ([email protected]) வாயிலாகவோ அல்லது (0651) 6655 555 என்ற தொலைபேசி எண்ணில் அழைப்பதன் மூலமாகவோ தொடர்பு கொள்ளவும்.
