మీరు ఎంత ఎక్కువగా ధ్యానం చేస్తే అంత ఎక్కువగా, సాధారణ చైతన్య రాజ్యము వెనుక ఇంకేదో ఉందని, అక్కడ గొప్ప శాంతి, సంతోషము రాజ్యమేలుతాయని మీరు గ్రహిస్తారు….ధ్యానం ద్వారా జనించే అంతర్గత శాంతి మరియు ఆనందాలను పెంచుకోవడానికి తీవ్రమైన ప్రయత్నం చేయడమే దేవుడిని గ్రహించే ఏకైక మార్గం.
— శ్రీ శ్రీ పరమహంస యోగానంద
2026 జనవరి నుండి డిసెంబరు వరకు జరిగే సాధనా సంగమాలలో మాతో కలిసి పాల్గొనాలని వై.ఎస్.ఎస్./ఎస్.ఆర్.ఎఫ్. భక్తులందరినీ మేము ఆహ్వానిస్తున్నాము.
ఈ సంగమాలు ఈ వేదికలన్నింటిలో లేదా కొన్నింటిలో ఏకకాలంలో నిర్వహించబడతాయి: వై.ఎస్.ఎస్. నోయిడా ఆశ్రమం; వై.ఎస్.ఎస్. దక్షిణేశ్వర్ ఆశ్రమం; వై.ఎస్.ఎస్. చెన్నై ఆశ్రమం; మరియు పరమహంస యోగానంద సాధనాలయ, ఇగత్పురి. భక్తులు తమకు అనుకూలమైన సమయంలో మరియు ప్రదేశంలో ఏదైనా ఒక సంగమానికి హాజరు కావచ్చు.
వై.ఎస్.ఎస్. భక్తులు ఆధ్యాత్మికంగా తమను తాము పునరుజ్జీవింపజేసుకోవడానికి, గురుదేవుల బోధనలను లోతుగా అర్థం చేసుకోవడానికి మరియు ధ్యాన పద్ధతుల సాధనను మెరుగుపరచుకోవడానికి ఈ కార్యక్రమాలు అవకాశాన్ని కలుగజేస్తాయి. ప్రతి ప్రదేశంలో పాల్గొనేవారి సంఖ్య పరిమితంగా ఉంటుంది కాబట్టి, అందుబాటులో ఉన్న సౌకర్యాలను బట్టి, ప్రతి భక్తుడు వారి ఆధ్యాత్మిక ప్రయాణంలో మరింత వ్యక్తిగతమైన మరియు ప్రగాఢమైన ప్రోత్సాహాన్ని అనుభవించవచ్చు. ఈ కార్యక్రమాలలో లీనమయ్యే అనుభవాన్ని అందించడానికి, ప్రతి సంగమం యొక్క వ్యవధి 5 రోజులు ఉంటుంది. మొత్తంమీద, సాధనా సంగమాలు మరపురాని ఆధ్యాత్మిక అనుభవాన్ని అందిస్తాయి.
జనవరి మరియు జూలై 2026 మధ్య జరిగే సంగమాల కోసం వై.ఎస్.ఎస్ మరియు ఎస్.ఆర్.ఎఫ్. భక్తుల నమోదు ప్రక్రియ ఇప్పుడు ప్రారంభమయ్యింది. మరింతగా తెలుసుకోవడానికి మరియు నమోదు చేసుకోవడానికి దయచేసి ఇక్కడ క్లిక్ చేయండి.
నమోదు ముందుగా చేసుకున్న వారికి ముందుగా కేటాయింపు ప్రాతిపదికన ఉంటుంది. భక్తులు ఒక సంగమంలో మాత్రమే పాల్గొనడానికి అనుమతించబడతారు.
మీ ఆధ్యాత్మిక ఉత్సాహాన్ని పునరుత్తేజపరచుకోవడానికి మాత్రమే కాకుండా, చిత్తశుద్ధి గల ఇతర సాధకులతో ధ్యానం చేయడం మరియు వారి సహవాసంలో ఉండటం వల్ల కలిగే ఆనందం మరియు ఆశీర్వాదాలను అనుభవించడానికి ఈ ప్రత్యేక అవకాశాన్ని సద్వినియోగం చేసుకోవాలని మేము మిమ్మల్ని ప్రోత్సహిస్తున్నాము.
దయచేసి గమనించండి:
- ఈ సంగమాలలో వై.ఎస్.ఎస్./ఎస్.ఆర్.ఎఫ్. భక్తులు మాత్రమే పాల్గొనగలరు.
- 12 సంవత్సరాల కంటే తక్కువ వయస్సు ఉన్న పిల్లలు అనుమతించబడరు.
- ఈ సంగమాల్లో పాల్గొనేందుకు ఎస్.ఆర్.ఎఫ్. భక్తులకు ఆహ్వానం ఉన్నప్పటికీ, వారు సమీపంలోని హోటళ్ళలో తమ స్వంత వసతిని ఏర్పాటు చేసుకోవాలి. అటువంటి హోటళ్ళ జాబితా ఇక్కడ అందుబాటులో ఉంది.
- కార్యక్రమాలు ఎక్కువగా ఉన్నందున, బలహీనమైన ఆరోగ్యం లేదా ప్రత్యేక అవసరాలు ఉన్న భక్తులు దరఖాస్తు చేయవద్దని సూచన.
సాధనా సంగమాల జాబితా మరియు తేదీలు
ఈ సంగమాలలో ప్రక్రియల తరగతులు మరియు ఆధ్యాత్మిక ప్రసంగాలు ఏ భాషలలో నిర్వహించబడతాయో, ఆ వివరాలు ఈ క్రింది పట్టికలో ప్రతి కార్యక్రమానికి సూచించబడ్డాయి.
దయచేసి గమనించండి: రాంచీ ఆశ్రమంలో అనేక నిర్మాణ ప్రాజెక్టులు – చదును చేయని రోడ్ల పునర్నిర్మాణం, తోట మార్గాల పునరుద్ధరణ మరియు దీర్ఘకాల డ్రైనేజీ సమస్యలను పరిష్కరించడానికి విస్తృతమైన మట్టి పని మొదలగునవి – చేపడుతున్నందున, మేము 2026లో రాంచీలో సాధనా సంగమాలను నిర్వహించడం లేదు. ఈ విషయంలో మీరు సహనం మరియు అవగాహన కలిగి ఉండాలని మేము వినయంగా అభ్యర్థిస్తున్నాము.
నోయిడా | దక్షిణేశ్వర్ | చెన్నై | ఇగత్పురి | ||
|---|---|---|---|---|---|
ఫిబ్రవరి 4-8 | ఆంగ్లం (క్రియాయోగ దీక్ష) | — | ఆంగ్లం (క్రియాయోగ దీక్ష) | హిందీ | |
మార్చి 11-15 | హిందీ (క్రియాయోగ దీక్ష) | ఆంగ్లం (క్రియాయోగ దీక్ష) | తమిళం (క్రియాయోగ దీక్ష) | ఆంగ్లం (క్రియాయోగ దీక్ష) | |
ఏప్రిల్ 1-5 | — | — | తెలుగు* (క్రియాయోగ దీక్ష) | — | |
సెప్టెంబర్ 9-13 | — | ఆంగ్లం | — | — | |
అక్టోబర్ 7-11 | యువ సాధక సంగమం** (ఆంగ్లం) | — | — | — | |
నవంబర్ 18-22 | ఆంగ్లం/హిందీ (క్రియాయోగ దీక్ష) | హిందీ (క్రియాయోగ దీక్ష) | — | — |
* వై.ఎస్.ఎస్. చెన్నై ఆశ్రమంలో ఏప్రిల్ మాసంలో జరిగే సంగమంలో, ధ్యాన ప్రక్రియల సమీక్షా తరగతులు మరియు ఆధ్యాత్మిక ప్రసంగాలు తెలుగులో ఉంటాయి, కాని క్రియాయోగ దీక్ష వేడుక మాత్రం ఆంగ్లంలో నిర్వహించబడుతుంది.
**యువ సాధక సంగమం అనేది, పరమహంస యోగానంద గారి బోధనల నుండి అంతర్గత స్పష్టత మరియు శక్తిని కోరుకునే 23–35 సంవత్సరాల వయస్సు గల వై.ఎస్.ఎస్./ఎస్.ఆర్.ఎఫ్ యువ భక్తులకు ఆధ్యాత్మికంగా నిమగ్నమయ్యే అనుభవం అందించడానికి ప్రత్యేకంగా రూపొందించబడిన అద్వితీయ కార్యక్రమం.
మరింత సమాచారం
ఒక సాధారణ సంగమ కార్యక్రమం యొక్క వివరాలు ఈ క్రింది విధంగా ఉంటాయి (మార్పులు ఉండవచ్చు). అక్టోబర్ 2026 లో నిర్వహించబడే యువ సాధక సంగమం వివరాల కోసం, దయచేసి కార్యక్రమం తేదీకి దగ్గరలో ఈ వెబ్పేజీని సందర్శించండి.
బుధవారం
ఉదయం 07:00 నుండి ఉదయం 08:30 వరకు
శక్తిపూరణ వ్యాయామాలు మరియు ధ్యానం
ఉదయం 10:00 నుండి ఉదయం 11:30 వరకు
కీర్తన గానం మరియు ప్రారంభ సత్సంగం
మధ్యాహ్నం 02:30 నుండి మధ్యాహ్నం 04:00 వరకు
శక్తిపూరణ వ్యాయామాల సమీక్ష
సాయంత్రం 05:30 నుండి రాత్రి 07:30 వరకు
శక్తిపూరణ వ్యాయామాలు మరియు ధ్యానం
రాత్రి 08:15 నుండి రాత్రి 09:15 వరకు
వీడియో ప్రదర్శన
గురువారం
ఉదయం 07:00 నుండి ఉదయం 08:30 వరకు
శక్తిపూరణ వ్యాయామాలు మరియు ధ్యానం
ఉదయం 09:30 నుండి ఉదయం 10:30 వరకు
హాంగ్-సా ప్రక్రియ యొక్క సమీక్ష
ఉదయం 11:00 నుండి మధ్యాహ్నం 12:00 వరకు
ఆధ్యాత్మిక ప్రసంగం
మధ్యాహ్నం 03:00 నుండి మధ్యాహ్నం 04:00 వరకు
ఓం ప్రక్రియ యొక్క సమీక్ష
సాయంత్రం 05:30 నుండి రాత్రి 08:30 వరకు
శక్తిపూరణ వ్యాయామాలు మరియు ధ్యానం
శుక్రవారం
ఉదయం 07:00 నుండి ఉదయం 08:30 వరకు
శక్తిపూరణ వ్యాయామాలు మరియు ధ్యానం
ఉదయం 09:30 నుండి ఉదయం 10:30 వరకు
ఆధ్యాత్మిక ప్రసంగం
ఉదయం 11:00 నుండి మధ్యాహ్నం 12:00 వరకు
ఆధ్యాత్మిక ప్రసంగం / ప్రశ్నలు-జవాబులు కార్యక్రమం
మధ్యాహ్నం 03:00 నుండి మధ్యాహ్నం 04:00 వరకు
విశ్వ గీతాలాపన (కాస్మిక్ చాంట్స్)
సాయంత్రం 05:30 నుండి రాత్రి 08:00 వరకు
శక్తిపూరణ వ్యాయామాలు మరియు ధ్యానం
శనివారం
ఉదయం 07:00 నుండి ఉదయం 08:30 వరకు
శక్తిపూరణ వ్యాయామాలు మరియు ధ్యానం
ఉదయం 10:00 నుండి మధ్యాహ్నం 12:00 వరకు
క్రియాయోగ సమీక్ష మరియు పరిశీలన & క్రియాబాన్లు కాని వారి కోసం సత్సంగం
మధ్యాహ్నం 03:00 నుండి మధ్యాహ్నం 04:00 వరకు
ఆధ్యాత్మిక ప్రసంగం
సాయంత్రం 05:30 నుండి రాత్రి 07:30 వరకు
శక్తిపూరణ వ్యాయామాలు మరియు ధ్యానం
దయచేసి గమనించండి: క్రియాయోగ దీక్షతో కూడిన కార్యక్రమాలలో, శనివారం వివరాలలో ఈ క్రింది మార్పును దయచేసి గమనించండి:
ఉదయం 08:30 నుండి ఉదయం 11:30 వరకు
క్రియాయోగ దీక్ష
ఉదయం 10:00 నుండి ఉదయం 11:30 వరకు
క్రియాబాన్ కాని వారి కోసం సత్సంగం
మధ్యాహ్నం 02:30 నుండి మధ్యాహ్నం 04:00 వరకు
క్రియాయోగ సమీక్ష మరియు పరిశీలన
సాయంత్రం 05:30 నుండి రాత్రి 07:30 వరకు
శక్తిపూరణ వ్యాయామాలు మరియు ధ్యానం
ఆదివారం
ఉదయం 07:00 నుండి ఉదయం 08:30 వరకు
శక్తిపూరణ వ్యాయామాలు మరియు ధ్యానం
ఉదయం 10:30 నుండి ఉదయం 11:00 వరకు
కీర్తన గానం / కీర్తన & ధ్యానం
ఉదయం 11:00 నుండి మధ్యాహ్నం 12:00 వరకు
ముగింపు సత్సంగం
మధ్యాహ్నం 12:00 నుండి మధ్యాహ్నం 12:15 వరకు
ముగింపు ఆలోచనలు మరియు ప్రసాదం
సాయంత్రం 04:00 నుండి రాత్రి 07:30 వరకు
శక్తిపూరణ వ్యాయామాలు మరియు ధ్యానం
ధ్యాన ప్రక్రియ తరగతులు మరియు ప్రసంగాలు
- వై.ఎస్.ఎస్. ధ్యాన ప్రక్రియలు — శక్తిపూరణ వ్యాయామాలు, హాంగ్-సా ప్రక్రియ మరియు ఓం ప్రక్రియ — వివరించబడతాయి మరియు ప్రదర్శించబడతాయి. పైన పేర్కొన్న సాధనా సంగమం జాబితాలో సూచించిన విధంగా ఈ తరగతులు వివిధ భాషలలో నిర్వహించబడతాయి.
- గురుదేవుల జీవించడం ఎలా సూత్రాలపై ఉపన్యాసాలు కూడా కార్యక్రమాల్లో భాగంగా ఉంటాయి. ఈ ఉపన్యాసాలు ఆంగ్లం, హిందీ, బెంగాలీ, తెలుగు మరియు తమిళ భాషలలో నిర్వహించబడవచ్చు.
ఈ సంగమాలకు హాజరయ్యే క్రియాబానులందరికీ క్రియాయోగ దీక్షను స్వీకరించే కొత్త భక్తులతో పాటు క్రియాయోగ దీక్షా కార్యక్రమానికి హాజరయ్యే అవకాశం ఉంటుంది.
క్రియాయోగాన్ని స్వీకరించడానికి అర్హత
- క్రియాయోగ దీక్షను స్వీకరించడానికి అర్హత, వై.ఎస్.ఎస్. పాఠాలతో జత చేయబడిన ప్రశ్నావళికి సంతృప్తికరమైన సమాధానాలను సమర్పించడంపై ఆధారపడి ఉంటుంది.
- మీరు ప్రశ్నాపత్రంలో గమనించినట్లుగా, క్రియాయోగాన్ని స్వీకరించడానికి అర్హత పొందాలంటే, భక్తులు తప్పనిసరిగా మొదటి మూడు ప్రాథమిక యోగదా పద్ధతులను చాలా నెలలుగా సాధన చేస్తూ ఉండాలి.
- మీరు వై.ఎస్.ఎస్. గురు పరంపరకు మరియు యోగదా సత్సంగ మార్గానికి భక్తివిశ్వాసాలను అర్పించే క్రియాయోగ ప్రతిజ్ఞను కూడా సంతకం చేసి సమర్పించవలసి ఉంటుంది.
దయచేసి గమనించండి: మీరు క్రియాయోగ దీక్ష కోసం దరఖాస్తు చేసుకోవాలనుకుంటే, మరియు ప్రశ్నాపత్రానికి మీ సమాధానాలను ఇంకా పంపకపోతే, వాటిని సన్యాసులు పరిశీలించడానికి మీరు కార్యక్రమాలకు హాజరయ్యే ప్రదేశంలో సమర్పించవచ్చు.
క్రియాయోగ దీక్షా వేడుకలో పాల్గొనడం:
- క్రియాయోగ దీక్ష వేడుకలో దీక్షను స్వీకరించాలనుకునే వారందరూ, క్రియాయోగ పాఠాలను స్వీకరించినా అప్పటి వరకు క్రియాయోగ దీక్ష వేడుకలో పాల్గొనని వారితో సహా; అలాగే, అధికారిక దీక్షను స్వీకరించి వేడుకకు హాజరు కావాలనుకునే క్రియాబాన్లు కనీసం ఒక రోజు ముందుగా సంబంధిత ప్రదేశంలో నమోదు చేసుకోవాలి, మరియు వేడుకకు అవసరమైన ప్రవేశ పత్రాన్ని (కార్డుని) తీసుకురావాలసి ఉంటుంది.
- క్రియాయోగ దీక్ష కోసం మిమ్మల్ని మీరు నమోదు చేసుకొనేటప్పుడు మరియు సమీక్షకు హాజరైనప్పుడు దయచేసి మీ క్రియాబాన్ గుర్తింపు కార్డును తీసుకువచ్చి చూపించండి.
కార్యక్రమం:
- ప్రతి ప్రదేశంలో కార్యక్రమం బుధవారం ఉదయం ప్రారంభమై ఆదివారం సాయంత్రం ముగుస్తుంది.
- భక్తులందరికీ నాలుగు అదనపు రోజులు ఉండే అవకాశం ఉంటుంది – వారు కార్యక్రమానికి రెండు రోజుల ముందు (సోమవారం ఉదయం నుండి) చేరుకోవచ్చు మరియు కార్యక్రమం ముగిసిన తరువాత అదనంగా రెండు రోజులు ఉండవచ్చు (తరువాతి మంగళవారం రాత్రి వరకు).
- గురుదేవుల ఆశ్రమం/సాధనాలయాలలో వరుసగా తొమ్మిది రోజులు గడపడం వల్ల విశ్రాంతికి, సేద తీరడానికి, ఆధ్యాత్మిక పునరుత్తేజం పొందడానికి భక్తులకు తగినంత సమయం లభిస్తుంది. దానికి తగినట్లుగా మీ ఆగమనం మరియు నిష్క్రమణ తేదీలను నిర్ణయించుకోండి.
వసతి:
- భాగస్వామ్య/డార్మిటరీ తరహా వసతి స్త్రీలు మరియు పురుషులకు విడివిడిగా అందించబడుతుంది. కుటుంబ సభ్యులు దయచేసి దానికి అనుగుణంగా ఏర్పాట్లు చేసుకొని తమ వస్తువులను సర్దుకొని రావలసి ఉంటుంది.
- వసతి లేదా ఆహారం కోసం ప్రత్యేక అవసరాలు ఉన్న భక్తులు దయచేసి వారి స్వంత ఏర్పాట్లు చేసుకొనవలసి ఉంటుంది. సమీపంలోని హోటళ్ళ జాబితా క్రింద ఇవ్వబడింది.
ముందుగా నమోదు చేసుకొన్నవారికి ముందుగా కేటాయింపు ప్రాతిపదిక:
- మొత్తం నాలుగు ప్రదేశాలలోనూ, పరిమిత వసతి సౌకర్యాలు అందుబాటులో ఉన్నందున, ముందుగా వచ్చిన వారికి ముందుగా అందించబడే ప్రాతిపదిక ప్రకారం నమోదు నిర్ధారించబడతుంది.
- మీ నమోదు ధృవీకరించబడినప్పటికీ మీరు హాజరు కాలేకపోతే, నమోదు రుసుము తిరిగి చెల్లించబడదని లేదా మరొక వ్యక్తికి బదిలీ చేయబడదని దయచేసి గమనించండి.
చెల్లింపులు: నమోదు ఫీజు ఒక్కొక్కరికి రూ. 2,500. ఈ రుసుము భోజన ఛార్జీలతో కలిపి ఉంటుంది. నమోదు రుసుమును చెల్లించడం మీకు కష్టంగా అనిపిస్తే, దయచేసి మమ్మల్ని సంప్రదించండి.
నమోదు సమాచారం
2026 జనవరి మరియు జులై మధ్య జరిగే సంగమాల కోసం నమోదు ఇప్పుడు ప్రారంభమయ్యింది!
ఈ సంవత్సరములో జరిగే మిగిలిన సంగమాల కోసం నమోదు జూన్ లో ప్రారంభమవుతుంది.
డివోటీ పోర్టల్ ద్వారా ఆన్లైన్ నమోదు:
నమోదును త్వరగా మరియు సులభంగా చేయడం కోసం, దయచేసి ఆన్లైన్లో ఇక్కడ క్లిక్ చేసి నమోదు చేసుకోండి.
సహాయ కేంద్రాన్ని సంప్రదించడం ద్వారా నమోదు:
దయచేసి (0651) 6655 555 కాల్ చేయండి లేదా రాంచీ ఆశ్రమం సహాయ కేంద్రానికి ఈ-మెయిల్ ద్వారా క్రింది వివరాలను అందించండి:
- మీ పూర్తి పేరు
- వయస్సు
- వై.ఎస్.ఎస్. పాఠాల నమోదు సంఖ్య (లేదా ఎస్.ఆర్.ఎఫ్. సభ్యత్వ సంఖ్య)
- చిరునామా
- ఈ-మెయిల్
- టెలిఫోన్ నంబర్
- మీ ప్రతిపాదిత ఆగమన మరియు నిష్క్రమణ తేదీలు
మీరు మీ మొబైల్ లేదా ఈ-మెయిల్ చిరునామాకు పంపబడే చెల్లింపు లింక్ ద్వారా పైకం మొత్తాన్ని చెల్లించవచ్చు.
ఎస్.ఆర్.ఎఫ్. భక్తుల నమోదు కోసం:
- ఎస్.ఆర్.ఎఫ్. భక్తులకు కార్యక్రమంలో పాల్గొనడానికి ఆహ్వానం ఉన్నప్పటికీ, వారు సమీపంలోని ఏదైనా హోటళ్ళలో తమ స్వంత వసతి ఏర్పాట్లు చేసుకోవాలని అభ్యర్థిస్తున్నాము. కాని వారు వేదిక వద్దనే భోజనం చేయవచ్చును.
- ఆసక్తిగల ఎస్.ఆర్.ఎఫ్. భక్తులు వై.ఎస్.ఎస్. సహాయ కేంద్రాన్ని ఈ-మెయిల్ ద్వారా సంప్రదించి, పైన పేర్కొన్న భక్తుని వివరాలన్నింటినీ అందించవలసిందిగా అభ్యర్థిస్తున్నాము.
దయచేసి గమనించండి:
- భక్తులు ఏదైనా ఒక సంగమంలో మాత్రమే పాల్గొనడానికి అనుమతించబడతారు.
- నమోదు కోసం అభ్యర్థనలు గరిష్ట పరిమితిని చేరుకున్నట్లయితే నిర్దిష్ట వేదిక కోసం నమోదు ముందుగానే ముగిసిపోవచ్చు.
- నమోదు విజయవంతమైతే, మీరు ఈ-మెయిల్ లేదా SMS లేదా వాట్సప్ ద్వారా నిర్ధారణను అందుకుంటారు. మీకు అలాంటి సూచన (నోటిఫికేషన్) రాకుంటే, దయచేసి కాల్ (0651) 6655 555 ద్వారా లేదా ఈ-మెయిల్ ([email protected]) ద్వారా వై.ఎస్.ఎస్. రాంచీ సహాయ కేంద్రాన్ని సంప్రదించండి.
- సంగమంలో వై.ఎస్.ఎస్./ఎస్.ఆర్.ఎఫ్. భక్తులు మాత్రమే పాల్గొనగలరు.
- 12 సంవత్సరాల కంటే తక్కువ వయస్సు ఉన్న పిల్లలు అనుమతించబడరు.
ఎప్పటిలాగే, నమోదు కేంద్రం, వసతి, ఆడియో-విజువల్స్, భోజనశాల, పారిశుధ్యం, అషరింగ్ మరియు ఇతర విభాగాలలో సేవ చేయడానికి భక్త-స్వచ్ఛందసేవకులు అవసరం. పై విభాగాలు కొన్నింటిలో, కార్యక్రమం ప్రారంభం కావడానికి ఒకటి లేదా రెండు రోజుల ముందు కొంతమంది స్వచ్ఛంద సేవకులు అవసరం. మీరు స్వచ్ఛంద సేవకులుగా ఉండాలనుకుంటే, దయచేసి నమోదు ఫారంలో తదనుగుణంగా సూచించండి.
మీ విరాళాల అవసరం ఉన్నది
ఈ కార్యక్రమాలను నిర్వహించడానికయ్యే వివిధ ఖర్చులను భరించడానికి మేము మీ సహకారాన్ని అభ్యర్థిస్తున్నాము. పరిమిత స్థోమత ఉన్న భక్తులు కూడా పాల్గొనేందుకు వీలుగా నమోదు రుసుము రాయితీని కూడి నిర్ణయించబడింది. ఈ రాయితీని అందించడానికి, తద్ద్వారా చిత్తశుద్ధిగల సాధకులందరికీ గురుదేవుల ఆతిథ్యాన్ని అందించడానికి మాకు వీలు కలిగించేందుకు పెద్ద మొత్తంలో విరాళాలు ఇవ్వగలిగిన వారందరికీ మా కృతజ్ఞతలు.
నమోదు మరియు విచారణల కోసం సంప్రదించాల్సిన వివరాలు
యోగదా సత్సంగ శాఖా మఠం — రాంచీ
పరమహంస యోగానంద పథ్
రాంచీ – 834 001
ఫోన్: (0651) 6655 555 (సోమ-శని, ఉదయం 9:00 నుండి సాయంత్రం 4:30 వరకు)
ఈ-మెయిల్: [email protected]
నూతన సందర్శకులు
వై.ఎస్.ఎస్. కు మరియు పరమహంస యోగానందగారి బోధనలకు కొత్తవారైతే, క్రింద ఉన్న లింక్ లను అన్వేషించడానికి ఇష్టపడవచ్చు:
ఒక యోగి ఆత్మకథ
ఒక అత్యుత్తమ ఆధ్యాత్మిక రచనగా ప్రపంచవ్యాప్తంగా ప్రశంసించబడుతున్న తమ పుస్తకం గురించి పరమహంసగారు తరచుగా, “నేను లేనప్పుడు ఈ పుస్తకం నా దూత అవుతుంది,” అనే వారు.
వై.ఎస్.ఎస్. పాఠాలు
మీరు ఊహించని విధంగా మీ జీవితాన్ని మార్చడానికి, సమతుల్యతను సాధించటానికి మరియు విజయవంతమైన జీవితాన్ని గడపడానికి మీకు సహాయపడే గృహ-అధ్యయన పాఠ్యక్రమం.
ఇతరులతో పంచుకోండి
