YSS/SRF-இன் தலைவரும் ஆன்மீக முதல்வருமான ஸ்வாமி சிதானந்த கிரி அவர்களும், SRF துணைத் தலைவர் ஸ்வாமி விஷ்வானந்த கிரி அவர்களும் இணைந்து SRF சர்வதேசத் தலைமையகத்தின் மறுசீரமைப்பு மற்றும் புனரமைப்புத் திட்டத்தின் பின்னணியில் உள்ள தொலைநோக்குப் பார்வையையும் ஊக்கத்தையும் விளக்குவதுடன், அந்தத் திட்டம் முழுமையடைந்தவுடன் எவ்வாறு இருக்கும் என்பதற்கான ஒரு “முன்னோட்டத்தையும்” பகிர்ந்து கொள்ளவிருக்கிறார்கள். இதில் இணைய உங்களை அன்புடன் வரவேற்கிறோம்.
SRF சர்வதேசத் தலைமையகம் (SRF மதர் சென்டர்), பரமஹம்ஸ யோகானந்தரால் 1925 ஆம் ஆண்டு லாஸ் ஏஞ்சலீஸில் நிறுவப்பட்டது. பண்டைய கிரியா யோக அறிவியலை மனிதகுலம் முழுவதற்கும் பரப்பும் அவரது உலகளாவிய ஆன்மீகப் பணிக்கான ஆன்மீக மற்றும் நிர்வாக மையமாக இது அமைக்கப்பட்டது.
செப்டம்பர் 12, சனிக்கிழமை அன்று இரவு 10:30 மணி (IST) முதல் லாஸ் ஏஞ்சலீஸில் உள்ள SRF சர்வதேசத் தலைமையகத்திலிருந்து நேரலையாக ஒளிபரப்பப்படும் இந்த நிகழ்ச்சியை அதன் பின்னரும் காணலாம்.
