மகாவதார பாபாஜி குகை புனித தலம், உலகெங்கிலும் உள்ள மெய்ப்பொருள் நாடுவோருக்கு ஒரு கலங்கரை விளக்கமாக மாறியுள்ளது. 1861 ஆம் ஆண்டில், இந்த பேறுபெற்ற இடத்தில் தான் அமரத்துவ பாபாஜி தனது மேன்மைமிகு சீடரான லாஹிரி மகாசயரை சந்தித்தார். அவர் மூலம், இழந்திருந்த கிரியா யோக விஞ்ஞானத்தை இந்த யுகத்திற்கு மீண்டும் உயிர்ப்பித்தார்.

நம் அன்பிற்குரிய குருதேவரின் ஒரு யோகியின் சுயசரிதம், வலைத்தளம் மற்றும் ஆன்லைன் ஊடகங்கள் வாயிலாக மகாவதார பாபாஜியைப் பற்றி மேலும் பலரும் அறிந்துகொள்வதால், முக்கியஸ்தர்கள் மற்றும் பிரமுகர்கள் உட்பட பெருகிவரும் பார்வையாளர்கள் — சில சமயங்களில் பேருந்துகளில் கூட்டமாக — இந்த மகத்தான அமரத்துவம் வாய்ந்த குருவின் ஆசிகளைப் பெற தினந்தோறும் இப்புனிதத் தலத்திற்கு யாத்திரை மேற்கொள்கின்றனர். சிலர் யோகதா சத்சங்க சொஸைடி ஆஃப் இந்தியா (YSS) மற்றும் ஸெல்ஃப்-ரியலைசேஷன் ஃபெலோஷிப் (SRF) பற்றி ஏற்கனவே அறிந்திருந்தாலும், பாபாஜியின் ஆசிகள் மூலம், கிரியா யோக விஞ்ஞானத்தை உலகிற்கு கொண்டு செல்ல யோகானந்தாஜி தான் இந்த அமைப்புகளை நிறுவினார் என்பதைப் பலர் இன்னும் அறியவில்லை.