స్మృతి మందిరం — యోగదా సత్సంగ శాఖా మఠం, రాంచీ

1950వ దశకంలో, యోగానందగారిని తన ప్రపంచవ్యాప్త కార్యం కోసం పశ్చిమ దేశాలకు నడిపించిన ఈ సందర్భాన్ని స్మరించుకొనేందుకు అదే ప్రదేశంలో ఒక చిన్న ధ్యాన మందిరం నిర్మించడం జరిగింది. 1960లలో ఒకసారి మరియు 1980లలో మరొకసారి ఈ మందిరానికి మార్పులు చేయడం జరిగింది.

యోగానందగారి 100వ జన్మదిన వార్షికోత్సవం సందర్భంగా, ఆయనకు తగిన విధంగా నివాళి అర్పించేందుకు ఈ పవిత్ర స్థలంలో ప్రత్యేక మందిరాన్ని నిర్మించాలని శ్రీ దయామాతగారు సంకల్పించారు.

1993లో యోగానందగారి జన్మదినం సందర్భంగా పూర్వపు వై.ఎస్.ఎస్. ధర్మాచార్యులు స్వామి భావానంద గిరి స్మృతి మందిరానికి పునాదిరాయి వేయడం జరిగింది. ఈ స్మారక ప్రాజెక్టు కోసం రాజస్థాన్ నుండి అనుభవజ్ఞులైన కార్మికుల బృందాన్ని పిలిపించడం జరిగింది; పాలరాళ్లతో గోపురం మరియు స్తంభాలను చెక్కడం వారి పని. శిల్పకళలో నైపుణ్యం కలిగిన మరొక బృందానికి పూజావేదిక మరియు కలువలను రూపొందించే బాధ్యత అప్పగించడం జరిగింది.

మార్చి 22, 1995న, యోగదా సత్సంగ సొసైటీ ఆఫ్ ఇండియా (వై.ఎస్.ఎస్.) స్థాపించబడిన 78వ వార్షికోత్సవంనాడు, ఈ మహా గురువుల జ్ఞాపకార్థం రాంచీలోని యోగదా సత్సంగ శాఖా మఠంలో తెల్లని పాలరాతిలో ఉన్న ఒక అందమైన స్మృతి మందిరాన్ని అంకితం చేయడం జరిగింది. 1,200 మందికి పైగా భక్తులు మరియు అతిథులు వీక్షిస్తుండగా, గురుదేవుల ప్రత్యక్ష శిష్యులలో ఒకరైన స్వామి ఆనందమోయి గిరి స్మృతి మందిరాన్ని వ్యక్తిగత ధ్యానం కోసం ప్రారంభించడం జరిగింది. ఈ ప్రత్యేక కార్యక్రమానికి గుర్తుగా, వారం రోజులపాటు స్మృతి మందిర సమర్పణ సంగమం నిర్వహించబడింది.

1995లో అంకితం చేయబడినప్పటి నుండి, దాని విశిష్టమైన ఆధ్యాత్మిక ప్రాముఖ్యత మరియు నిర్మాణ సౌందర్యంతో, రాంచీలోని యోగదా సత్సంగ శాఖా మఠాన్ని సందర్శించే భక్తుల దృష్టిని స్మృతి మందిరం ఆకర్షిస్తోంది.

భక్తులు మరియు సందర్శకుల వ్యక్తిగత ధ్యానం కోసం ఈ మందిరం రోజంతా తెరిచి ఉంటుంది.