தோழமை: அனைத்து உறவுகளின் அடித்தளம்
பரமஹம்ஸ யோகானந்தர், “த ஸ்பிரிசுவல் எக்ஸ்ப்ரஷன் ஆஃப் ஃப்ரண்ட்ஷிப்” என்ற புத்தகத்தில், உங்கள் ஆன்மாவின் உன்னத குணங்களை வெளிப்படுத்தும் பயணத்தில் உங்களை வழிநடத்தும்போது, அனைவருக்கும் நண்பராக இருப்பதன் ஆனந்தத்தை உணர்ந்தறியுங்கள்.
சிறப்பாக விளக்கப்பட்ட ஹார்ட்கவர் அன்பளிப்புப் பதிப்பாக ஜனவரியில் கிடைக்கப் பெறும்
உங்கள் உறவில் மாற்றம் செய்து கொள்ளுங்கள்
உலகப் புகழ்பெற்ற ஆன்மீக குருவான பரமஹம்ஸ யோகானந்தர், உண்மையான தோழமை உணர்வு எவ்வாறு ஒவ்வொரு உறவையும் அன்பு, வளர்ச்சி மற்றும் தெய்வீகத்துடனான ஒருமையின் அனுபவமாக மாற்றுகிறது என்பதை விளக்குகிறார்.
ஆசிரியரைப் பற்றி
ஒரு சிறந்த எழுத்தாளர் மற்றும் விரிவுரையாளரான யோகானந்தர், தியானம் மற்றும் சமநிலையான வாழ்க்கை குறித்து ஏராளமான படைப்புகளை உருவாக்கியுள்ளார். அதிக விற்பனையாகும் அவரது ஆன்மீக உன்னதமான ஒரு யோகியின் சுயசரிதம் மற்றும் தாக்கத்தை ஏற்படுத்தும் பிற படைப்புகள் மூலம், யோகானந்தரின் வாழ்க்கை மற்றும் போதனைகள் உலகெங்கிலும் உள்ள ஆன்மீகவாதிகளுக்கு ஓர் உத்வேகமாகத் தொடர்ந்து இருந்து வருகின்றன. “த ஸ்பிரிசுவல் எக்ஸ்ப்ரஷன் ஆஃப் ஃப்ரண்ட்ஷிப்” என்ற படைப்பு, ஆன்மீக ஞானத்தை நடைமுறை வழிகாட்டுதலுடன் பிணைக்கும் யோகானந்தரின் திறனை எடுத்துக்காட்டுகிறது.
புத்தகத்தைப் பற்றி
உறவுகளில் இதயப்பூர்வ தொடர்புகளைத் தேடுபவர்களுக்கு “த ஸ்பிரிசுவல் எக்ஸ்ப்ரஷன் ஆஃப் ஃப்ரண்ட்ஷிப்” ஒரு வழிகாட்டும் ஒளியாகும். யோகானந்தர் 1930-களில் எழுதிய கட்டுரைகளை உள்ளடக்கிய இப்புத்தகம், பொதுவாகப் புரிந்து கொள்ளப்படாத நட்பின் ஆன்மீக பரிமாணங்களை வெளிப்படுத்துகிறது. நட்பு அதன் தூய்மையான வடிவத்தில் தொடரப்படும்போது, அனைத்து உயிர்களுடனும் ஒன்றிணைக்கும் தெய்வீக உறவை உணரக்கூடிய உயர்ந்த உணர்வுக்கு நம்மை அழைத்துச் செல்லும் ஆற்றலைக் கொண்டுள்ளது என்பதை யோகானந்தர் விளக்குகிறார்.
ஒற்றுமைக்கான சரியான நேரத்திய செய்தி
மானுட உணர்வுநிலையை இணைக்கும் அடிப்படை இழையை நாடவும், அனைவருடனுமான நமது உறவை உணரவும் யோகானந்தர் நம்மை அழைக்கிறார். தன்னலமற்ற சேவை, கருணை மற்றும் பரிவு போன்ற தெய்வீக நட்பின் கோட்பாடுகளை பின்பற்றுவதன் மூலம், நாடு, இனம் மற்றும் மதத்தின் பிரிவினைகளைக் கடந்து, இறுதியில் நமது உண்மையான இயல்பை ஆன்மாவாக அடையாளம் காண முடியும். உண்மையான நட்பு என்பது ஆன்ம-அனுபூதிக்கான உலகளாவிய பாதை மற்றும் அனைத்து ஆன்மாக்களையும் அன்பில் ஒன்றிணைக்கும் தெய்வீகத் திட்டம் ஆகியவற்றின் ஒரு ஒருங்கிணைந்த பகுதியாகும்.
இதயம் மற்றும் ஆன்மாவின் பரஸ்பரத் தொடர்பு
கவிதை, உரைநடை, சங்கல்பங்கள் மற்றும் ஆழ்ந்த ஆன்மீகத் தேடல் ஆகியவற்றின் கலவையான, த ஸ்பிரிசுவல் எக்ஸ்ப்ரஷன் ஆஃப் ஃப்ரண்ட்ஷிப் அமைதியான சிந்தனை தருணங்களுக்கு ஒரு துணை. ஒவ்வொரு பக்கமும் உங்களை உயர்த்துகிறது, ஊக்குவிக்கிறது மற்றும் மெதுவாக உங்களை உள்முகமாக இழுக்கிறது – உங்களுடனும், மற்றவர்களுடனும், யோகானந்தாஜி “எல்லா நண்பர்களுக்கும் பின்னால் மறைந்திருக்கும் ஒரே நண்பர்” என்று குறிப்பிடும் இறைவனுடனும் புதுப்பிக்கப்பட்ட தொடர்பை ஏற்படுத்துவதற்கான நுழைவாயிலைத் திறக்கிறது.
புத்தகத்திலிருந்து சில முக்கிய தலைப்புகள்
ரியலைஸ் யுவர் கின்ஷிப் வித் ஆல் ஹியூமனிடி
ஸ்ர்வ் ஒன் அனதர் — த கிநோட் ஆஃப் ட்ரூ ஃப்ரெண்ட்ஷிப்
பி ட்ரூ டு யுவட்ஸெல்ஃப் அண்ட் அதர்ஸ்
புத்தகத்திலிருந்து அகத் தூண்டுதல்
“நண்பர்களிடையே நிலவும் உறவுதான், மனித அன்புகளிலேயே மிகச் சிறப்பானது….நம் அன்புக்குரியவரின் பரிபூரணத்துவத்தை விரும்பி, அந்த ஆன்மாவை நினைப்பதில் தூய்மையான மகிழ்ச்சியை அனுபவிப்பது தெய்வீக அன்பாகும்; அதுதான் உண்மையான நட்பின் அன்பாகும்.”
“நட்பினால் தூய்மையாக்கப்பட்ட இதயம் ஒருமைக்கான ஒரு வாயிலைத் திறக்கிறது. அதன் மூலம், உங்களை நேசிப்பவர்கள், நேசிக்காதவர்கள் உட்பட, சகோதரத்துவத்தின் ஆலயத்திற்குள் மற்ற ஆன்மாக்களை அழைக்க வேண்டும்.”
“அன்பைத் தேடுபவர்கள் பலர், ஆனால் அன்பு என்றால் என்ன அல்லது அதை எவ்வாறு கண்டு உணர்வது என்று அறிந்தவர்கள் சிலரே. அன்பு என்பது எல்லையற்றவனின் இதயத்திலிருந்து தடங்களாக இருக்கும் மனித ஆன்மாக்களிலும் மற்றவற்றிலும் பாயும் கண்ணுக்குத் தெரியாத பேரின்ப நீர்த்தேக்கம். அன்பு என்பது மற்றவர்களின் உண்மையான மகிழ்ச்சியில் கொள்ளும் ஆனந்தமே ஆகும்.”
“உங்களுக்கும் மற்றவர்களுக்கும் உண்மையாக இருங்கள், அப்பொழுது நீங்கள் இறைவனின் நட்பைப் பெறுவீர்கள். மற்றவர்களிடத்தில் உங்கள் அன்பை உணரச் செய்தவுடன், அது விரிவடைந்து, எல்லா இதயங்களிலும் பாயும் ஒரே பிரபஞ்ச அன்பாக மாறும்.”
“இரண்டு ஆன்மாக்களுக்கு இடையே உண்மையான நட்பு நிலவி, அவர்கள் இருவரும் சேர்ந்து ஆன்மீக அன்பையும் இறை அன்பையும் நாடும்போது, ஒருவருக்கொருவர் சேவை செய்வதே அவர்களின் ஒரே விருப்பமாக இருக்கும்போது, அவர்களின் நட்பு பரம்பொருளின் ஒளிப்பிழம்பை உருவாக்குகிறது.”
மனதைத் திறக்கும் ஒரு வாசிப்பு
“த ஸ்பிரிசுவல் எக்ஸ்ப்ரஷன் ஆஃப் ஃப்ரண்ட்ஷிப்” எல்லோருடனும் ஆரோக்கியமான மற்றும் மகிழ்ச்சியான உறவுகளை வளர்ப்பதற்கான தெளிவான, நடைமுறை அணுகுமுறையை வழங்குகிறது. உத்வேகம், இணைப்பு அல்லது சிந்தனைமிக்க பரிசைத் தேடும் வாசகர்களுக்கு இது மிகவும் ஏற்றது. இந்த காலத்தால் அழியாத வழிகாட்டி, மேம்பட்ட சிந்தனைகளை வழங்குகிறது. மேலும் ஒவ்வொரு அனுபவத்திலும் நம் கூடவே இருக்கும் ஒரே நண்பனான இறைவனின் தெய்வீக இருப்பை உள்ளடக்கியதாக நட்பைப் பற்றிய நமது புரிதலை விரிவாக்குகிறது.”
