யோகதா சத்சங்க கிளை ஆசிரமம் — நொய்டா
MENU
ஜனவரி 3, 2010 அன்று திறந்து வைக்கப்பட்ட யோகதா சத்சங்க கிளை ஆசிரமம், நொய்டா, ஸ்ரீ ஸ்ரீ பரமஹம்ஸ யோகானந்தரின் ஆன்மீக மற்றும் மனிதநேயப் பணிகளைத் தொடர்ந்து முன்னெடுத்துச் செல்வதற்காக அர்ப்பணிக்கப்பட்ட YSS இன் ஐந்து இந்திய ஆசிரமங்களில் ஒன்றாகும்.
டெல்லி-உத்தரப் பிரதேச எல்லையிலிருந்து வெறும் நான்கு கிலோமீட்டர் தொலைவில், ஐந்து ஏக்கர் வளாகத்தில் அமைந்துள்ள இந்த ஆசிரமம், நவீன நகர வாழ்க்கையின் பரபரப்பான சூழலில், தேசிய தலைநகர் பிராந்தியத்தில் (NCR) அமைதியையும் புத்துணர்ச்சியையும் தேடுபவர்களுக்கு ஒரு புனித அமைதித் தலமாக விளங்கும் ஆன்மீகச் சோலையாகத் திகழ்கிறது.
நம் ஆசிரமத்தின் புனித சூழலுக்கு உங்களை அன்புடன் அழைக்கிறோம். இங்கு உங்கள் மனத்தையும் ஆன்மாவையும் உயர்த்தும் அமைதியான அதிர்வுகளை நீங்கள் உணரலாம். இங்கு நீங்கள் நம் சன்னியாசிகளிடமிருந்து YSS போதனைகளை கற்றல் மற்றும் பயிற்சியில் ஆன்மீக ஆலோசனையையும் வழிகாட்டுதலையும் பெறலாம்.
தியான மந்திர்
ஆசிரமத்தின் மையப்பகுதியில் அமைந்துள்ளது தியான மந்திர், விசாலமான மற்றும் அமைதியான தியான மண்டபம். பக்திப் பூர்வமான ஒன்று கூடல்களுக்கும் ஆழ்ந்த அமைதியில் திளைக்கப் பயில்வதற்கும் வடிவமைக்கப்பட்டுள்ளது, இந்த மண்டபம், தினசரி தியானங்கள், கூட்டு ஏகாந்த வாசம், சங்கங்கள் மற்றும் சிறப்பு ஆன்மிக நிகழ்ச்சிகளுக்கு அமைதியும் ஆனந்தமும் நிறைந்த சூழலை வழங்குகிறது. இதன் அமைதியான, சிந்தனைக்குகந்த சூழல், பக்தர்கள் தங்களுக்குள் ஆழ்ந்து சென்று இறைவனுடன் ஒத்திசைந்திருப்பதன் ஆனந்தத்தையும் அமைதியையும் உணர வழிவகுக்கிறது.
ஆசிரம மைதானம் மற்றும் வசதிகள்
ஆசிரமத்தின் அழகாக வடிவமைக்கப்பட்ட தியானப் பகுதிகளுக்கு மத்தியில், குருதேவர் பரமஹம்ஸ யோகானந்தரின் உருவப்படம் கொண்ட தோட்ட பீடம் அமைந்துள்ளது. இது பார்வையாளர்களுக்குத் தியானம், பிரார்த்தனை மற்றும் ஆழ்ந்து சிந்தித்தல் ஆகியவற்றுக்கு அமைதியான சூழலை வழங்குகிறது. ஆசிரம வளாகம் பூத்துக் குலுங்கும் மரங்கள், செழிப்பான பசுமையான புல்வெளிகள் மற்றும் நிழல் தரும் நடைபாதைகளால் மிளிர்கிறது; இது ஆன்மீகப் பயிற்சிக்கு உகந்த ஒரு அமைதியான சூழலை உருவாக்குகிறது.
நிர்வாகத் தொகுதியானது ஆசிரமத்தின் முக்கிய மையமாகச் செயல்படுகிறது; மேலும் இதில் வரவேற்பறை, புத்தக அறை மற்றும் நூலகம், ஆலோசனை அறைகள், சமையலறை மற்றும் உணவுக்கூட வசதிகள், அலுவலகங்கள் மற்றும் சன்னியாசிகளுக்கான தங்குமிடங்கள் ஆகியவை அமைந்துள்ளன. இது முன்பதிவுக்கு உட்பட்டு, NCR வழியாகப் பயணம் செய்யும் பக்தர்களுக்கு குறுகிய காலத்திற்கான தங்குமிட வசதியையும் வழங்குகிறது.
சிறப்பு ஏகாந்த வாச வாய்ப்புகள்
நொய்டா ஆசிரமத்தின் ஒரு சிறப்பம்சம், பக்தர்களின் ஆன்மீக ஏகாந்த வாசத்திற்கு உதவும் வகையில் கட்டப்பட்டுள்ள இரண்டு ஏகாந்த வாசத் தொகுதிகள் ஆகும். ஆண்கள் மற்றும் பெண்களுக்கு தனித்தனி வசதிகளுடன், ஒவ்வொரு தொகுதியும் 30 தனி அறைகளைக் கொண்டுள்ளன; இவை ஆன்மீக ஆய்வு, தியானம் மற்றும் சுயபரிசோதனை செய்வதற்கு உகந்த தனிமையை வழங்குகின்றன. பக்தர்கள் தங்கள் ஆன்மீகப் பயிற்சியை ஆழப்படுத்தவும், அங்கு தங்கியிருக்கும் சன்னியாசிகளிடமிருந்து ஆன்மீக ஆலோசனைகளையும் வழிகாட்டுதல்களையும் பெறவும், தனிப்பட்ட ஏகாந்த வாசங்களை மேற்கொள்ள வரவேற்கப்படுகிறார்கள்.
மேலும், இந்த ஆசிரமம், பெரும்பாலும் வார இறுதி நாட்களில் YSS சன்னியாசிகள் வழிநடத்தும், கூட்டு ஏகாந்த வாச நிகழ்ச்சிகளைத் தொடர்ந்து நடத்தி வருகிறது. இந்த ஏகாந்த வாசங்கள், நமது அன்பிற்குரிய குருதேவரின் எப்படி-வாழ-வேண்டும் கோட்பாடுகள் மற்றும் ஒருமுகப்படுத்துதல் மற்றும் தியான உத்திகள் ஆகிய அவரது போதனைக்ளிலிருந்து பெறப்பட்ட குறிப்பிட்ட கருப்பொருள்களை அடிப்படையாகக் கொண்டு வடிவமைக்கப் படுகின்றன.
குழந்தைகள் சத்சங்கம்
YSS நொய்டா ஆசிரமம் ஒவ்வொரு ஞாயிற்றுக்கிழமையும் குழந்தைகளுக்கான சத்சங்கம் நடத்துகிறது. இது இளம் உள்ளங்களுக்கு, இனிமையான மற்றும் ஈடுபாட்டுடன் கூடிய சூழலில், பரமஹம்ஸ யோகானந்தரின் எப்படி-வாழ-வேண்டும் கோட்பாடுகளை ஊக்கமளிக்கும் வகையில் அறிமுகப்படுத்துகிறது. தன்னார்வலர்களின் வழிகாட்டுதலுடன், குழந்தைகள் சக்தியூட்டும் உடற்பயிற்சிகள், குறுகிய நேர தியானம், கீதம் இசைத்தல், கதை சொல்லுதல் மற்றும் படைப்பாற்றல், ஒருமுகப்படுத்தும் திறன், நற்பண்பு ஆகியவற்றை வளர்ப்பதோடு, இறைவனுடன் அன்பான தனிப்பட்ட உறவை ஏற்படுத்திக்கொள்ளும் வகையில் வடிவமைக்கப்பட்ட பிற குழுச் செயல்பாடுகளிலும் பங்கேற்கின்றனர்.
அறப்பணி மற்றும் மனிதநேயப் பணிகள்
YSS நொய்டா ஆசிரமம், நொய்டா மற்றும் அதன் சுற்றுப்புறங்களில் உள்ள ஏழை எளிய மக்களுக்காக நிவாரணப் பணிகள், மருத்துவ உதவி மற்றும் கல்வி உதவித் திட்டங்கள் உள்ளிட்ட பல்வேறு அறப்பணிகளிலும் ஈடுபட்டு வருகிறது. இந்த ஆசிரம வளாகத்தில், பள்ளி மாணவர்களுக்கான இலவசப் பயிற்சி மையம், மருத்துவமனை மற்றும் மருந்தகம் ஆகியவை செயல்பட்டு வருகின்றன. இங்கு தகுதியும் அனுபவமும் வாய்ந்த மருத்துவர்களும் ஆசிரியர்களும் பணியாற்றுகின்றனர் — அவர்களில் பெரும்பாலோர் தன்னார்வலர்களாக பணியாற்றும் YSS பக்தர்கள்.
பரமஹம்ஸ யோகானந்தா ஸ்வர்ண பால வாடிகா போன்ற சமூகத்தின் வசதி குறைந்த பிரிவினரைச் சேர்ந்த மாணவர்களுக்கு கல்வி அளிக்கும் சில பள்ளிகளுக்கும் இந்த ஆசிரமம் உதவி வழங்குகிறது, இது ஒரு பக்தரால் அவரது இல்லத்தில் நடத்தப்படும் ஏழை குழந்தைகளுக்கான முறைசாரா பயிற்சி மையமாகும்.
YSS-க்கு புதியவரா?
வீட்டிலிருந்தே பயிலக்கூடிய பாடத்திட்டமான YSS பாடங்கள், நீங்கள் கற்பனை செய்து கூடப் பார்த்திராத வகையில் உங்கள் வாழ்க்கையை எவ்வாறு மாற்றியமைக்கின்றன என்பதையும், சமச்சீரான மற்றும் வெற்றிகரமான வாழ்க்கையை வாழ அவை எவ்வாறு உதவுகின்றன என்பதையும் பற்றி மேலும் அறிந்துகொள்ளுங்கள்.
வாராந்திர நிகழ்ச்சிகள்
நாங்கள் வழக்கமான தியானம் மற்றும் சத்சங்கங்கள் வழங்குகிறோம், அவற்றில் பொதுமக்களும் கலந்து கொள்ளலாம். இந்த அமர்வுகளில் மௌன தியானம், பக்திபூர்வமாக இசைத்தல் மற்றும் உத்வேகம் அளிக்கும் வாசிப்பு ஆகியவை இருக்கும்.
இந்த அமர்வுகளில், 6 முதல் 12 வயது வரையிலான குழந்தைகள் கதைசொல்லல், சுருக்கமான வழிநடத்தப்பட்ட தியானங்கள் மற்றும் பிற கலந்துரையாடல் வழி கற்றல் முறைகள் போன்ற சுவாரஸ்யமான நிகழ்ச்சிகள் மூலம் YSS போதனைகள் மற்றும் வாழ்க்கை முறையைப் பற்றி அறிந்து கொள்கிறார்கள். மேலும் அறிந்து கொள்ள.
புதிய தகவல்களையும் நிகழ்ச்சி அறிவிப்புகளையும் பெற YSS இ-நியூஸ் க்கு பதிவு செய்யுங்கள்
வரவிருக்கும் சிறப்பு நிகழ்வுகள் & நீண்ட தியானங்கள்
தியானம் (YSS சன்னியாசிகள் வழிநடத்தும்): காலை 7:00 - இரவு 7:00 - சனிக்கிழமை மற்றும் ஞாயிற்றுக்கிழமை
உங்கள் வருகையைத் திட்டமிடுங்கள்
நீங்கள் பகலில் ஆசிரமத்திற்கு வர விரும்புகிறீர்களா?
YSS நொய்டா ஆசிரமம் அனைத்து நாட்களிலும் திறந்திருக்கும். கூட்டு தியானத்தில் கலந்துகொள்ளவும், ஞாயிற்றுக்கிழமை சத்சங்கத்தில் பங்கேற்கவும் அல்லது ஆசிரம வளாகத்தின் அமைதியை அனுபவித்து மகிழவும் உங்களை அன்புடன் வரவேற்கிறோம். ஆசிரமத்தை வழிகாட்டியுடன் சுற்றிப்பார்க்க நீங்கள் விரும்பினால், சந்திப்பு நேரம் பெற எங்கள் வரவேற்பு மேசையைத் தொடர்புகொள்ளுங்கள்.
பார்வை நேரம்:
- ஆசிரம வளாகம் மற்றும் தியான மந்திர் – தினமும் காலை 7:00 மணி முதல் இரவு 7:00 மணி வரை அனைத்து வருகையாளர்களுக்கும் திறந்திருக்கும்
- வரவேற்பு மற்றும் புக் ரூம்:
- திங்கள் முதல் சனிக்கிழமை வரை – காலை 9:00 மணி முதல் மாலை 5:00 மணி வரை
- ஞாயிற்றுக்கிழமை – காலை 11:30 மணி முதல் மாலை 5:00 மணி வரை
ஆசிரமத்தில் தனிப்பட்ட ஏகாந்த வாசம் அனுசரிக்க திட்டமிடுங்கள் அல்லது வழிநடத்தப்படும் ஓர் ஏகாந்த வாச நிகழ்ச்சியில் கலந்து கொள்ளுங்கள்.
YSS/SRF பாட மாணவர்கள் ஏழு நாட்கள் வரை ஆசிரமத்தில் தங்கலாம். தனிப்பட்ட ஏகாந்தவாசத்திலோ அல்லது ஒரு வழிகாட்டப்பட்ட ஏகாந்தவாசத்திலோ உத்வேகமுற்று புத்துணர்ச்சி பெற எங்களுடன் சேருமாறு பக்தர்களை ஊக்குவிக்கிறோம். இந்த ஏகாந்தவசங்களின் போது, நீங்கள் ஒரு நாளைக்கு இரண்டு முறை YSS சன்னியாசிகள் நடத்தும் கூட்டு தியானங்களில் பங்கேற்கலாம், மேலும் யோகதா சத்சங்க போதனைகளின் ஆய்வு மற்றும் பயிற்சியில் ஆன்மீக ஆலோசனையும், வழிகாட்டுதலையும் பெறலாம்.
ஆசிரமத்தில் தங்குமிட வசதி கோர கீழே உள்ள பட்டனைக் கிளிக் செய்யுங்கள்.
எங்களை தொடர்பு கொள்ளவும்
எவ்வாறு சென்றடைவது
நொய்டா செக்டர் 62-ல் அமைந்துள்ள YSS நொய்டா ஆசிரமம் விமானம், ரயில் மற்றும் சாலைப் போக்குவரத்து மூலம் நாடு முழுவதுடன் சிறப்பான இணைப்புகளைப் பெற்றுள்ளது. மேலும், டெல்லி-NCR முழுவதும் விரிவான மெட்ரோ ரயில் சேவையும் இயங்கி வருகிறது. உங்கள் பயணத்திற்கு மிகவும் ஏற்ற போக்குவரத்து முறையைத் தேர்ந்தெடுக்க, கீழே கொடுக்கப்பட்டுள்ள விவரங்களைப் படிக்கவும்.
YSS நொய்டா ஆசிரமத்தை, டெல்லி-NCR மற்றும் அதைச் சுற்றியுள்ள பகுதிகளுக்குச் சேவை வழங்கும் மூன்று விமான நிலையங்களிலிருந்தும் எளிதாகச் சென்றடையலாம். மூன்று விமான நிலையங்களிலும் முன்கூட்டியே கட்டணம் செலுத்தி பதிவு செய்யும் டாக்சிகள் மற்றும் Ola, Uber போன்ற செயலி அடிப்படையிலான வாடகைக் கார் சேவைகள் கிடைக்கின்றன.
இந்திரா காந்தி சர்வதேச விமான நிலையம் (DEL), புது டெல்லி:
சுமார் 32 கி.மீ. தொலைவில் அமைந்துள்ள இது, ஆசிரமத்திற்கு அருகிலுள்ள முக்கியமான சர்வதேச மற்றும் உள்நாட்டு விமான நிலையமாகும். இந்தியாவின் முக்கிய நகரங்களுக்கும், உலகெங்கிலும் உள்ள பல்வேறு இடங்களுக்கும் இங்கிருந்து விரிவான விமான இணைப்புகள் உள்ளன. இங்கிருந்து ஆசிரமத்தைச் சாலை வழியாகச் சென்றடைய பொதுவாக சுமார் 1 மணி நேரம் ஆகும்.
நொய்டா சர்வதேச விமான நிலையம் (DXN), ஜேவர், உத்தரப் பிரதேசம்:
ஆசிரமத்திலிருந்து சுமார் 70 கி.மீ. தொலைவில் அமைந்துள்ள ஓரளவு புதிய இந்த விமான நிலையம், தற்போது உள்நாட்டு விமானப் போக்குவரத்தை மட்டுமே வழங்குகிறது. இந்த விமான நிலையத்திலிருந்து யமுனா எக்ஸ்பிரஸ்வே வழியாக நொய்டாவை நோக்கி நேரடி சாலை இணைப்பு உள்ளது. ஆசிரமத்திற்கான பயண நேரம் சுமார் 1½ முதல் 2 மணி நேரம் ஆகும்.
ஹிண்டன் விமான நிலையம் (HDO), காசியாபாத், உத்தரப் பிரதேசம்:
ஆசிரமத்திலிருந்து சுமார் 16 கி.மீ. தொலைவில் அமைந்துள்ள ஹிண்டன் விமான நிலையம், இந்தியாவின் குறிப்பிட்ட சில நகரங்களிலிருந்து வரும் பயணிகளுக்கு மேலே குறிப்பிடப்பட்டுள்ள விமான நிலையங்களுக்கு ஒரு வசதியான மாற்று வழியாக அமையும் உள்நாட்டு விமான நிலையமாகும். இங்கிருந்து ஆசிரமத்தைச் சாலை வழியாகச் சென்றடைய சுமார் 30–35 நிமிடங்கள் ஆகும்.
தயவுசெய்து பயணத்தைத் திட்டமிடுவதற்கு முன், சமீபத்திய விமான நேர அட்டவணைகள் மற்றும் விமான நிலையத் தகவல்களைச் சரிபார்க்கவும்.
நொய்டாவில் உள்ள YSS ஆசிரமத்தை சென்றடைய, நாட்டின் பல்வேறு பகுதிகளிலிருந்து வரும் ஏராளமான நீண்டதூர எக்ஸ்பிரஸ் மற்றும் சூப்பர்ஃபாஸ்ட் ரயில்கள் சேவையின் மூலம், டெல்லி-NCR பகுதியில் உள்ள கீழ்க்கண்ட ரயில் நிலையங்களில் ஏதேனும் ஒன்றில் வருகையாளர்கள் இறங்கலாம். இந்த ரயில் நிலையங்களில் ஏதேனும் ஒன்றிலிருந்து, வருகையாளர்கள் டாக்சி, செயலி மூலம் முன்பதிவு செய்யப்படும் வாடகைக் கார் அல்லது ஆட்டோ மூலம் ஆசிரமத்தைத் தொடர்ந்து சென்றடையலாம். டெல்லி மெட்ரோ மூலம் பயணம் செய்வது பற்றிய தகவல்களுக்கு, கீழே உள்ள “மெட்ரோ மூலம்” பகுதியைப் பார்க்கவும்.
புது டெல்லி ரயில் நிலையம் (NDLS):
புது டெல்லி ஒரு முக்கியமான ரயில் மையமாகும். வடக்கு, மேற்கு, மத்திய, கிழக்கு மற்றும் தென்னிந்தியாவின் பல்வேறு பகுதிகளுடன் இங்கிருந்து சிறப்பான ரயில் இணைப்புகள் உள்ளன. மும்பை, அகமதாபாத், கொல்கத்தா, ராஞ்சி, புவனேஸ்வர், திப்ருகர் மற்றும் ஜம்மு போன்ற நகரங்களிலிருந்து ராஜ்தானி மற்றும் துரந்தோ எக்ஸ்பிரஸ் ரயில்கள் இயக்கப்படுகின்றன. ஆசிரமம் ரயில் நிலையத்திலிருந்து சுமார் 20 கி.மீ. தொலைவில் உள்ளது. சாலை வழியாக ஆசிரமத்தைச் சென்றடைய சுமார் 40–45 நிமிடங்கள் ஆகும்.
பழைய டெல்லி ரயில் நிலையம் (DLI):
டெல்லி சந்திப்பு (Delhi Junction) என்றும் அழைக்கப்படும் இந்த ரயில் நிலையம், இந்தியாவின் வடக்கு, மேற்கு மற்றும் கிழக்குப் பகுதிகளுடன் சிறப்பான ரயில் இணைப்புகளைக் கொண்டுள்ளது. ஆசிரமம் இந்த ரயில் நிலையத்திலிருந்து சுமார் 22 கி.மீ. தொலைவில் உள்ளது. சாலை வழியாகச் செல்ல பொதுவாக 40–45 நிமிடங்கள் ஆகும்.
ஹஸ்ரத் நிஜாமுதீன் ரயில் நிலையம் (NZM):
ஆசிரமத்திலிருந்து சுமார் 18 கி.மீ. தொலைவில் அமைந்துள்ள ஹஸ்ரத் நிஜாமுதீன் ரயில் நிலையம், இந்தியாவின் வடக்கு, மேற்கு, மத்திய, தெற்கு மற்றும் கிழக்குப் பகுதிகளுடன் நேரடி ரயில் இணைப்புகளைக் கொண்ட முக்கியமான நீண்டதூர ரயில் நிலையமாகும். ஆசிரமத்தைச் சாலை வழியாகச் சென்றடைய பொதுவாக 35–40 நிமிடங்கள் ஆகும்.
காசியாபாத் ரயில் நிலையம் (GZB):
ஆசிரமத்திலிருந்து சுமார் 10 கி.மீ. தொலைவில் அமைந்துள்ள காசியாபாத், டெல்லி-NCR பகுதிக்கு சேவை வழங்கும் முக்கியமான ரயில் சந்திப்பாகும். உத்தரப் பிரதேசம், உத்தரகாண்ட் மற்றும் அருகிலுள்ள பகுதிகளிலிருந்து வரும் பயணிகளுக்கு இது குறிப்பாக வசதியானது. இங்கிருந்து சாலை வழியாக ஆசிரமத்தைச் சென்றடைய பொதுவாக 25–30 நிமிடங்கள் ஆகும்.
ஆனந்த் விஹார் டெர்மினல் (ANVT):
ஆனந்த் விஹார் டெல்லியில் உள்ள மற்றொரு முக்கியமான நீண்டதூர ரயில் முனையமாகும். ஆசிரமம் இந்த ரயில் முனையத்திலிருந்து சுமார் 9 கி.மீ. தொலைவில் உள்ளது. சாலை வழியாக ஆசிரமத்தைச் சென்றடைய சுமார் 25–30 நிமிடங்கள் ஆகும்.
உங்கள் பயணத்தைத் திட்டமிடுவதற்கு முன், இந்திய ரயில்வே இணையதளத்தில் சமீபத்திய ரயில்களின் நேர அட்டவணை மற்றும் இருக்கை கிடைக்கும் நிலை ஆகியவற்றைச் சரிபார்க்கவும்.
நொய்டா மற்றும் அருகிலுள்ள பேருந்து முனையங்களான ISBT ஆனந்த் விஹார் மற்றும் காஷ்மீரி கேட் ஆகிய இடங்களுக்கு நகரங்களுக்கு இடையேயான பேருந்து சேவைகள் இயக்கப்படுகின்றன. இந்த இடங்களிலிருந்து ஆசிரமத்திற்குத் மேலும் பயணம் செய்ய டாக்சிகள் மற்றும் ஆட்டோக்கள் கிடைக்கின்றன.
கார் அல்லது டாக்சி மூலம் பயணம் செய்யும் பக்தர்கள், எங்களுடைய Google Maps இணைப்பைப் பின்பற்றி நொய்டா ஆசிரமத்தை அடையலாம்.
டெல்லியிலிருந்து சாலை வழி/பயண வழிகாட்டுதல்:
- டெல்லியிலிருந்து டெல்லி–மீரட் எக்ஸ்பிரஸ்வே (NE-3) வழியாகச் செல்லவும்.
- உங்கள் இடதுபுறத்தில் அக்ஷர்தாம் கோயிலை கடந்து, சுமார் 8.5 கி.மீ. நேராகத் தொடர்ந்து செல்லவும்.
- செக்டர் 62 / நொய்டா நோக்கிச் செல்லும் வெளியேறும் பாதையை (Exit) எடுத்துக்கொள்ளவும்.
- செக்டர் 62 காவல் சாவடி சந்திப்பை அடைந்து, வலதுபுறம் திரும்பவும்.
- பரமஹம்ஸ யோகானந்தர் மார்க் சாலைக்குச் செல்ல மூன்றாவது இடதுபுறத் திருப்பத்தை எடுக்கவும்.
- பரமஹம்ஸ யோகானந்தர் மார்க்கில், முதல் வலதுபுறத் திருப்பத்தை எடுக்கவும்.
- திரும்பியவுடன், உங்கள் இடதுபுறத்தில் இருக்கும் முதல் கட்டடமே YSS நொய்டா ஆசிரமம் ஆகும்.
அருகிலுள்ள முக்கிய அடையாளங்கள்:
- ஒகாயா கட்டிடத்திற்கு அடுத்ததாக
- IIM லக்னோ, நொய்டா வளாகத்திற்கு எதிரே
- ஃபோர்டிஸ் மருத்துவமனை நொய்டாவிலிருந்து, சுமார் 2–3 கி.மீ. தொலைவில்
ஆசிரமம் இந்த நிலையத்திலிருந்து சுமார் 2 கி.மீ. தொலைவில் உள்ளது. டாக்சி அல்லது ஆட்டோ மூலம் ஆசிரமத்தைச் சென்றடைய சுமார் 10 நிமிடங்கள் ஆகும். விமான நிலையம், ரயில் நிலையம், பேருந்து முனையம் அல்லது டெல்லி–NCR பகுதியில் உள்ள பிற இடங்களிலிருந்து ஆசிரமத்திற்கு வரும் பயணிகளுக்கு, மெட்ரோ பொதுவாக குறைந்த செலவிலான பயண வசதியாக இருக்கும்.
இந்திரா காந்தி சர்வதேச விமான நிலையத்திலிருந்து (70–80 நிமிடங்கள்):
டெர்மினல் 1 மற்றும் டெர்மினல் 3 ஆகிய இரு முனையங்களிலிருந்தும் மெட்ரோ சேவைகள் கிடைக்கின்றன.
- டெர்மினல் 1 – IGI விமான நிலையத்திலிருந்து மெஜந்தா லைன் மெட்ரோவில் பயணம் செய்து பொட்டானிக்கல் கார்டன் நிலையத்தில் இறங்கவும். அங்கிருந்து ப்ளூ லைன் (நொய்டா எலக்ட்ரானிக் சிட்டி நோக்கிச் செல்லும் ரயில்) மெட்ரோவிற்கு மாறி, நொய்டா செக்டர் 62 மெட்ரோ நிலையத்தில் இறங்கவும்.
- டெர்மினல் 3 – IGI விமான நிலையத்திலிருந்து ஆரஞ்சு லைன் (Airport Express) மெட்ரோவில் பயணம் செய்து புது டெல்லி நிலையத்தில் இறங்கவும். அங்கு யெல்லோ லைன் (மில்லேனியம் சிட்டி சென்டர், குருகிராம் நோக்கிச் செல்லும் ரயில்) மெட்ரோவிற்கு மாறி, ராஜீவ் சௌக் நிலையத்தில் இறங்கவும். அங்கிருந்து ப்ளூ லைன் (நொய்டா எலக்ட்ரானிக் சிட்டி நோக்கிச் செல்லும் ரயில்) மெட்ரோவிற்கு மாறி, நொய்டா செக்டர் 62 நிலையத்தில் இறங்கவும்.
புது டெல்லி ரயில் நிலையத்திலிருந்து (50–60 நிமிடங்கள்):
புது டெல்லி மெட்ரோ நிலையத்திலிருந்து யெல்லோ லைன் மெட்ரோவில் (மில்லேனியம் சிட்டி சென்டர், குருகிராம் நோக்கிச் செல்லும் ரயில்) பயணம் செய்து ராஜீவ் சௌக் நிலையத்தில் இறங்கவும். அங்கு ப்ளூ லைன் மெட்ரோவிற்கு (நொய்டா எலக்ட்ரானிக் சிட்டி நோக்கிச் செல்லும் ரயில்) மாறி, நொய்டா செக்டர் 62 நிலையத்தில் இறங்கவும்.
பழைய டெல்லி ரயில் நிலையத்திலிருந்து (50–60 நிமிடங்கள்):
சாந்தினி சௌக் மெட்ரோ நிலையத்திலிருந்து யெல்லோ லைன் மெட்ரோவில் (மில்லேனியம் சிட்டி சென்டர், குருகிராம் நோக்கிச் செல்லும் ரயில்) பயணம் செய்து ராஜீவ் சௌக் நிலையத்தில் இறங்கவும். அங்கு ப்ளூ லைன் மெட்ரோவிற்கு (நொய்டா எலக்ட்ரானிக் சிட்டி நோக்கிச் செல்லும் ரயில்) மாறி, நொய்டா செக்டர் 62 நிலையத்தில் இறங்கவும்.
ஆனந்த் விஹார் டெர்மினலிலிருந்து (45–55 நிமிடங்கள்):
ஆனந்த் விஹார் ISBT மெட்ரோ நிலையத்திலிருந்து பிங்க் லைன் மெட்ரோவில் (I.P. எக்ஸ்டென்ஷன் நோக்கிச் செல்லும் ரயில்) பயணம் செய்து மயூர் விஹார் ஃபேஸ் – I நிலையத்தில் இறங்கவும். அங்கு ப்ளூ லைன் மெட்ரோவிற்கு (நொய்டா எலக்ட்ரானிக் சிட்டி நோக்கிச் செல்லும் ரயில்) மாறி, நொய்டா செக்டர் 62 நிலையத்தில் இறங்கவும்.
ISBT காஷ்மீரி கேட் நிலையத்திலிருந்து (60–70 நிமிடங்கள்):
ISBT காஷ்மீரி கேட் மெட்ரோ நிலையத்திலிருந்து வயலெட் லைன் மெட்ரோவில் (ராஜா நஹர் சிங் நோக்கிச் செல்லும் ரயில்) பயணம் செய்து மண்டி ஹவுஸ் நிலையத்தில் இறங்கவும். அங்கு ப்ளூ லைன் மெட்ரோவிற்கு (நொய்டா எலக்ட்ரானிக் சிட்டி நோக்கிச் செல்லும் ரயில்) மாறி, நொய்டா செக்டர் 62 நிலையத்தில் இறங்கவும்.
மெட்ரோ வழித்தடங்கள், வழித்தடம் மாற்றும் நிலையங்கள் மற்றும் பயண நேரங்கள் மாறுபடக்கூடும். பயணம் மேற்கொள்வதற்கு முன், டெல்லி மெட்ரோவின் சமீபத்திய வழித்தடங்கள் மற்றும் சேவைத் தகவல்களைச் சரிபார்க்கவும்.