మీ స్థిర ప్రోత్సాహానికి ధన్యవాదములు

ప్రత్యేక కార్యక్రమాలు:

• మన గౌరవనీయ అధ్యక్షులు మరియు ఆధ్యాత్మిక అధిపతి అయిన శ్రీ శ్రీ స్వామి చిదానందగారి బెంగళూరు, చెన్నై, అహ్మదాబాద్, నోయిడా మరియు ఖాట్మండు పర్యటన వేలాదిమంది భక్తులకు స్ఫూర్తినిచ్చి ఉన్నతి చేకూర్చింది.

  ఒక భక్తుడు ఇలా వ్రాశాడు: “స్వామి చిదానందగారి సాన్నిధ్యంలో ఉండటమంటే—ఊరట, ఉన్నతి, మరియు గాఢమైన రూపాంతరణ చేకూర్చే—సూర్యుడి వెచ్చదనంలో నిలబడినట్లు అనిపించింది….ఆయన పర్యటన నాలో శాంతి మరియు స్పష్టతను జాగృతం చేసింది, నేను మరింత కేంద్రీకృతంగా మరియు సమన్వయంగా ఉండేందుకు అది నాకు సహాయం చేసింది.”

• అదే విధంగా, 2025 కుంభమేళా వద్ద ఉన్న వై.ఎస్.ఎస్. శిబిరంలో బస చేయడం ద్వారా వేలాదిమంది ప్రయోజనం పొందారు. ఒక భక్తుడు ఇలా తెలిపారు: “అంతర్గతంగా నాలో ఉన్న నిరుత్సాహం, బాధలు మొదలైనవాటిని తొలగించుకోవడానికి నేను కుంభమేళాకు వెళ్ళాలనుకున్నాను. వై.ఎస్.ఎస్. శిబిరంలో మూడు-రోజులపాటు నివసించి తిరిగి వెళ్ళాక, నేను ఆ విషయంలో సాఫల్యం పొందడమేగాక, గురుదేవుల కృపతో నా హృదయం దివ్యప్రేమతోను మరియు అమితమైన ఆనందంతోను నిండిపోయింది. గురుదేవుల ప్రేమతో ప్రకాశిస్తూ ఎంతో జాగ్రత్తగా మా నివాసాన్ని సుఖప్రదం చేసిన సన్యాసులకు మరియు స్వచ్ఛంద సేవకులకు ధన్యవాదాలు.”