మహావతార్ బాబాజీ మరియు మన యుగానికి దైవ సహాయం

ఉపోద్ఘాతం:
పరమహంస యోగానందగారి ఒక యోగి ఆత్మకథ ద్వారానే ఒక నిజమైన అద్భుత ఆధ్యాత్మికమూర్తి అయిన మహావతార్ బాబాజీ గురించి ప్రపంచం తెలుసుకొన్నది.

ప్రాచీనమైన క్రియాయోగ శాస్త్రాన్ని ఆధునిక యుగంలో పునరుద్ధరించిన మహాత్ములు బాబాజీయే; మరియు యోగదా సత్సంగ సొసైటీ ఆఫ్ ఇండియా/సెల్ఫ్-రియలైజేషన్ ఫెలోషిప్ కార్యాచరణ వెనుక ఉన్న జ్ఞానదీప్తులైన గురుపరంపరలో ఆయన అత్యున్నత గురువు. ఒక యోగి ఆత్మకథలో చెప్పినట్లుగా, లెక్కలేనన్ని శతాబ్దాలుగా ఆయన హిమాలయాలలో ఏకాంతంగా నివసించారు.

పరమహంస యోగానందగారు భారతదేశం నుండి బయలుదేరే ముందు 1920లో జులై 25న కోల్ కతాలో బాబాజీ ఆయనను కలుసుకొని, ప్రపంచానికి క్రియాయోగం పరిచయం చేయమని చెప్పి దీవించారు. ప్రతి సంవత్సరం ఆ రోజును వై.ఎస్.ఎస్./ఎస్.ఆర్.ఎఫ్. ఉత్సవంగా జరుపుకుంటుంది.

“పాశ్చాత్య ప్రపంచంలో క్రియాయోగ సందేశాన్ని వ్యాప్తి చెయ్యడానికి నేను ఎంపిక చేసినవాడివి నువ్వే,” ఆ సమావేశంలో బాబాజీ ఇలా అన్నారు. “దైవసాక్షాత్కారసిద్ధికి తోడ్పడే శాస్త్రీయ ప్రక్రియ అయిన క్రియాయోగం, చివరికి అన్ని దేశాలకీ వ్యాపించి, అనంత పరమపిత అయిన పరమేశ్వరుణ్ణి గురించి మానవుడికి కలిగే వ్యక్తిగత అతీంద్రియ దర్శనం ద్వారా, దేశాల మధ్య సామరస్యం కలిగించడానికి తోడ్పడుతుంది.”

ప్రపంచంలో పరివర్తన తీసుకురాగల మహావతార్ బాబాజీ ప్రభావం గురించి పరమహంసగారి ఈ క్రింది మాటలను చదవమని మేము మిమ్మల్ని ఆహ్వానిస్తున్నాం.