మన ఆధ్యాత్మిక సామర్ధ్యంపై నమ్మకం కలిగి ఉండడం గురించి శ్రీ పరమహంస యోగానంద

దైవానికి ప్రియ సంతానమైన మనలో ప్రతి ఒక్కరం, వాస్తవానికి సర్వ శక్తివంతమైన, నిత్యానందకర ఆత్మలమని పరమహంస యోగానందగారు బోధించారు.

కాని, మన జీవితం గడుస్తున్న కొద్దీ, మనం మన మన లోపాలనుకునే వాటి మీద మరియు తాత్కాలికమైన అలవాట్లపై దృష్టి పెట్టడం, తద్ద్వారా మనపై మనం నమ్మకం కోల్పోవడం సులభం కావచ్చు — మన గొప్ప కలలను సాకారం చేసుకోవడానికి, గొప్ప సాధువులు మరియు ఋషులు చెప్పిన ఉన్నత చైతన్య స్థితులను అనుభవించేందుకు మనం నిజంగా అర్హులమేనా అని ఆశ్చర్యపోతాము.

కాని నిజానికి మనం ఇప్పటికే భగవంతుడితో శాశ్వతంగా ఒక్కటై ఉన్నామని, ధ్యానం ద్వారా దైవ-చైతన్యాన్ని ఈ జీవిత కాలంలోనే పొందే సామర్ధ్యం ప్రతి ఒక్కరికీ ఉందని పరమహంసగారు తరచుగా తమ బోధనల ద్వారా మనకు గుర్తు చేస్తున్నారు.

దేవుని ప్రేమ మరియు ఆనందాన్ని మరింత గాఢంగా అనుభవించే మీ దివ్య జన్మహక్కును ఆత్మవిశ్వాసంతో కోరుకొనేందుకు, మరింత సానుకూలమైన మరియు ఆధ్యాత్మికోత్సాహంతో కూడిన దృక్పథాన్ని పెంపొందించుకునేందుకు, పరమహంసగారి శక్తివంతమైన మార్గదర్శకత్వం మీకు క్రింద లభిస్తుంది.